ଓଡିଶା ତାଜା ନ୍ୟୁଜ୍ (୨୫ ଅଗଷ୍ଟ ମଙ୍ଗଳବାର) ହିଞ୍ଜିଳିକାଟୁ :– ହିଞ୍ଜିଳିକାଟୁ ସହର ମଧ୍ୟରେ ନିର୍ମିତ କ୍ଷୁଦ୍ର ଚଳଚ୍ଚିତ୍ର ‘ଅଭିଳାଷ’ ବେଙ୍ଗଲ ଫିଲ୍ମ ଫେଷ୍ଟାଲ ଦ୍ୱାରା ଲକଡ଼ାଉନ ସମୟରେ ଆନ୍ତର୍ଜାତୀୟ ସ୍ତରରେ ଶ୍ରେଷ୍ଠ ଚଳଚ୍ଚିତ୍ର ଭାବେ ପୁରସ୍କୃତ ହୋଇଥିଲା । ସଂପୃକ୍ତ ଚଳଚ୍ଚିତ୍ରକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସେମାବାର ଉଚ୍ଚ ପ୍ରଂଶସା କରିଛନ୍ତି । ନିଜ ଟୁଇଟର ଆକାଂଟରେ କୋଭିଡ଼-୧୯ ମହାମାରୀରେ ସାମାଜିକ ବାର୍ତା ବହନ କରୁଥିବା ସଂପୃକ୍ତ କ୍ଷୁଦ୍ର ଚଳଚ୍ଚିତ୍ର ନିର୍ମାଣ ପଛରେ ରହିଥିବା ସମସ୍ତ କଳାକାର ବୃନ୍ଦଙ୍କୁ ମୁଖ୍ୟମନ୍ତ୍ରୀ ପଟ୍ଟନାୟକ ଶୁଭେଛା ଜଣାଇଛନ୍ତି ।
ମୁଖ୍ୟମନ୍ତ୍ରୀଙ୍କ ଟୁଇଟରେ ପ୍ରଂଶସା ପରେ ସଂପୃକ୍ତ କ୍ଷୁଦ୍ର ଚଳଚ୍ଚିତ୍ରର ନିର୍ଦ୍ଦେଶ କୃଷ୍ଣଚନ୍ଦ୍ର ସାହୁ, ସହକାରୀ ନିର୍ଦ୍ଦେଶକ ରଞ୍ଜନ କୁମାର ସାହୁ ଓ ସହଯୋଗୀ ମାନେ ମୁଖ୍ୟମନ୍ତ୍ରୀଙ୍କୁ କୃତଜ୍ଞତା ଜ୍ଞାପନ କରିଛନ୍ତି । ଏହା ଅଂଚଳ ସକାଶେ ଅଧିକ ଖୁସି ଓ ଗୌରବ ଆଣିବା ସହ କଳା କ୍ଷେତ୍ରରେ ଅଂଚଳର ଜୟଯାତ୍ରା ବୋଲି ବୁଦ୍ଧିଜୀବି ମହଲରେ ମତ ପ୍ରକାଶ ପାଇଛି । ( ରିପୋର୍ଟ-ଶେଷଦେବ ସାହୁ)
