ଠିକାଦାର ଓ ଯନ୍ତ୍ରୀଙ୍କ ମଧୁ ଚନ୍ଦ୍ରିକାରେ : ବିନା ସୂଚନା ଫଳକରେ ଚାଳିଛି – ତୁରେକେଲା ରାସ୍ତା କାମ

ଜିଲ୍ଲା ପ୍ରଶାସନ ଆଖି ଥାଇ ଅନ୍ଧ

ବିନା ସୂଚନା ଫଳକ ରେ ଚାଳିଛି ରାସ୍ତା କାମ : ନିମ୍ନ ମାନର କାର୍ଯ୍ୟ ଅଭିଯୋଗ – ତଦନ୍ତ ପାଇଁ ଦାବି ।

ତୁରେକେଲା (ଓଡ଼ିଶା ତାଜା ନ୍ୟୁଜ୍)  :- ତୁରେକେଲା ବ୍ଲକ ରେ ଚାଳିଛି ସରକାରୀ କାମ ରେ ଅନିୟମିତତା। ଠିକାଦାରଓ ଯନ୍ତ୍ରୀ ମାଲେ ମାଲ୍। ଲୋକ ପ୍ରତିନିଧି ଙ୍କ ଜାନତ ରେ ହେଉଛି ହରି ଲୁଟ । ବ୍ଲକ ପ୍ରଶାସନ ଙ୍କ ଆଖିରେ ଅନ୍ଧ ପୁଟୁଳି। ଏ ଭଳି ଦେଖାଇବାକୁ ମିଳିଛି ମାନ୍ଦଲା ରୁ କୁଇବାହାଲ ଯିବା ରାସ୍ତା । ଏହି ରାସ୍ତା ପ୍ରାୟ ୨ କିମି ମୁରୁମ୍ ମେଟାଲ କାର୍ଯ୍ୟ ସମ୍ପାଦନ ହୋଇଛି ତଥାପି ଏହାର ସୂଚନା ଫଳକ ନାହିଁ , ଯୋଉଥୀ ପାଇଁ ଏହା କେଉଁ ବିଭାଗର କାର୍ଯ୍ୟ, କାର୍ଯ୍ୟର ଅଟକଳ କେତେ, ବାଦୈନିକ ମଜୁରୀ କେତେ ତାହା ସାଧାରଣ ଜନତା ଜାଣି ପାରୁନାହାନ୍ତି ।

ଲୋକେ ସନ୍ଧେହ କଲେଣି କି ଏହି କାର୍ଯ୍ୟ ରେ ଠିକାଦାର , ଯନ୍ତ୍ରୀ ଲୋକପ୍ରତିନିଧି ଙ୍କ ଶଳା ସୁତୁରା ରେ ହୋଇ ଟଙ୍କା ହଡ଼ପ ଉଦ୍ୟମ କରୁଥିବା ଅଭିଯୋଗ ହୋଇଅଛି । ତେବେ ସରକାରୀ ନିୟମ ଅନୁସାରେ ଯେକୌଣସି କାର୍ଯ ଆରମ୍ଭ ପୂର୍ବରୁ ସୂଚନା ଫଳକ ଅନିବାର୍ଯ୍ୟ ରହିଥିବା ବେଳେ ତାର ବ୍ୟତିକ୍ରମ ଦେଖାଇବାକୁ ମିଳିଛି ଏହି ଅଞ୍ଚଳ ମାନଙ୍କରେ । ରାସ୍ତା ନିର୍ମାଣ କ୍ୟାର୍ଯ୍ୟ ଶେଷ ହୋଇ ଯାଇଥିଲେ ସୁଦ୍ଧା ଏହି ରାସ୍ତାର ସୂଚନା ଫଳକ ଲଗା ଯାଇନାହିଁ । ତେଣୁ ଏଇଠି ସ୍ପଷ୍ଟ ବାରି ହେଉଛି ଦୁର୍ନୀତିର ଗନ୍ଧ। ପୁଣି ମାନ୍ଦଳା ରୁ ପଖନମୁଣ୍ଡା ରାସ୍ତା ମଧ୍ୟ ନିମ୍ନ ମାନ କାର୍ଯ୍ୟ ହୋଇ ଥିବା ଅଭିଯୋଗ ହେଉଅଛି ।

ଖାଲ ଖମା ରେ କେବଳ ମେଟାଲ୍ ପକାଇ ବିଲ୍ ପାସ୍ କରି ଦେଇଥିବା ମଧ୍ୟ ଜଣାପଡ଼ିଛି । ତେବେ ଏଇଠି ମଧ୍ୟ ସୁଚନା ଫଳକ ନ ଥିବା ଦେଖାଇବାକୁ ମିଳୁଛି । ତେବେ ଉପାନ୍ତ ଆଦିବାସୀ ଅଧ୍ୟୁଷିତ ଅଞ୍ଚଳ ରେ ସରକାରୀ କାର୍ଯ୍ୟ ହରିଲୁଟ ସହ ନିମ୍ନ ମାନର ହେଉଥିବା କାର୍ଯ୍ୟକୁ ସ୍ଥାନୀୟ ଲୋକମାନେ ଅସନ୍ତୋଷ ପ୍ରକାଶ କରିବା ସହ ଏହାର ତଦନ୍ତ କରି ଉଚିତ ପଦକ୍ଷେପ ନେଇ ରାସ୍ତା କାର୍ଯ୍ୟ ଉନ୍ନତ ମାନର କାର୍ଯ୍ୟ କରାଯାଉ ବୋଲି ସାଧାରଣ ରେ ଦାବୀ ହେଉଛି । ଏବିଷୟରେ ତୁରେକେଲା ବିଡ଼ିଓ ପୂର୍ଣାନନ୍ଦ ପଟେଲ୍ ଙ୍କୁ ପଚାରି ବାରୁ ତାର ତଦନ୍ତ କରାଯିବ ଓ ଯଦି ସେ ଭଳି ଅଭିଯୋଗ୍ ର ସତ୍ୟତା ଥାଏ ତାହେଲେ ସଂପୃକ୍ତ ଅଧିକାରୀ ଓ ଠିକାଦାର ଉପରେ ଦୃଢ଼ କାର୍ଯ୍ୟାନଷ୍ଠାନ ନିଆଯିବ ବୋଲି କହି ଛନ୍ତି ।