ପ୍ରବେଶ ଉତ୍ସବ ଓ ଖଡିଛୁଆଁ ଦିବସ ପାଳିତ 

ନୂଆଗାଁ (ଓଡ଼ିଶା ତାଜା ନ୍ୟୁଜ୍) :- ନୂଆଗାଁ ବ୍ଲକ୍ ଶିକ୍ଷା କାର୍ଯ୍ୟାଳୟ ଅଧୀନରେ ଥିବା ସମସ୍ତ ବିଦ୍ୟାଳୟରେ ପ୍ରବେଶ ଉତ୍ସବ ଓ ଖଡ଼ିଛୁଆଁ ଦିବସ ପାଳିତ ହୋଇଯାଇଛି । ସୂଚନା ଅନୁଯାୟୀ ନୂଆଗାଁ ଗ୍ରାମପଞ୍ଚାୟତ ଖାଲମଡା ଗ୍ରାମରେ ଥିବା ରାମେଶ୍ବର ନୋଡାଲ ଉଚ୍ଚ ପ୍ରାଥମିକ ବିଦ୍ୟାଳୟ ରେ ପ୍ରଧାନଶିକ୍ଷକ ଦିଲ୍ଲୀପ କୁମାର ସ୍ବାଇଁ ଙ୍କ ତତ୍ବାବଧାନରେ ପ୍ରବେଶ ଉତ୍ସବ ଓ ଖଡ଼ିଛୁଆଁ ଦିବସ ପାଳିତ ହୋଇଯାଇଛି ।

ଏହି ଉତ୍ସବ ପାଇଁ ବିଦ୍ୟାଳୟକୁ ସୁସଜ୍ଜିତ କରଯାଇଥିଲା । ନାମ ଲେଖାଇବାକୁ ଆସିଥିବା ପିଲାମାନଙ୍କୁ ତିଳକ ଲଗାଇ ଫୁଲ ପକାଇ ସ୍ବାଗତ କରାଯାଇ ନାମ ଲେଖାଯିବା ସହ ଖଡ଼ିଛୁଆଁ କରଯାଇଥିଲା ।

ପିଲାମାନେ ଶ୍ରେଣୀଗୃହ ବୁଲି ଦେଖିବା ସହ ସାକ୍ଷରତା ଷ୍ଟେସନ ଦେଖି ଆନନ୍ଦିତ ହୋଇଥିଲେ । ଏହି କାର୍ଯ୍ୟକ୍ରମ ରେ ଅଭିଭାବକ ଛାତ୍ର ବନ୍ଧନ ସୁଦୃଢ ହେବ । ଏହି କାର୍ଯ୍ୟକ୍ରମ ରେ ଉପସ୍ଥିତ ରହି ଏହାର ଉଦ୍ଦେଶ୍ୟ କହିଥିଲେ ସି ଆର୍ ସି ସି ନିମେଇ ଚରଣ ସାହୁ ।