ନୀଳଚକ୍ରର ୧୯ ତମ ବାର୍ଷିକ ଉତ୍ସବ ଓ ପ୍ରତିଭା ସମ୍ବର୍ଦ୍ଧନା ପର୍ବ ଅନୁଷ୍ଠିତ

କଟକ (ଓଡ଼ିଶା ତାଜା ନ୍ୟୁଜ୍) :- କଟକ ସ୍ଥିତ ନୀଳଚକ୍ର ଅନୁଷ୍ଠାନର କଟକ ମର୍କତନଗର ଶାଖାର ୧୯ତମ ବାର୍ଷିକ ଉତ୍ସବ ଓ ପ୍ରତିଭା ସମ୍ବର୍ଦ୍ଧନା ପର୍ବ ସମେତ ମଧୁ ଜୟନ୍ତୀ ପାଳନ ସେକ୍ଟର ସାତ ମଙ୍ଗଳା ମନ୍ଦିର ପ୍ରାଙ୍ଗଣରେ ମହା ସମାରୋହରେ ଅନୁଷ୍ଠିତ ହୋଇଯାଇଛି । ନୀଳଚକ୍ର ଶାଖାର ସଭାପତି-ମୁରଲୀ ଧର ଶତପଥିଙ୍କ ଅଧ୍ୟକ୍ଷତାରେ ଅନୁଷ୍ଠିତ

ବାର୍ଷିକ ଉତ୍ସବ ଏବଂ ପ୍ରତିଭା ସମ୍ବର୍ଦ୍ଧନା ପର୍ବରେ ନୀଳଚକ୍ର ସଭାନେତ୍ରୀ ଶ୍ରୀମତୀ ନମିତା ପଣ୍ଡା ଉଦ୍ଘାଟକ ଭାବେ ଯୋଗ ଦେଇ ପ୍ରଦୀପ ପ୍ରଜ୍ୟୋଳନ କରି ଏହାକୁ ଉଦ୍ଘାଟନ କରିଥିଲେ । ଏହି ବାର୍ଷିକ ଉତ୍ସବ ଏବଂ ପ୍ରତିଭା ସମ୍ବର୍ଦ୍ଧନା ପର୍ବରେ ମୁଖ୍ୟ ଅତିଥି ଭାବେ ବିଶିଷ୍ଟ ଶିକ୍ଷାବିତ ତଥା ସାରସ୍ଵତ ସାଧକ ଡକ୍ଟର ଅଜୟ କୁମାର ମିଶ୍ର,

ମୁଖ୍ୟ ବକ୍ତା ଭାବେ ବୈପ୍ଲବିକ ସାରସ୍ଵତ ସାଧକ କବି ଶ୍ରୀ ରାଜୀବ କୁମାର ଷଡଙ୍ଗୀ ଏବଂ ସମ୍ମାନୀତ ଅତିଥିଭାବେ କଲିକତା ଶାଖାର ସମ୍ପାଦକ ଶ୍ରୀ ଶେଷଦେବ ସାମଲ ପ୍ରମୁଖ ଯୋଗ ଦେଇ ଉତ୍କଳ ଗୌରବ ମଧୁସୂଦନ ଦାସଙ୍କ ଜୀବନୀ ଉପରେ ବିଶଦ ଆଲୋଚନା କରିବା ସହ ନୀଳଚକ୍ର ଅନୁଷ୍ଠାନର ବହୁବିଧ ଜନକଲ୍ୟାଣ କାର୍ଯ୍ୟ ସମ୍ପର୍କରେ ଉପସ୍ଥିତ ଅତିଥିମାନେ ସମ୍ୟକ୍ ଧାରଣା ଦେଇଥିଲେ ।

ଏହି ଉତ୍ସବରେ ବିଭିନ୍ନ କ୍ଷେତ୍ରରେ ପାରଦର୍ଶିତା ଅର୍ଜନ କରିଥିବା ସାରସ୍ୱତ ସାଧକ ତଥା ବିଶିଷ୍ଟ ସାମ୍ୱାଦିକ ଶ୍ରୀଯୁକ୍ତ ଵିନୋଦ କୁମାର ଭୋଇଙ୍କ ସମେତ ଅନୁବାଦକ କବି ଶ୍ରୀଯୁକ୍ତ ବ୍ରହ୍ମାନନ୍ଦ ବିଶ୍ଵାଳ , ବିଶିଷ୍ଟ ସଙ୍ଗୀତ ନିର୍ଦ୍ଦେଶକ ଶ୍ରୀଯୁକ୍ତ ମନୋଜ କୁମାର ରଥ, ଏବଂ ସ୍ୱର୍ଣ୍ଣ ପଦକ ବିଜେତା ଡାକ୍ତର ସାଇରାମ ପଟ୍ଟନାୟକଙ୍କୁ ଅନୁଷ୍ଠାନ ପକ୍ଷରୁ ରାଜ୍ୟସ୍ତରୀୟ ନୀଳଚକ୍ର ସମ୍ମାନରେ ସମ୍ବର୍ଦ୍ଧିତ କରାଯାଇଥିଲା । 

ଏହି ଉତ୍ସବରେ ପହଲଗାମରେ ଆତଙ୍କବାଦୀଙ୍କ ଆକ୍ରମଣରେ ସହିଦ୍ ହୋଇଥିବା ଆତ୍ମାମାନଙ୍କ ଉଦ୍ଦେଶ୍ୟରେ ୨ ମିନିଟ୍ ନୀରବ ପ୍ରାର୍ଥନା କରାଯାଇଥିଲା । ଆଉ ମଧ୍ୟ ଏଥିରେ ମଧୁସୂଦନଙ୍କ ଜୀବନୀ ଉପରେ ଏକ ରାଜ୍ୟସ୍ତରୀୟ କବି ସମ୍ମିଳନୀ ଅନୁଷ୍ଠିତ ହୋଇଯାଇଛି । ଏହି ଉତ୍ସବରେ ବ୍ରହ୍ମାନନ୍ଦ ପଣ୍ଡଙ୍କ ସ୍ମୃତି ଚାରଣ କରାଯାଇଥିଲା ।

ଶାଖା ସମ୍ପାଦକ ଅଦ୍ଵୈତ ଚରଣ ନାୟକ ସଂପାଦକୀୟ ବିବରଣୀ ପାଠ କରିଥିଲାବେଳେ ଏଥିରେ ଅକ୍ଷୟ କୁମାର କର, ଡାକ୍ତର ନିଳାଦ୍ରୀ ପଣ୍ଡା, ସଂଯୋଜ କୁମାର ସାମନ୍ତରାୟ, ନିବାସ ଚନ୍ଦ୍ର ମିଶ୍ର, ରମାକାନ୍ତ ମହାପାତ୍ର, ବାବାଜୀ ବେହେରା, ରଞ୍ଜନ କୁମାର ମହାନ୍ତି, ଅନିଲ କୁମାର ପଣ୍ଡା, ଅଶୋକ କୁମାର ତ୍ରିପାଠୀ, ଅଦୈତ ଚରଣ ପ୍ରଧାନ, ବିକ୍ରମ ଲେଙ୍କା ନମିତା ମହାନ୍ତି,

ରାଜଗାଙ୍ଗପୁର ଶାଖାରତୁଷାରକାନ୍ତ ସାହୁ,ଝାଡ଼ଖଣ୍ଡ ଶାଖାର ପୂର୍ବତନ ସଭାପତି ରଣଜୀତ୍ ପଟ୍ଟନାୟକ ସଙ୍ଗୀତ ଗୁରୁ ଅରୂପ ଲାଲ ଘୋଷ, ଉପଦେଷ୍ଟା ସବିତା ରଞ୍ଜନ ପଟ୍ଟନାୟକ, ଓ ବ୍ରଜ ନନ୍ଦ, ମୋହନ ଚରଣ ମଲ୍ଲିକ ପ୍ରିୟବ୍ରତ ଦେବତା, ବିଜୟ ନାୟକ ଓ ମଞୁଳା ପ୍ରଧାନ ପ୍ରମୁଖ ବହୁ ଆଜୀବନ ସଦସ୍ଯ ସଦସ୍ୟା ମାନେ ଅଂଶଗ୍ରହଣ କରିଥିଲେ । ସର୍ବ ଶେଷରେ ଶାଖାର କାର୍ଯ୍ଯ କାରୀ ସଭାପତି ଶ୍ରୀଯୁକ୍ତ ରାଧାଶ୍ୟାମ ପଣ୍ଡା ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ ।