ହଜାର ହଜାର ଦାଦନ ସଂଖ୍ୟାରେ ଦାଦନ ଶ୍ରମିକ ମାନେ ଅଗ୍ରୀମ ଟଙ୍କା ନେଇ ଦାଦନ ଖଟିବା ପାଇଁ ଅନ୍ୟ ରାଜ୍ୟ କୁ ଯାଉଛନ୍ତି

ବଲାଙ୍ଗୀର  (ଓଡ଼ିଶା ତାଜା ନ୍ୟୁଜ୍) (ନି.ପ୍ର ) :- ବଲାଙ୍ଗୀର ଜିଲ୍ଲା ତୁରକେଲା ଦାଦନ ଋତୁ ଆରମ୍ଭରୁ ହଜାର ହଜାର ଦାଦନ ସଂଖ୍ୟାରେ ଦାଦନ ଶ୍ରମିକ ମାନେ ଅଗ୍ରୀମ ଟଙ୍କା ନେଇ ଦାଦନ ଖଟିବା ପାଇଁ ଅନ୍ୟ ରାଜ୍ୟ କୁ ଯାଉଛନ୍ତି । ହେଲେ ସରକାରଙ୍କ ନିୟମ କୁ ପାଳନ ନ କରି ଦାଦନ ଚାଲାଣ ହେବା ଘଟଣା ସାମନା କୁ ଆସେ । ବଲାଙ୍ଗୀର ଜିଲ୍ଲା ତୁରେକେଲା ପୋଲିସ ୧୩ ଜଣ ଦାଦନ ଶ୍ରମିକଙ୍କ ସହ ଦୁଇଟି ଛୁଆଙ୍କୁ ଉଦ୍ଧାର କରିବା ସହ ଘଟଣାରେ ସଂପୃକ୍ତ ସର୍ଦାରକୁ ଗିରଫ କରିଛି ।

ଶ୍ରମିକମାନେ କନ୍ଧବାହାଲ ଗାଁର ଦାଦନ ସର୍ଦ୍ଦାର ସୁରେଶ ୱାଡେକରଙ୍କ ଠାରୁ ଆଗୁଆ ବଇନା ନେଇ ରାଜ୍ୟ ବାହାର ବିଜୟବାଡ଼ାକୁ କାମ କରିବାକୁ ଯାଉଥିଲେ। ତୁରେକେଲା ଥାନା ଅନ୍ତର୍ଗତ ସେମେଳା ଗ୍ରାମ ନିକଟରେ ପୁଲିସ ପାଟ୍ରୋଲିଂ କରୁଥିବା ବେଳେ ଶ୍ରମିକଙ୍କୁ ଉଦ୍ଧାର କରିଥିଲା । କାଗଜପତ୍ର ଯାଞ୍ଚ ପରେ ବେଆଇନ ଭାବେ ଚାଲାଣ ହେଉଥିବା ପୁଲିସ ଜାଣିବାକୁ ପାଇଥିଲା । ଶ୍ରମିକମାନେ ଲାଠୋର, ଟିଟିଲାଗଡ଼ ଓ ପାଟଣାଗଡ଼ ଅଞ୍ଚଳର ବୋଲି ଜଣାପଡ଼ିଛି । ପୋଲିସ ଗୋଟିଏ ମାମଲା ୩୩୬/୨୫ ରୁଜୁ କରି ଅଭିଯୁକ୍ତ ଦାଦନ ସର୍ଦ୍ଦାର ସୁରେଶ ୱାଡେକର କୁ କୋର୍ଟଚାଲାଣ କରାଯାଇଛି ବୋଲି ଥାନା ଅଧିକାରୀ ରାକେଶ ବେହେରା ସୂଚନା ଦେଇଛନ୍ତି ।