କଟକ (ଓଡ଼ିଶା ତାଜା ନ୍ୟୁଜ୍) :- ମଙ୍ଗଳବାର ଦିନ ଥିଲା ମହାପ୍ରଭୁଙ୍କ ନିଳାଦ୍ରୀ ବିଜେ। ଏହି ଦିନ ମହାପ୍ରଭୁ ଶ୍ରୀଜଗନ୍ନାଥ,ବଡଭାଇ ବଳଭଦ୍ର ଭଉଣୀ ସୁଭଦ୍ରା ରଥଯାତ୍ରା, ବାହୁଡା଼, ଅଧରପଣା କାର୍ଯ୍ୟ ଶେଷକରି ବାର ଦିନ ପରେ ରଥରୁ ନୀଳାଦ୍ରି ବିଜେ କରିଥାଆନ୍ତି। ଏହି ଦିନ ଜଗନ୍ନାଥ ମା ଲକ୍ଷ୍ମୀଙ୍କ ମାନ ଭଞ୍ଜନ କରିବା ପାଇଁଁ ରସଗୋଲା ଖୁଆଇ ରାଗ ଶାନ୍ତି କରିଥାନ୍ତି । ତେଣୁ ଏହି ଦିନକୁ ରସଗୋଲା ଦିବସ ଭାବେ ପାଳନ କରାଯାଇ ଆସୁଅଛି ।
ନୀଳାଦ୍ରି ବୀଜେ ଦିବସକୁ କଟକ – ଭୁବନେଶ୍ୱର ଜାତୀୟ ରାଜପଥ ପାର୍ଶ୍ବରେ ଥିବା ଭୁବନେଶ୍ୱର ମହାନଗର ନିଗମର ୪ ନମ୍ବର ୱାର୍ଡ ପାହାଳ ବଜାରରେ ଗଢି ଉଠିଥିବା ରସଗୋଲା ବ୍ୟବସାୟୀ ଭାଇମାନେ ଦୀର୍ଘ ଦଶ ବର୍ଷ ଧରି ପାହାଳ ବଜାରରେ ବିଶ୍ଵ ରସଗୋଲା ଦିବସ ପାଳନ କରିଆସୁଛନ୍ତି । ଏହି ବିଶ୍ଵ ରସଗୋଲା ଦିବସ ଉପଲକ୍ଷେ ପାହାଳ ମିଷ୍ଟାନ୍ନ ବ୍ୟବସାୟୀ ସଂଘ ପକ୍ଷରୁ ମଙ୍ଗଳବାର ସନ୍ଧ୍ୟାରେ ବିଶ୍ଵ ରସଗୋଲା ଦିବସ ଅନୁଷ୍ଠାନର ସଭାପତି ଅକ୍ଷୟ କୁମାର ଲେଙ୍କାଙ୍କ ପୈ।ରହିତ୍ୟରେ ଅନୁଷ୍ଠିତ ହୋଇଥିଲା ।
ଆୟୋଜିତ ଉତ୍ସବରେ ସ୍ତମ୍ଭକାର ଶ୍ରୀ ସନ୍ୟାସି ଜୀ ସଭା ପରିଚାଳନା କରିଥିଲେ । ଆୟୋଜିତ ଉତ୍ସବରେ ଭୁବନେଶ୍ୱର ମହାନଗର ନିଗମର ମେୟର ସୂଚନା ଦାସ ମୁଖ୍ୟ ଅତିଥି , ବିଶିଷ୍ଟ ସାହିତ୍ୟିକ ଡଃ ଅସିତ୍ କୁମାର ମହାନ୍ତି ମୁଖ୍ୟ ବକ୍ତା, ବିଏମସି ଡେପୁଟି ମେୟର ମଞ୍ଜୁଲତା କୁଅଁର, ଉତ୍କଳ ମିଷ୍ଟାନ୍ନ ବ୍ୟବସାୟୀ ସଂଘର ସଭାପତି ବିମ୍ବାଧର ବେହେରା, ଆଧ୍ୟାତ୍ମିକ ପ୍ରବଚକ ଞାନାନନ୍ଦ ବେହେରା, ସ୍ଥାନୀୟ କର୍ପୋରେଟର ସୁକୁମାର ସାହୁ, ପାହାଳ ବଜାର ବ୍ୟବସାୟୀ ସଂଘର ସଭାପତି ପଦ୍ମନାଭ ପଟ୍ଟନାୟକ,
ପୂର୍ବତନ ସରପଂଚ ବଂଶୀଧର ଭୋଳ ପ୍ରମୁଖ ସମ୍ମାନିତ ଅତିଥି ଭାବେ ଯୋଗଦେଇ କହିଲେ ଯେ, ପାହାଳ ରସଗୋଲା କୁ ଜିଆଇ ଟ୍ୟାଗ ମିଳିଥିଲା ବେଳେ, ରସଗୋଲା ପ୍ରସ୍ତୁତି ହବ ପାଇଁ ସରକାର ଦେଢ଼ ଏକର ଜମି ଯୋଗାଇ ଦେଇଛନ୍ତି । ଏହି ହବ କିପରି କାର୍ଯ୍ୟ କାରି ହେବ ସେଥିପାଇଁ ସମସ୍ତଙ୍କର ସହଯୋଗ ରହିଲେ ଏହା ଆଗକୁ ଯାଇ ପାରିବ ବୋଲି ଅତିଥି ମାନେ କହିଥିଲେ । ରଥଯାତ୍ରା ଯେବେଠୁ ରସଗୋଲା ଦିବସ ସେବେଠୁ । ଏଣୁ ଏହି ରସଗୋଲା ପ୍ରସ୍ତୁତି କରୁଥିବା ବ୍ୟବସାୟୀଙ୍କ ସହିତ ରସଗୋଲା ପ୍ରସ୍ତୁତି ପାଇଁ ଛେନା ବ୍ୟବସାୟୀ,
ଚିନି ବ୍ୟବସାୟୀ, ଜାଳେଣି କାଠ ଦେଉଥିବା ବ୍ୟବସାୟୀଙ୍କ ପରିବାର ଗୁଜୁରାଣ ମୋଉଛନ୍ତି । ବର୍ତମାନ ଏନ୍ ଏଚ ଆଇ କତୃପକ୍ଷ ପାହାଳ ରସଗୋଲା ବ୍ୟବସାୟୀଙ୍କ ଦୋକାନ ସମ୍ମୁଖରେ ଲୁହା ବାଡ ଦେବାପାଇଁ ମସୁଧା କରୁଛନ୍ତି । ଏହା କରାଗଲେ ବହୁ ପରିବାର ଭୋକ ଉପବାସରେ ରହିବେ। ଏହା ଯେପରି କରାନଯିବ ସେନେଇ ପାହାଳ ରସଗୋଲା ବ୍ୟବସାୟୀ ବିଏମସି ମେୟର ଏନ୍ ଏଚ ଆଇ ଅଧିକାରୀଙ୍କ ସହବସି ଆଲୋଚନା କରିବା ପାଇଁ ଅତିଥି ମାନେ ପରାମର୍ଶ ଦେଇଥିଲେ ।
ଆୟୋଜିତ ବିଶ୍ୱ ରସଗୋଲା ଦିବସରେ ଜନ ସାଧାରଣଙ୍କୁ ଫ୍ରିରେ ରସଗୋଲା ଖାଇବାକୁ ଦିଆଯାଇଥିଲା । ଶେଷରେ ଭଜନ ପରିବେଷଣ କରାଯାଇଥିଲା । ଆୟୋଜିତ ଉତ୍ସବରେ ସଂଘର ସମ୍ପାଦକ ନିରଞ୍ଜନ ବେହେରା, ଶରତ କୁମାର ବେହେରା, ନବୀନ ସାହୁ, ଦୁଃଶାସନ ପ୍ରଧାନ ଙ୍କ ସମେତ ପାହାଳର ସମସ୍ତ ମିଠା ବ୍ୟବସାୟୀ ଭାଇମାନେ ଉପସ୍ଥିତ ରହି କାର୍ଯ୍ୟକ୍ରମ କୁ ପରିଚାଳନା କରିଥିଲେ ।
