ଜଟଣୀ ନିର୍ବାଚନ ମଣ୍ଡଳୀର ବେଷ୍ଟ୍ ବି.ଏଲ.ଓ କମଳିନୀ ଦେଈ:ଉପ ଜିଲ୍ଲାପାଳଙ୍କ ଦ୍ୱାରା ସମ୍ୱର୍ଦ୍ଧିତ ଅଞ୍ଚଳରେ ଖୁସିର ଲହରୀ

ଖୋର୍ଦ୍ଧା – ଜଟଣୀ (ଓଡ଼ିଶା ତାଜା ନିୟୂଜ) ନି ପ୍ର :- ୧୬ ତମ ଜାତୀୟ ମତଦାତା ଦିବସ ଉପଲକ୍ଷେ ଅନୁଷ୍ଠିତ ଜିଲ୍ଲାସ୍ତରୀୟ ମତଦାତା ଦିବସ ମହାସମାରୋରେ ପାଳିତ ହୋଇଯାଇଛି ।  ଖୋର୍ଦ୍ଧା ଉପ ଜିଲ୍ଲାପାଳ ଶ୍ରୀ ସଂକଳ୍ପ ସ୍ଵସ୍ତିକ ସାହୁଙ୍କ ପ୍ରତେକ୍ଷ ତତ୍ତ୍ୱାବଧାନରେ ଜିଲ୍ଲାପାଳଙ୍କ ସମ୍ମିଳନୀ କକ୍ଷ ଜୟୀ ରାଜଗୁରୁ ଭବନରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ଉପ ଜିଲ୍ଲାପାଳ ଶ୍ରୀ ସାହୁ କହିଥିଲେ, ଭାରତ ବିଶ୍ଵର ସର୍ବ ବୃହତ୍ ଗଣତାନ୍ତ୍ରିକ ରାଷ୍ଟ୍ର । ଆମର ପବିତ୍ର ରାଷ୍ଟ୍ର ବିଶ୍ୱରେ ଅନନ୍ୟ ।

ମୁଖ୍ୟ ଅତିଥିଭାବେ, ଜିଲ୍ଲାଉନ୍ନୟନ କମିଶନର ତଥା ନିର୍ବାହୀ ଅଧିକାରୀ ଜିଲ୍ଲା ପରିଷଦ ଖୋର୍ଦ୍ଧା ଶ୍ରୀ ଜ୍ୟୋତି ଶଙ୍କର ସାହୁ, ସମ୍ମାନିତ ଅତିଥି ପୂର୍ବତନ ଉପ ଜିଲ୍ଲାପାଳ ଶ୍ରୀ କିଶୋର କୁମାର ପଣ୍ଡା ପ୍ରମୁଖ ଶତାଧିକ ବି.ଏଲ.ଓ ଏବଂ ସୁପର ଭାଇଜର ଓ ଛାତ୍ର ଛାତ୍ରୀ ମାନଙ୍କୁ ଭୋଟର ସଚେତନତା ଦିବସ ପାଳନ ଉଦେଶ୍ୟ ଓ ଆଭିମୂଖ୍ୟ ସମ୍ପର୍କରେ ଆଲୋକପାତକରିଥିଲେ ।

ଶେଷରେ ଅତିଥି ମାନେ ଜିଲ୍ଲାର ବେଷ୍ଟ ଵିଏଲ୍ଓ ଏବଂ ସୁପର ଭାଇଜର୍ ମାନଙ୍କୁ ଉତ୍ତରୀୟ ଓ ମାନପତ୍ର ଦେଇ ସମ୍ବର୍ଦ୍ଧିତ(ସମ୍ମାନିତ) କରିଥିଲେ । ଏଥିରେ ଜଟଣୀ ନିର୍ବାଚନ ମଣ୍ଡଳୀର(୧୧୫କ୍ଷେତ୍ରରୁ) ବେଣାପଞ୍ଜରି ନିବାସୀ ଶ୍ରୀମତୀ କମଳିନୀ ଦେଈ ବେଷ୍ଟ ବି.ଏଲ.ଓ ଭାବେ ସମ୍ମାନିତ ହୋଇଛନ୍ତି । ଯାହାକୁ ନେଇ ଅଞ୍ଚଳରେ ଖୁସିର ଲହରୀ ଖେଳିଯାଇଛି ।