ବାତ୍ୟାରେ ଭାଙ୍ଗିଲା ବାସ ଘର

ଆର,ଉଦୟଗରି (ଓଡ଼ିଶା ତାଜା ନ୍ୟୁଜ୍) ନି.ପ୍ର :-  ଦୁଇ ଦିନ ଧରି ରାଜ୍ୟର ବିଭିନ୍ନ ଜିଲ୍ଲାରେ ବର୍ଷା ସହିତ ଝଡ଼ ତୋଫାନ ଲାଗି ରହିଛି । ଫଳରେ ଗଜପତି ଜିଲ୍ଲାରେ ପ୍ରବଳ ବର୍ଷା ହେତୁ ଅଧିକ ଭାବରେ କ୍ଷୟ କ୍ଷତି ହୋଇଥିବାର ଅନୁମାନ କରାଯାଉଛି । ଧାନ ଫସଲ ସହିତ ମକା ଏବଂ ଅନ୍ୟାନ୍ୟ ଫସଲ ମଧ୍ୟ ବହୁ ପରିମାଣରେ ନଷ୍ଟ ହୋଇଛି ।

ଏହି ଲଗାଣ ବର୍ଷା ହେବା ଫଳରେ ମୋହନା ବ୍ଲକର ଜିରଙ୍ଗ ଗ୍ରାମ ପଞ୍ଚାୟତ ଅଧିନରେ ଥିବା ବୁରୁପଦ୍ଦା ଗ୍ରାମର କରୁଣା ନାୟକଙ୍କ ବାସ ଗୃହଟି ସମ୍ପୂର୍ଣ୍ଣ ଭାବେ ଭାଙ୍ଗି ଯାଇଛି। ଜିନିଷ ପତ୍ର ସବୁ ନଷ୍ଟ ହେବା ସହିତ ପରିବାର ଲୋକେ ଅସୁବିଧା ଭୋଗୁଛନ୍ତି। ଉପରୋକ୍ତ କ୍ଷୟ କ୍ଷତିକୁ ବିଚାର କରି ସରକାରଙ୍କ ତରଫରୁ କିଛି ଅନୁଦାନ ମିଳିଲେ ପରିବାର ଲୋକେ ଉପକୃତ ହେବେ।