ବସ ଚାପିଦେଲା : ଘଟଣା ସ୍ଥଳରେ ବାଇକ୍ ଆରୋହି ମୃତ

ବେଗୁନିଆ (ଓଡ଼ିଶା ତାଜା ନ୍ୟୁଜ୍) (ନି.ପ୍ର ) :- ୧୬ ନମ୍ବର  ଜାତୀୟ ରାଜପଥ ଟାଙ୍ଗୀ ନିକଟସ୍ଥ  ବିନ୍ଧାଣିଆ ଠାରେ  ବାଇକ ଆରୋହୀଙ୍କ ଉପରେ ଚଢିଗଲା ଦ୍ରୁତଗାମୀ ବସ, ବାଇକ ଆରୋହୀ ଉପରେ ବସ ଚଢ଼ିଯିବା ଯୋଗୁଁ ଘଟଣା ସ୍ଥଳରେ ବାଇକ ଆରୋହୀ ଙ୍କର ମୁଣ୍ଡ ରୁ ଗଣ୍ଡି ହୋଇଗଲା ଅଲଗା ଭୟାବହ ଦୁର୍ଘଟଣା  ଫଳରେ ବାଇକ ଆରୋହୀଙ୍କର ଚାଲିଗଲା ପ୍ରାଣବାୟୁ  ମୃତ ବାଇକ ଆରୋହୀ ଙ୍କ ନାମ ସୁବ୍ରତ  ପ୍ରଧାନ, ୩୨ ବର୍ଷ ଘର,ଖୋର୍ଦ୍ଧା ଜିଲ୍ଲା ଟାଙ୍ଗୀ ଥାନା କୁହୁଡି ଗ୍ରାମରେ ଯୁବକ ଜଣକ ଟାଙ୍ଗୀ ରୁ ବାଇକ ରେ ନିଜର ଜଣେ ବନ୍ଧୁଙ୍କ ସହ କୁହୁଡି ଅଭିମୁଖେ ଯାଉଥିବା ବେଳେ ପଛ ପଟୁ ପିଟିଥିଲା ଗୋଟିଏ ଦ୍ରୁତଗାମୀ ବସ ସୁବ୍ରତ ଙ୍କ ବନ୍ଧୁ ମଧ୍ୟ ଗୁରୁତର ହୋଇ ଟାଙ୍ଗୀ ରୁ ଭୁବନେଶ୍ୱର କୁ ସ୍ଥାନାନ୍ତର ହୋଇଛନ୍ତି  l

ଦୁର୍ଘଟଣା ଘଟାଇବା ପରେ ବସ ଦୁର୍ଘଟଣା ସ୍ଥଳରୁ  ଫେରାର ହୋଇ ଯାଇଥିଲା l ଖବର ପାଇ ଶତାଧିକ ଉତ୍ୟକ୍ତ ଲୋକ ବିନ୍ଧାଣିଆ ନିକଟରେ ରାସ୍ତା ଜାମ କରିଥିଲେ l ରାସ୍ତା ଜାମ  ରହିବା ଯୋଗୁଁ ୧୬ ନମ୍ବର ଜାତୀୟ ରାଜପଥ ର ଉଭୟ ପାର୍ଶ୍ୱ ରେ ସହ ସହ ଗାଡି  ମୋଟର ଅଟକି ରହିଥିଲା l ଫଳରେ ଦୁରଦୂରାନ୍ତର କୁ ଯାତ୍ରା କରୁଥିବା ଯାତ୍ରୀ ମାନେ ଜାତୀୟ ରାଜପଥ ରେ ହନ୍ତ ସନ୍ତ ହେଉଥିଲେ l

ଖବର ପାଇ ଟାଙ୍ଗୀ ଥାନା ଆଇ ଆଇ ସି  ରବିନ୍ଦ୍ର କୁମାର ଭୁଜବଳ  ସଦଳ ବଳେ ଘଟଣା ସ୍ଥଳରେ ପହଁଚି ଥିଲେ l ଘଟଣା ସ୍ଥଳରେ ପହଁଚି ଉତ୍ୟକ୍ତ ଲୋକଙ୍କୁ ବୁଝା ସୁଝା କରିବା ସହ ଶବ ଓ ବାଇକ ଜବତ କରିଥିଲେ l ଶବ ଓ ବାଇକ ଜବତ କରି ଉତ୍ୟକ୍ତ ଲୋକଙ୍କୁ ପ୍ରତିଶୃତି ଦେବା ପରେ ଜାତୀୟ ରାଜପଥ ରେ ଗାଡି ଚଳା ଚଳ ସ୍ୱାଭାବିକ ହୋଇଥିଲା ।