ଓଡ଼ିଶା ତାଜା ନ୍ୟୁଜ (୧୫ ସେପ୍ଟେମ୍ବର ମଙ୍ଗଳବାର) ଭୁବନେଶ୍ୱର :- ହିନ୍ଦୁଜା ଗ୍ରୁପ୍ର ପ୍ରମୁଖ କଂପାନି ଅଶୋକ ଲେଲ୍ୟାଣ୍ଡ୍ ପକ୍ଷରୁ ଲଘୁ ବାଣିଜ୍ୟିକ ଯାନ (ଏଲ୍ସିଭି) ବର୍ଗରେ ବଡ଼ା ଦୋସ୍ତକୁ ଉନ୍ମୋଚନ କରାଯାଇଛି । ଏହା ଜରିଆରେ କଂପାନି ସ୍ଥାନୀୟ ଏଲସିଭି ବଜାରରେ ଥିବା ଅଭାବକୁ ପୂରଣ କରିଛି । ଦୋସ୍ତ ବ୍ରାଣ୍ଡ୍ ପ୍ଲାଟଫର୍ମରେ ବଡ଼ା ଦୋସ୍ତକୁ ପ୍ରସ୍ତୁତ କରାଯାଇଛି ଯାହା ଭରସା, ମାଇଲେଜ୍ ଓ ଆରାମ ପାଇଁ ପରିଚିତ । ଏଥିରେ ଗ୍ରାହକଙ୍କୁ ସୁହାଇବା ଭଳି ପ୍ରଯୁକ୍ତି ଓ ଡ୍ରାଇଭରଙ୍କ ପାଇଁ ଆରାମଦାୟକ ସୁବିଧା ରହିଛି । ସଦ୍ୟତମ ବିଏସ୍-୬ ଇଞ୍ଜିନକୁ ଏଥିରେ ବ୍ୟବହାର କରାଯାଇଛି ଓ ଏହା ଆଇ-୪ ଓ ଆଇ-୩ ଭଳି ଦୁଇଟି ଭାରିଆଂଟ୍ରେ ଉପଲବ୍ଧ ହୋଇଛି । ଏହାର ଶ୍ରେଷ୍ଠ ପେ’ଲୋଡ୍ କ୍ଷମତା ଯଥାକ୍ରମେ ୧,୮୬୦ କେଜି ଓ ୧୪୦୫ କେଜି ରହିଛି । ପ୍ରାରମ୍ଭିକ ପର୍ଯ୍ୟାୟରେ ବଡ଼ା ଦୋସ୍ତ ୭ଟି ରାଜ୍ୟରେ ଉନ୍ମୋଚନ କରାଯାଇଛି ଓ ପର୍ଯ୍ୟାୟକ୍ରମେ ତାହାକୁ ସାରା ଦେଶରେ ସଂପ୍ରସାରିତ କରାଯିବ ।
ଏହାର ମୁମ୍ବାଇରେ ଏକ୍ସ ସୋ’ରୁମ୍ ଦାମ୍ ହେଉଛି ୭.୭୫ ଲକ୍ଷ ଟଙ୍କା (ଆଇ୩ ଏଲ୍ଏସ୍), ୭.୯୫ ଲକ୍ଷ ଟଙ୍କା (ଆଇ୩ ଏଲ୍ଏକ୍ସ), ୭.୭୯ ଲକ୍ଷ ଟଙ୍କା (ଆଇ୪ ଏଲ୍ଏସ୍) ଓ ୭.୯୯ ଲକ୍ଷ ଟଙ୍କା (ଆଇ୪ ଏଲ୍ଏକ୍ସ) । ଶ୍ରୀଯୁକ୍ତ ବିପୀନ ସୋନ୍ଧି, ଏମ୍ଡି ଓ ସିଇଓ, ଅଶୋକ ଲେଲ୍ୟାଣ୍ଡ୍ କହିଛନ୍ତି ଯେ, “ଆମ ପାଇଁ ଏଲ୍ସିଭି ବର୍ଗରେ ବିପୁଳ ସୁଯୋଗ ରହିଛି । ବର୍ତମାନ ବାଣିଜ୍ୟିକ ଯାନ କ୍ଷେତ୍ରରେ ହେଉଥିବା ସୁଧାରରେ ଏହା ଅଗ୍ରଣୀ ସ୍ଥାନରେ ରହିଛି । ବଡା ଦୋସ୍ତ ଜରିଆରେ ଆମେ ବଡ଼ ଧରଣର ପ୍ରତିଶ୍ରୁତି ସହ ଏହି ବଜାରର ଗୁରୁତ୍ୱପୂର୍ଣ୍ଣ ଅଂଶକୁ ପୂରଣ କରିବୁ । ଏଲସିଭି ହେଉଛି ଆମ ପାଇଁ ଅଭିବୃଦ୍ଧିର ଏକ ବଡ଼ ବ୍ୟବସାୟ ଯାହାର ଅବଦାନ ଆମ ୨୦୧୯-୨୦ ଆର୍ଥିକ ବର୍ଷରେ ପ୍ରାୟ ୪୦ ପ୍ରତିଶତ ଥିଲା ଓ ଚଳିତ ବର୍ଷ ମଧ୍ୟ ଏହା ବୃଦ୍ଧି ପାଉଛି । ନୂଆ ଓ ଦୃଢ଼ ବଡ଼ା ଦୋସ୍ତ ସହିତ ଆମେ ସାରା ଦୁନିଆରେ ଗୁଣାତ୍ମକ ଓ ଲାଭଦାୟକ ଯାନ ସନ୍ଧାନରେ ଥିବା ଗ୍ରାହକଙ୍କୁ ନେଇ ଗଠିତ ପରିବାରକୁ ନିଶ୍ଚିତ ରୂପେ ସଂପ୍ରସାରିତ କରିପାରିବୁ ।’’
ଶ୍ରୀଯୁକ୍ତ ନୀତିନ ସେଠ୍, ସିଓଓ, ଅଶୋକ ଲେଲ୍ୟାଣ୍ଡ୍ କହିଛନ୍ତି ଯେ, “ଆମର ଦୋସ୍ତ ଏଲ୍ସିଭିଗୁଡ଼ିକ ନିଜ ବର୍ଗରେ ସବୁଠୁ ସଫଳ । ୨୦୧୧-୧୨ରେ ପ୍ରଥମ ଉନ୍ମୋଚନ ପରଠାରୁ ଆମେ ନିରନ୍ତର ଭାବେ ବଜାର ଅଂଶ ହାସଲ କରୁଛୁ । କାର୍ ଭଳି ଅନୁଭୂତି ଓ ଗ୍ରାହକ କୈନ୍ଦ୍ରୀକ ଭାବ ଯୋଗୁଁ ଏହା ଗ୍ରାହକଙ୍କ ବିଶ୍ୱାସ ହାସଲ କରିଛି । ମୋର ଚବଶର ୨ କ୍ଟଲ ୨ ବିଶ୍ୱାସ ରହିଛି ଯେ ବଡା ଦୋଷ ହେଉଛି ସଠିକ୍ ସମୟ ପାଇଁ ଏକ ସଠିକ୍ ଉତ୍ପାଦ ଓ ଏହା ଦୋସ୍ତର ପରମ୍ପରାକୁ ଶ୍ରେଷ୍ଠ ଶିଖରକୁ ନେଇପାରିବ । ଆମର ହୋସୁରରେ ସ୍ଥାପନ କରାଯାଇଥିବା ସମ୍ପୂର୍ଣ୍ଣ ରୋବୋଟିକ୍ କ୍ୟୁବିକ୍ ଲାଇନ୍ରେ ଏହାକୁ ନିର୍ମାଣ କରାଯାଇଛି ।
୨୪ ଘଂଟା ସେବା ସହାୟତା ଓ ଶ୍ରେଷ୍ଠ ଗ୍ରାହକ ଅନୁଭୂତି ସହିତ ଏହା ଆମ ବ୍ରାଣ୍ଡ୍ର ଦର୍ଶନ ‘ଆପକି ଜିତ, ହମାରି ଜିତ୍’ର ଏକ ବାସ୍ତବ ଉଦାହରଣ ।’’ ବଡା ଦୋସ୍ତରେ ତିିନି ସିଟ୍ ବିଶିଷ୍ଟ କ୍ୟାବିନ୍ ରହିଛି ଯାହା ଉତ୍କୃଷ୍ଟ ଆରାମ ପ୍ରଦାନ କରୁଛି । ସେଥିରେ ଫୋଲଡେବଲ୍ ବ୍ୟାକ୍ ରେଷ୍ଟ୍ ଓ କୋଲାପ୍ସିବଲ୍ ହାଣ୍ଡ୍ବ୍ରେକ୍ ବ୍ୟବସ୍ଥା ରହିଛି । ଏଥିରେ ଡୁଆଲ ଟୋନ୍ ଡ୍ୟାସ୍ବୋର୍ଡ ଓ ଡିଜିଟାଲ୍ ଇନଷ୍ଟ୍ରୁମେଂଟ୍ କ୍ଲଷ୍ଟର୍ ରହିଛି ଯାହା ପ୍ରିମିୟମ୍ କାର ଭଳି ଅନୁଭୂତି ପ୍ରଦାନ କରିବ । ଏହି ଯାନରେ ପାୱାର ଷ୍ଟିୟରିଂ ଓ ଏସି ବିକଳ୍ପ ମଧ୍ୟ ରହିଛି ।
