ଯୁବକକୁ ପିଟି ପିଟି ହତ୍ୟା : ହତ୍ୟା ପରେ ଘର ଆଗରେ ଫିଙ୍ଗିଲେ ଦୃର୍ବୁତ୍ତ

ବ୍ରହ୍ମଗିରି  (ଓଡ଼ିଶା ତାଜା ନ୍ୟୁଜ୍)  :-  ପୁରୀ ଜିଲ୍ଲା ବ୍ରହ୍ମଗିରି ଥାନା ଅନ୍ତର୍ଗତ ତିଆରପାରି ଗାଁ ରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି । ସାମାନ୍ୟ ବଚଶାରୁ ଗୋଟିଏ ପରିବାରର ଲୋକେ ମିଳିତ ଭାବେ ନକୁଳ ସାମଲ ନାମକ ଜଣେ ଯୁବକ ଙ୍କୁ ନଡ଼ିଆ ଗଛରେ ବାନ୍ଧି ପିଟି ପିଟି ହତ୍ୟା କରିବା ପରେ ଉକ୍ତ ଯୁବକ ଙ୍କୁ ଆଣି ତାଙ୍କ ଘର ବାରି ପାଖ ଦୁଆର ମୁହଁରେ ପାଇ ଫେରାର ହୋଇ ଯାଇଛନ୍ତି । ମୃତ ଯୁବକ ହେଲେ ସେହି ଗାଁର ନକୁଳ ସାମଲ। ଗତକାଲି ବିଳମ୍ବିତ ରାତିରେ ସେହି ଗ୍ରାମର ଏକ ପରିବାର ର କିଛି ଲୋକ ନକୁଳକୁ ପିଟି ପିଟି ମାରିଦେବା ସହ ମୃତ ଦେହକୁ ମୃତକଙ୍କ ଦୁଆର ମୁହଁରେ ବସାଇ ଦେଇଥିବା ଦେଖିବାକୁ ମିଳିଛି।

ଏସଂକ୍ରାନ୍ତରେ ଆଜି ସକାଳୁ ବ୍ରହ୍ମଗିରି ପୋଲିସ ଖବର ପାଇ ଘଟଣା ସ୍ଥଳରେ ପହଞ୍ଚି ମୃତ ଦେହକୁ ଜବତ କରିଛି । ମୃତକ ଙ୍କ ଶରୀରରେ ବିଭିନ୍ନ ସ୍ଥାନରେ ମାଡ଼ ମାରିବା ଚିହ୍ନ ଦେଖିବାକୁ ମିଳିଥିବା ପୋଲିସ କହିଥିଛୁ । ଏହା ଏକ ଯୋଜନା ବଧକ ହତ୍ୟା ହୋଇଥିବା ପୋଲିସ କହିଛି। ଏହି ଝଗଡାକୁ କେନ୍ଦ୍ରକରି ରାତିରେ ହତ୍ୟା କରିଛନ୍ତି ବୋଲି ନକୁଳ ର ମା ବିଶିକା ସାମଲ ଅଭିଯୋଗ କରିଛନ୍ତି। ବ୍ରହ୍ମଗିରି ପୋଲିସ ଘଟଣା ସ୍ଥଳରେ ପହଞ୍ଚି ବା ପରେ ଏସ ଡି ପି ଓ ଙ୍କ ସହ ସାଇଁଟିଫିକ ଟିମ୍ ଘଟଣା ସ୍ଥଳରେ ପହଞ୍ଚି ଅଧିକ ତଦନ୍ତ କରିଛନ୍ତି । , ମୋ ପୁଅର ମୃତ ଦେହ ଛାଡିବିନି ବୋଲି କହିଛନ୍ତି ମୃତକଙ୍କ ପରିବାର ଲୋକେ। ଘଟଣା ସ୍ଥଳରେ ଉତେଜନା ପରେ ପୋଲିସ ପହଞ୍ଚିବା ପରେ ଲୋକେ ଶାନ୍ତ ହୋଇଛନ୍ତି ।