ଓଡ଼ିଶା ତାଜା ନ୍ୟୁଜ (୯ ସେପ୍ଟେମ୍ବର ବୁଧବାର) ପଦ୍ମପୁର :–ପାଇକମାଲ ବ୍ଲକ ମାଣ୍ତୋସିଲ ଗ୍ରାମ ପଞ୍ଚାୟତ ଡୁମ୍ବେରବାହାଲ ଗ୍ରାମ ସାମ୍ବାଦିକ ବନବସ ସାହୁଙ୍କ ମାତା ଧର୍ମପ୍ରାଣା ମହିଳା ବେଳମତୀ ସାହୁଙ୍କ ୯୦ ବର୍ଷ ବୟସରେ ଗତ ରାତିରେ ପରଲୋକ ହୋଇଯାଇଛି । ସ୍ବର୍ଗୀୟା ସାହୁଙ୍କ ପରିବାର ଗତ ୨୩ ବର୍ଷ ହେଲା ଅତାବିରା ଥାନା ଜହ୍ନାପଡା କର୍ଣ୍ଣାଟିକା ଗ୍ରାମରୁ ଆସି ପାଇକମାଲ ବ୍ଲକ ମାଣ୍ତୋସିଲ ଗ୍ରାମ ପଞ୍ଚାୟତ ଡୁମ୍ବେରବାହାଲ ଗ୍ରାମରେ ରହି ଚାଷବାସ କରି ଆସୁଛନ୍ତି ।
ବେଳମତୀ ସାହୁ ଜଣେ ଧର୍ମପ୍ରାଣ, ପରୋପକାରୀ,ମିଷ୍ଟଭାଷିଣୀ ତଥା ଯେ କେହି ହୁଅନ୍ତୁ ନା କାହିଁକି ସମସ୍ତଙ୍କ ପ୍ରତି ଅନାବିଳ ସ୍ନେହ ମମତା ରହିଥିଲା । ସେ ଗତ କିଛି ମାସ ହେଲା ବାର୍ଦ୍ଧକ୍ୟ ଜନିତ କାରଣରୁ ଶଯ୍ଯାଶାୟୀ ଥିଲେ । ତାଙ୍କ ମୃତ୍ୟୁ ଶଯ୍ଯା ନିକଟରେ ଚାରିପୁଅ ସନ୍ତୋଷ ସାହୁ, ଶିବ ପ୍ରସାଦ ସାହୁ, ଲୋଚନ ସାହୁ, ସାମ୍ବାଦିକ ବନବସ ସାହୁ, ଚାରି ବୋହୁ,ନାତି ନାତୁଣୀ,ନାତି ବୋହୁ ମାନେ ଉପସ୍ଥିତ ଥିଲେ । ଆଜି ସକାଳେ ସ୍ଥାନୀୟ ଶ୍ମଶାନ ଘାଟରେ ଠାରେ ଜ୍ଯେଷ୍ଠ ପୁଅ ସନ୍ତୋଷ ସାହୁ ମୁଖାଗ୍ନି ଦେଇ ଥିଲେ । ତାଙ୍କ ବିୟୋଗରେ ସଂପୃକ୍ତ ଅଞ୍ଚଳରେ ତଥା ଚିହ୍ନା ପରିଚିତ ମହଲରେ ଶୋକ ର ଛାୟା ଖେଳିଯାଇଛି । (ରିପୋର୍ଟ -ନିରୋଜ କୁମାର ପାଣୀ)
ରିପୋର୍ଟ – ନିରୋଜ କୁମାର ପାଣୀ
