କଳା ସାହିତ୍ୟ ଓ ସଂସ୍କୃତି ପରିଷଦରେ ରାଷ୍ଟ୍ରୀୟ ହିନ୍ଦୁ ନବବର୍ଷ ପାଳିତ

ବାଙ୍କୀ (ଓଡ଼ିଶା ତାଜା ନ୍ୟୁଜ୍) :- ବାଙ୍କୀ ସହରସ୍ଥିତ କଳା, ସାହିତ୍ୟ ଓ ସଂସ୍କୃତି ପରିଷଦ ଆନୁକୁଲ୍ୟରେ ଓ ଆଦର୍ଶ ଯୁବପରିଷଦ ମିଳିତ ସହଯୋଗରେ ରାଷ୍ଟ୍ରୀୟ ହିନ୍ଦୁ ନବବର୍ଷ ପାଳିତ ହୋଇଯାଇଛି । ପରିଷଦର ଉପସଭାପତି ପ୍ରଧ୍ୟାପକ ମନୋଜ କୁମାର ମହାପାତ୍ର ଏହି ଉତ୍ସବରେ ସଭାପତିତ୍ୱ କରି ହିନ୍ଦୁ ନବବର୍ଷ ହେଉଛି ସବୁଠାରୁ ପ୍ରାଚୀନ ଓ ପ୍ରଥମ ନବବର୍ଷ ଭାବେ କାହିଁ କେଉଁକାଳରୁ ପାଳିତ ହେଉଅଛି ବୋଲି କହିଥିଲେ ।

କାର୍ଯ୍ୟକ୍ରମରେ ଯୁବସମାଜସେବୀ ଅକ୍ଷୟ କୁମାର ସାମଲ, ଡାକ୍ତର ଜଗଦିଶ ପଣ୍ଡା, କୁମାର ଅମୀୟ, କାଶିନାଥ ସେଠୀ, ବେଣୁଧର କର, ବିଜୟ କୁମାର ଦିକ୍ଷୀତ, କବିଲଲାଟେନ୍ଦୁ ପଣ୍ଡା, ବିଶ୍ୱରଞ୍ଜନ ସ୍ୱାଇଁ, ଶଶିଭୂଷଣ ତ୍ରିପାଠୀ, ସୁଦର୍ଶନ ସାହୁ ପ୍ରମୁଖ ଯୋଗଦାନ କରି ହିନ୍ଦୁ ନବବର୍ଷର ତାତ୍ପର୍ଯ୍ୟ ଉପରେ ଆଲୋକପାତ କରିଥିଲେ । ଶେଷରେ ମହେଶ ନାୟକ ଧନ୍ୟବାଦ ଅର୍ପଣ କରିଥିଲେ ।