୬୮ତମ ସର୍ବ ଭାରତୀୟ ରେଳବାଇ ଟି -୨୦-୨୦ କ୍ରିକେଟ୍ ଉଦଯାପିତ

ମେଟ୍ରୋ ରେଲୱେ, ଦକ୍ଷିଣ ପୂର୍ବ ମଧ୍ୟ ରେଲୱେ ଓ ପୂର୍ବ ରେଲୱେ ନକ୍ ଆଉଟ୍ କୁ ଉତ୍ତୀର୍ଣ୍ଣ ।

୧୦ ମାର୍ଚ୍ଚ ୨୦୨୫ (ଓଡ଼ିଶା ତାଜା ନ୍ୟୁଜ୍) ଖୋର୍ଦ୍ଧା-ଜଟଣୀ :- ଇଷ୍ଟକୋଷ୍ଟ ରେଲୱେ ସ୍ପୋର୍ଟସ ଆସୋସିଏସନ୍ ଖୋର୍ଦ୍ଧାରୋଡ଼ ଦ୍ୱାରା ଆୟୋଜିତ ୬୮ ତମ ଅଲ ଇଣ୍ଡିଆ ରେଲୱେ ଟି -20 ପୁରୁଷ କ୍ରିକେଟ୍ ଚାମ୍ପିୟନଶିପ (ଏଲିଟ୍ ପୁଲ୍-ଏ) ୨୦୨୪-୨୫ ଉଦଯାପିତ ହୋଇଯାଇଛି । ମେଟ୍ରୋ ରେଲୱେ, ଦକ୍ଷିଣ ପୂର୍ବ ମଧ୍ୟ ରେଳ ଏବଂ ପୂର୍ବ ରେଳ, ନକ୍ଆଉଟ୍ ଫେଜ୍ ପାଇଁ ଉତୀର୍ଣ୍ଣ ହୋଇଚନ୍ଥି। ଏହି ଟୁର୍ନାମେଣ୍ଟ ଚଳିତ ମାସ ୪ ତାରିଖରୁ ଆରମ୍ଭ ହୋଇ ଆଜି ୧୦ ତାରିଖରେ ଉଦଯାପିତ ହୋଇଯାଇଛି ।

ଶେଷ ଦିନର ପ୍ରଥମ ମ୍ୟାଚ୍, ପୂର୍ବ ରେଲୱେ ଏବଂ ପଶ୍ଚିମ ମଧ୍ଯ ରେଲୱେ ମଧ୍ୟରେ ଅନୁଷ୍ଠିତ ହୋଇଥିଲା। ପୂର୍ବ ରେଲୱେ, ଏହି ମ୍ୟାଚକୁ ୬ ୱିକେଟରେ ଜିତିଥିଲା।ପୂର୍ବ ରେଲୱେର ଶ୍ରୀ ଦୀପଞ୍ଜନ ମୁଖାର୍ଜୀ ମ୍ୟାନ୍ ଅଫ୍ ଦି ମ୍ୟାଚ୍ ହୋଇଥିଲେ । ଦ୍ଵିତୀୟ ମ୍ୟାଚ୍, ମେଟ୍ରୋ ରେଲୱେ ଏବଂ ଦକ୍ଷିଣ ପୂର୍ବ ମଧ୍ଯ ରେଲୱେ ମଧ୍ୟରେ ଅନୁଷ୍ଠିତ ହୋଇଥିଲା।

ଦକ୍ଷିଣ ପୂର୍ବ ମଧ୍ଯ ରେଲୱେ ଏହି ମ୍ୟାଚକୁ ୭୬ ରନରେ ଜିତିଥିଲା । ଦକ୍ଷିଣ ପୂର୍ବ ମଧ୍ଯ ରେଳବାଇର ଶ୍ରୀ ଅଟଳ ଶର୍ମା ମ୍ୟାନ୍ ଅଫ୍ ଦି ମ୍ୟାଚ୍ ହୋଇଥିଲେ । ଶ୍ରୀ ଶୁଭ୍ର ଜ୍ୟୋତି ମଣ୍ଡଳ, ଅତିରିକ୍ତ ଡିଭିଜନାଲ ରେଲୱେ ମ୍ୟାନେଜର (ଇନଫ୍ରା) ମ୍ୟାନ୍ ଅଫ୍ ଦି ମ୍ୟାଚ୍ ଟ୍ରଫି ପ୍ରଦାନ କରିଥିଲେ । ଶ୍ରୀ ହିମାଦ୍ରି ଭୂଷଣ ବିଶ୍ଵାଳ, କ୍ରୀଡା ଅଧିକାରୀ ତଥା ବରିଷ୍ଠ ମଣ୍ଡଳ ବିତ୍ତ ପ୍ରବନ୍ଧକ,

ଖୋର୍ଦ୍ଧାରୋଡ଼, ସମସ୍ତ ଉତୀର୍ଣ୍ଣ ଦଳକୁ ଅଭିନନ୍ଦନ ଜଣାଇବା ସହ ନକ୍ଆଉଟ୍ ଫେଜ୍ ପାଇଁ ତାଙ୍କର ଶୁଭେଚ୍ଛା ଜଣାଇଛନ୍ତି । ଏଲିଟ୍ ପୁଲ୍-ଏ ଟୁର୍ନାମେଣ୍ଟର ସମସ୍ତ ମ୍ୟାଚ୍, କ୍ରୀଡା ସଚିବ ଏମ୍ ଡି ଜାକିରୁଦ୍ଦିନ ଏଵଂ ଶ୍ରୀ ଜ୍ୟୋତି ଶଙ୍କର ପାତ୍ର,ସହକାରୀ କ୍ରୀଡା ସଚିବ ତଥା ଇଷ୍ଟକୋଷ୍ଟ ରେଳ ସ୍ପୋର୍ଟସ ଆସୋସିଏସର ସଦସ୍ୟ ମାନଙ୍କ ‌ ଦ୍ୱାରା ଅନୁଷ୍ଠିତ ହୋଇଥିଲା ।