ଓଡ଼ିଶା ତାଜା ନ୍ୟୁଜ (୧୯ ସେପ୍ଟେମ୍ବର ଶନିବାର) କଳାହାଣ୍ଡି :- କଳାହାଣ୍ଡି ଜିଲ୍ଲାର ବଣୀଜରା ଗ୍ରାମ ପଞ୍ଚାୟତର ମାି୩୯ ; ମହାଲକ୍ଷ୍ମୀ ମହିଳା ସ୍ୱୟଂ ସହାୟିକା ଗୋଷ୍ଠୀର ୧୦ ଜଣ ସଦସ୍ୟା ଅତ୍ୟନ୍ତ ଖୁସି ହୋଇଥିଲେ ଯେବେ ଜିଲ୍ଲା ଯୋଗାଣ କାର୍ଯ୍ୟାଳୟରୁ ସେମାନେ ଏକ ପତ୍ର ହାସଲ କଲେ । ସେମାନଙ୍କୁ ପରୀକ୍ଷାମୂଳକ ଭାବେ ୨୦୧୮-୧୯ ରବି ଫସଲ ଧାନ ସଂଗ୍ରହ ନିମନ୍ତେ ନିୟୋଜିତ କରାଯାଇଥିଲା । ମହିଳା ସ୍ୱୟଂ ସହାୟିକା ଗୋଷ୍ଠୀ ପରିଚାଳନାରେ ଅତୀତର ନିଖୁଣ ପ୍ରଦର୍ଶନ ନିମନ୍ତେ ଏହି କାର୍ଯ୍ୟ ପାଇଁ ଯୋଗ୍ୟ ବିବେଚିତ ହୋଇଥିଲେ । ସେମାନଙ୍କର ଯାତ୍ରା ଆରମ୍ଭ ହୋଇଥିଲା ଅନ୍ଲାଇନ୍ ଧାନ ସଂଗ୍ରହ କାର୍ଯ୍ୟ ପାଇଁ ସ୍ୱୟଂକି୍ରୟ ଧାନସଂଗ୍ରହ ବ୍ୟବସ୍ଥା (ପି- ପାସ୍) ସଂପର୍କରେ ପ୍ରଶିକ୍ଷଣ ପ୍ରଦାନ ମାଧ୍ୟମରେ । ଚାଷୀମାନେ ଧାନ ଚାଷ କରୁଥିବାର ପରିମାଣର ସଠିକ୍ ତଥ୍ୟାବଳୀ ଓ ସେମାନଙ୍କ ବଳକା ଧାନ ରାଜ୍ୟ ସରକାରଙ୍କ ଏଜେନ୍ସିକୁ ବିକି୍ର କରିବା ନିମନ୍ତେ ସମ୍ମତି ଆଦି ବିଷୟରେ ଜାଣିବା ଲକ୍ଷ୍ୟରେ ଏହି ବ୍ୟବସ୍ଥାର ପ୍ରଚଳନ କରାଯାଇଛି । ଏହି ସ୍ୱୟଂ ସହାୟିକା ଗୋଷ୍ଠୀଙ୍କର ଆବଶ୍ୟକୀୟ ଡିଜିଟାଲ୍ ଭିତ୍ତିଭୂମି ଯଥା ଲାପ୍ଟପ୍, ପ୍ରିଣ୍ଟର ଏବଂ ଭରସାଯୋଗ୍ୟ ଇଣ୍ଟରନେଟ୍ ସଂଯୋଗ ଓ ପର୍ଯ୍ୟାପ୍ତ ବ୍ୟାକ୍ଅପ୍ ସୁବିଧାର ବ୍ୟବସ୍ଥା କରାଗଲା । ଏହା ଦ୍ୱାରା ଅନ୍ଲାଇନ୍ ମାଧ୍ୟମରେ ବିନା ପ୍ରତିବନ୍ଧକରେ ଧାନସଂଗ୍ରହ କାର୍ଯ୍ୟ କରିବା ନିମନ୍ତେ ସକ୍ଷମ ହୋଇପାରିବେ ।
ଏଥି ସହିତ ଧାନସଂଗ୍ରହ କାର୍ଯ୍ୟରେ ସାହାଯ୍ୟ କରିବା ନିମନ୍ତେ ସ୍ଥାନୀୟ ଅଞ୍ଚଳରୁ ୫ ଜଣ ଡାଟା ଏଣ୍ଟି୍ର ଅପରେଟର ଏବଂ ଜଣେ ବୁକ୍କିପର ନିଯୁକ୍ତି ଦେବା ଦିଗରେ ସହାୟତା ଯୋଗାଇ ଦିଆଗଲା । ମହିଳା ସ୍ୱୟଂ ସହାୟିକା ଗୋଷ୍ଠୀର ସଦସ୍ୟାମାନଙ୍କୁ ଫେୟାର ଆଭେରେଜ କ୍ୱାଲିଟି ମାନର ଧାନର ଗୁଣବତ୍ତା ସଂପର୍କରେ ଏବଂ ସମସ୍ତ ନଥିପତ୍ର ପରିଚାଳନା ସଂପର୍କରେ ପ୍ରଶିକ୍ଷଣ ପ୍ରଦାନ କରାଗଲା । ଧାନର ଗୁଣବତ୍ତା ମାପକ ମେସିନ୍ ପାଇବା ଦିଗରେ ନିୟନ୍ତ୍ରିତ ବଜାର କମିଟି ପକ୍ଷରୁ ସହାୟତା ଯୋଗାଇ ଦିଆଯିବା ସହିତ କ୍ଷେତ୍ରସ୍ତରରେ ଧାନର ଗୁଣବତ୍ତା ପରିଚାଳନା ସଂପର୍କରେ ସାହାଯ୍ୟ ପାଇଲେ । ଓଡ଼ିଶା ରାଜ୍ୟ ଯୋଗାଣ ନିଗମ ଅଧୀନରେ ନିୟନ୍ତ୍ରିତ ବଜାର କମିଟିର ମାର୍କେଟ ୟାର୍ଡ/ମଣ୍ଡିରେ ମହିଳା ସ୍ୱୟଂ ସହାୟକ ଗୋଷ୍ଠୀ ପକ୍ଷରୁ ଧାନ ସଂଗ୍ରହ କରାଗଲା । ମହିଳା ସ୍ୱୟଂ ସହାୟକ ଗୋଷ୍ଠୀଙ୍କୁ ଧାନସଂଗ୍ରହ ନିମନ୍ତେ କମିଶନ ବାବଦକୁ କ୍ୱିଣ୍ଟାଲ୍ ପିଛା ଟ.୩.୨୫ ପଇସା ପ୍ରଦାନ କରାଗଲା । ସେମାନଙ୍କର କଠିନ ପରିଶ୍ରମ ଏବଂ ମିଶନ ଶକ୍ତି ଆର୍ଏମ୍ସି ଏବଂ ଖାଦ୍ୟଯୋଗାଣ ଓ ଖାଉଟି କଲ୍ୟାଣ ବିଭାଗର କ୍ଷେତ୍ର ଅଧିକାରୀଙ୍କ ପୂର୍ଣ୍ଣ ସହଯୋଗ କ୍ରମେ ୨୦୧୮-୧୯ ରବି ଋତୁରେ ଏହି ମହିଳା ସ୍ୱୟଂ ସହାୟକ ଗୋଷ୍ଠୀ ଦ୍ୱାରା ୭ କୋଟି ୨୪ ଲକ୍ଷ ଟଙ୍କା ମୂଲ୍ୟର ୪୧,୪୨୪ କ୍ୱିଣ୍ଟାଲ୍ ଧାନସଂଗ୍ରହ କରାଯାଇଥିଲା ଓ ନିଟ୍ କମିଶନ ବାବଦକୁ ୧୩ ଲକ୍ଷ ୫୫ ହଜାର ଟଙ୍କା ପ୍ରାପ୍ୟ ହୋଇଥିଲା । ଏହା ସ୍ୱୟଂ ସହାୟକ ଗୋଷ୍ଠୀର ସଦସ୍ୟାମାନଙ୍କୁ ଏକ ପୋଷଣୀୟ ଜୀବିକା ସହିତ ବର୍ଦ୍ଧିତ ଖାଦ୍ୟ ନିରାପତ୍ତା, ଉତ୍ତମ ସ୍ୱାସ୍ଥ୍ୟସେବା ଏବଂ ଉନ୍ନତ ସ୍ୱାସ୍ଥ୍ୟସେବା ଯୋଗାଇ ଦେଇଥିଲା ।
୨୦୧୯ ମସିହା ମଇ ୨୯ ତାରିଖରେ ଅନୁଷ୍ଠିତ କ୍ୟାବିନେଟ୍ର ପ୍ରଥମ ବୈଠକରେ ମହିଳା ସ୍ୱୟଂ ସହାୟକ ଗୋଷ୍ଠୀମାନଙ୍କ ଦ୍ୱାରା ବିଭିନ୍ନ ସରକାରୀ ବିଭାଗ ମାଧ୍ୟମରେ ସଂଚରିତ ଢଙ୍ଗରେ ଆଗାମୀ ୫ବର୍ଷ ମଧ୍ୟରେ ପ୍ରାୟ ୫୦୦୦ କୋଟି ଟଙ୍କାର ବିିଭିନ୍ନ ସରକାରୀ ସେବା ଓ ଧାନସଂଗ୍ରହ କରାଯିବାର ପ୍ରସ୍ତାବକୁ ଅନୁମୋଦନ କରିଥିଲା । ଏକ ଅଦ୍ୱିତୀୟ ଜୀବିକାର୍ଜନ ଏକାଭିମୁଖୀ ମଡେଲ୍ ଅନ୍ତର୍ଗତ ରାଜ୍ୟ ସରକାରଙ୍କ ଦ୍ୱାରା ମିଶନ ଶକ୍ତି ମହିଳା ସ୍ୱୟଂ ସହାୟିକା ଗୋଷ୍ଠୀଙ୍କୁ ଧାନସଂଗ୍ରହ କାର୍ଯ୍ୟରେ ନିୟୋଜିତ କରିବା ମହିଳା ସଶକ୍ତିକରଣ ଦିଗରେ ଏକ ମାଇଲ୍ଖୁଣ୍ଟ ସଦୃଶ । ଏହି ପଦକ୍ଷେପ ଫଳରେ ଚାଷୀମାନେ ସରକାରଙ୍କ ଦ୍ୱାରା ପ୍ରଦତ୍ତ ସର୍ବନିମ୍ନ ସହାୟକ ମୂଲ୍ୟ ପାଇବେ ଏବଂ ମିଲର କିମ୍ବା ବେସରକାରୀ ବେପାରୀମାନଙ୍କ ଦ୍ୱାରା ଶୋଷଣର ଶିକାର ହେବେ ନାହିଁ ବୋଲି ଆଶା କରିଯାଏ । ୨୦୧୮-୧୯ ରବି ଋତୁରେ କଳାହାଣ୍ଡି ଜିଲ୍ଲାର ୧୭ଟି ଗ୍ରାମପଞ୍ଚାର ୧୭ଟି ମହିଳା ସ୍ୱୟଂ ସହାୟିକା ଗୋଷ୍ଠୀମାନଙ୍କୁ ସଫଳତାର ସହିତ ଧାନସଂଗ୍ରହ କାର୍ଯ୍ୟରେ ନିୟୋଜିତ କରାଯାଇଥିଲା । କଳାହାଣ୍ଡି ଜିଲ୍ଲାରେ ୪୩.୬ କୋଟି ଟଙ୍କାର ୨୪,୭୧,୯୬ କ୍ୱିଣ୍ଟାଲ୍ ରବିଧାନ ସଂଗ୍ରହ କରାଯାଇ କମିଶନ ବାବଦକୁ ୭୭.୨୫ ଲକ୍ଷ ପ୍ରାପ୍ୟ ହୋଇଥିଲା । ପ୍ରତି ଗୋଷ୍ଠୀଙ୍କୁ ହାରାହାରି କମିଶନ ବାବଦକୁ ୪.୫ ଲକ୍ଷ ଟଙ୍କାର ମିଳିଥିଲା । କଳାହାଣ୍ଡି ଜିଲ୍ଲାରେ ମହିଳା ସ୍ୱୟଂ ସହାୟିକା ଗୋଷ୍ଠୀ ଦ୍ୱାରା ସଫଳତାର ସହ ଧାନସଂଗ୍ରହ ହେବା ଲକ୍ଷ୍ୟ କରି ରାଜ୍ୟ ସରକାର ପରବର୍ତ୍ତୀ ଋତୁଗୁଡ଼ିକରେ ଧାନସଂଗ୍ରହ କରାଯାଉଥିବା ଜିଲ୍ଲାଗୁଡ଼ିକରେ ଅଧିକ ମହିଳା ସ୍ୱୟଂ ସହାୟିକା ଗୋଷ୍ଠୀ ନିୟେଜିତ କରିବା ପାଇଁ ସ୍ଥିର କଲେ । ଜିଲ୍ଲାସ୍ତରୀୟ କମିଟି ଦ୍ୱାରା ଦକ୍ଷ ଏସ୍ଏଚ୍ଜିମାନଙ୍କୁ ଚୟନ କରାଯାଇ ଡିଜିଟାଲ୍ ମାଧ୍ୟମରେ ଧାନ ସଂଗ୍ରହ ବିଷୟରେ ପ୍ରଶିକ୍ଷଣ ପ୍ରଦାନ କରାଗଲା ।
ଦସ୍ତାବିଜ୍ ଯାଞ୍ଚଠାରୁ ଆରମ୍ଭ କରି ଆଇରିସ୍ ଆଧାର କାର୍ଡ ସ୍କାନିଂ ଆଦି ସମେତ ମହିଳା ସଦସ୍ୟାମାନେ ଦକ୍ଷତାର ସହିତ ବାୟୋମେଟି୍ରକ୍ ଯାଞ୍ଚ, ଅନ୍ଲାଇନ୍ କ୍ରୟ, ଧାନବସ୍ତାଗୁଡ଼ିକର ଓଜନ, ଧାନର ଆଦ୍ରତା ମାପିବା, ଧାନସଂଗ୍ରହ ଏବଂ ମଣ୍ଡିରେ ଡକୁମେଣ୍ଟେସନ୍ ଆଦି କାର୍ଯ୍ୟ କରୁଛନ୍ତି । ମହିଳା ସ୍ୱୟଂ ସହାୟିକା ଗୋଷ୍ଠୀ ଦ୍ୱାରା ଧାନସଂଗ୍ରହ କାର୍ଯ୍ୟକୁ ସ୍ଥାନୀୟ ଚାଷୀମାନଙ୍କ ଦ୍ୱାରା ଆଦୃତ ହେଉଛି । ଖରିଫ୍ ୨୦୧୯-୨୦ ବର୍ଷରେ ୪୧୯ କୋଟି ଟଙ୍କା ମୂଲ୍ୟର ୨୩.୦୭ ଲକ୍ଷ କ୍ୱିଣ୍ଟାଲ୍ ଧାନ ୧୧ଟି ଜିଲ୍ଲାର ୧୯୯ଟି ମହିଳା ସ୍ୱୟଂ ସହାୟିକା ଗୋଷ୍ଠୀ ଦ୍ୱାରା ସଂଗୃହ କରାଯାଇ କମିଶନ ବାବଦକୁ ୭.୨ କୋଟି ଟଙ୍କା ସେମାନଙ୍କୁ ପ୍ରଦାନ କରାଯାଇଥିଲା । ୨୦୧୯-୨୦ ରବିଧାନ ସଂଗ୍ରହରେ ରାଜ୍ୟର ୮ଟି ଜିଲ୍ଲାର ୭୮ଟି ବ୍ଲକ୍ର ୧୧୨ଟି ଗ୍ରାମପଞ୍ଚାୟତରେ ୧୧୩ଟି ମହିଳା ସ୍ୱୟଂ ସହାୟକ ଗୋଷ୍ଠୀ ନିୟୋଜିତ ହୋଇ ୩୧୯ କୋଟି ଟଙ୍କା ମୂଲ୍ୟର ୧୭.୫୮ କ୍ୱିଣ୍ଟାଲ୍ ଧାନସଂଗ୍ରହପୂର୍ବକ କମିଶନ ବାବଦକୁ ୫.୪୯ କୋଟି ଟଙ୍କା ପାଇଥିଲେ । ଚଳିତ ୨୦୨୦-୨୧ ଖରିଫ୍ ଧାନସଂଗ୍ରହ ନିମନ୍ତେ ୨୨୩ଟି ମହିଳା ସ୍ୱୟଂ ସହାୟକ ଗୋଷ୍ଠୀ ଦ୍ୱାରା କୃଷକମାନଙ୍କର ଅନ୍ଲାଇନ୍ ନାମ ପଂଜୀକରଣ କାର୍ଯ୍ୟ ସଂପନ୍ନ ହୋଇଛି ା ଅଦ୍ୟାବଧି ରାଜ୍ୟର ୧୧ଟି ଜିଲ୍ଲାରେ ଧାନସଂଗ୍ରହ ନିମନ୍ତେ ୩୧୨ଟି ମହିଳା ସ୍ୱୟଂ ସହାୟିକା ଗୋଷ୍ଠୀ ସଂପୃକ୍ତ ହୋଇଛନ୍ତି ।
ସେମାନେ ସମଷ୍ଟିଗତ ଭାବେ ୭୮୧.୨୬ କୋଟି ଟଙ୍କା ମୂଲ୍ୟର ମୋଟ ୪୩.୧୨ ଲକ୍ଷ କ୍ୱିଣ୍ଟାଲ୍ ଧାନ ସଂଗ୍ରହ କରି କମିଶନ ବାବଦକୁ ୧୩.୪୬ କୋଟି ଟଙ୍କା ପାଇଛନ୍ତି । ମିଶନ ଶକ୍ତି ଦ୍ୱାରା ଅଭିନବ ଜୀବିକାର୍ଜନ ଏକାଭିମୁଖୀ ମଡେଲ୍ ଗ୍ରହଣ କରାଯାଇଥିବା ପରିପ୍ରେକ୍ଷୀରେ ମହିଳା ସ୍ୱୟଂ ସହାୟିକା ଗୋଷ୍ଠୀଙ୍କ ଦ୍ୱାରା ୨୦୧୯-୨୦ ଆର୍ଥିକ ବର୍ଷରେ ମୋଟ ୧୦୧୦.୧୪ କୋଟି ଟଙ୍କାର ବ୍ୟବସାୟ ହୋଇଛି । ସମର୍ଥକାରୀ ପରିବେଶ ଅନୁକୂଳ ନୀତି ଏବଂ ପ୍ରଶାସନର ପୂର୍ଣ୍ଣ ସହଯୋଗ ମହିଳା ଉଦ୍ୟୋଗକାରୀ ସୃଷ୍ଟି ଦିଗରେ ଉତ୍ପ୍ରେରକ ଭାବରେ କାର୍ଯ୍ୟ କରୁଛି । ୫ଞ୍ଜଫଞ୍ଚଟ୍ଟ;ଟିି୩୯; ସୂତ୍ର ଅନୁସାରେ ଠିକ୍ ସମୟରେ ନିଷ୍ପତ୍ତି ନେବା ଦଳଗତ ଉଦ୍ୟମ, କାର୍ଯ୍ୟରେ ସ୍ୱଚ୍ଛତା ଏବଂ ଟେକ୍ନୋଲୋଜିର ପ୍ରୟୋଗ ଓଡ଼ିଶାରେ ମହିଳା ସଶକ୍ତିକରଣ ଦିଗରେ ଏକ ପରିବର୍ତ୍ତନ ଆଣିବାରେ ସହାୟକ ହୋଇଛି । ରାଜ୍ୟ ସରକାରଙ୍କ ଦ୍ୱାରା ମହିଳା ସଶକ୍ତିକରଣ ଦିଗରେ ଉତ୍ସର୍ଗୀକୃତ ପ୍ରୟାସ ଫଳରେ ମହିଳା ସ୍ୱୟଂ ସହାୟିକା ଗୋଷ୍ଠୀ ସାମାଜିକ-ଅର୍ଥନୈତିକ ବିପ୍ଳବ କ୍ଷେତ୍ରରେ ମଶାଲଧାରୀ ଭାବେ ବିବେଚିତ ହେବାର ସ୍ୱପ୍ନ ଆଉ ବେଶୀ ଦୂର ନୁହେଁ । (ରିପୋର୍ଟ /ପ୍ରଦୀପ ଗଉଡ଼)
