ଆଉ କେବେ ଖୋଲିବ ଝୋଟକଳ , ଶ୍ରମିକ ମାନଙ୍କ ଦୁଃଖ ଦୂର ହେବ
ଓଡ଼ିଶା ତାଜା ନିୟୁଜ୍ (୩୦ ଅଗଷ୍ଟ ରବିବାର) ଯାଜପୁର,ବଡ଼ଚଣା :– ବଡ଼ଚଣା ତିରିଶି ବର୍ଷ ପୂରଣ କରିବାକୁ ଯାଉଥିବା ବିଧାୟକ ଶ୍ରୀଯୁକ୍ତ ଅମର ପ୍ରସାଦ ଶତପଥି ନିଜ ନିର୍ବାଚନ ମଣ୍ଡଳୀରେ ଥିବା ତିନିହଜାର ଶ୍ରମିକଙ୍କ ପରିବାରର ଦୁଃଖକୁ ଭୁଲିଗଲେ ! ପଚିଶି ବର୍ଷ ପୂରଣ ସାରି ତିରିଶି ବର୍ଷକୁ ଚାଲିଛି ହେଲେ ଲୋକଙ୍କ ଦୁଃଖ ଆଜିବି ସେଇଠି ଅଟକିଯାଇଛି ! କୋଣାର୍କ ଝୋଟକଳ” ବଡ଼ଚଣା ନିର୍ବାଚନ ମଣ୍ଡଳୀରେ ଥିବା ଧାନମଣ୍ଡଳ ଠାରେ ନିର୍ମିତ ଥିଲା କୋଣାର୍କ ଝୋଟକଳ ! ଯାହା ଦିନେ ତିନିହଜାର ଗରିବ ଶ୍ରମିକ ନିଜ ପରିବାର ପୋସୁଥିଲେ ! ଏଇ ଝୋଟକଳ ପାଇଁ ହଜାର ହଜାର ଲୋକଙ୍କ ଘରେ ଚୁଲି ଜଳୁଥିଲା !
ଯାହା ଥିଲା ତିନିହଜାର ପରିବାରର ବଞ୍ଚିବାର ଏକମାତ୍ର ସାହାରା ! ଜନ ଗହଳିରେ ଭରିଯାଉଥିଲା କୋଣାର୍କ ଝୋଟକଳ ! ହେଲେ ଆଜିକୁ ପ୍ରାୟ ବାରବର୍ଷ ହବ ହଠାତ ବନ୍ଦହେଇଗଲା ଏଇ ଝୋଟକଳ ! ଶୂନଶାନ ପାଲଟିଗଲା ଝୋଟକଳ ! ନିଶବ୍ଦ ହେଇଗଲା ଜନଗହଳି କାରଖାନା ! ପାଲଟିଗଲା ଝୋଟକଳ ରୁ ଦୁଃଖରକାଳ ! ତିନିହଜାର ପରିବାର ମୁହଁରେ ଆହାର ଦଉଥିବା କୋଣାର୍କ ଝୋଟକଳ ହଠାତ ବନ୍ଦ ହେଇଗଲା ! କର୍ମଚାରୀ ମାନେ ନାହିଁ ନଥିବାର ଅସୁବିଧା ଭୋଗିଲେ !
ପେଟକୁ ମୁଠେ ଦାନା ଦବାପାଇଁ ” ଦେହ ଲୁଚେଇବା ପାଇଁ ଖଣ୍ଡେ କନା ପାଇଁ ! କାକୁତି ମିନତୀ ହେଇଥିଲେ ସମସ୍ତଙ୍କୁ ନେହୁରା ହେଇ ସାହାଯ୍ୟ ପାଇଁ ସେ ଭିକ ବଦଳରେ କୋଣାର୍କ ଝୋଟକଳ ଚାଲୁ କରିବାପାଇଁ ସମସ୍ତଙ୍କୁ ଅନୁରୋଧ କରିଥିଲେ ! ହେଲେ ସ୍ଥାନୀୟ ବିଧାୟକ ଶ୍ରୀ ଅମର ପ୍ରସାଦ ଶତପଥି ମଧ୍ୟ ତାଙ୍କ ଦୁଃଖ ବୁଝିନଥିଲେ ! ପଚିଶି ବର୍ଷ ଧରି ଲୋକଙ୍କ ବିଶ୍ୱାସରେ ବିଷ ଦେଇଚାଲିଛନ୍ତି ଅମର ! ଶେଷରେ ନିଜ ପରିବାରକୁ ବଞ୍ଚେଇ ରଖିବା ପାଇଁ ଭୋକ ମେଣ୍ଟେଇବା ପାଇଁ ଦୁଃଖ କଷ୍ଟ ରେ ଘରୁ ଗୋଡ କାଢି ବାହାରେ ଦାଦନ ଖଟିବାପାଇଁ ବାଧ୍ୟ ହେଲେ ଶ୍ରମିକ ! (ଯାଜପୁର,ବଡ଼ଚଣା / ବିକାଶ ସାହୁ )
