ଖୋର୍ଦ୍ଧାରୋଡ ରେଲୱେ ଷ୍ଟେସନରେ ମଲ୍ଟି ବ୍ରାଣ୍ଡେଡ୍ ରେଲ୍ କୋଚ୍ ରେଷ୍ଟୁରାଣ୍ଟ

୦୩ ଜାନୁଆରୀ ୨୦୨୫ (ଓଡ଼ିଶା ତାଜା ନ୍ୟୁଜ୍ ) ଖୋର୍ଦ୍ଧା-ଜଟଣୀ :- ରେଳ ଷ୍ଟେସନରେ ଏକ ଅନନ୍ୟ ଖାଦ୍ୟ ପାନୀୟର ଅଭିଜ୍ଞତା।ରେଷ୍ଟୁରାଣ୍ଟ ଭାବରେ ପୁରୁଣା କୋଚଗୁଡ଼ିକୁ ଉପଯୋଗ କରିବା ଦିଗରେ ଏକ ପଦକ୍ଷେପ । ରେଳ ଷ୍ଟେସନରେ ଯାତ୍ରୀମାନଙ୍କୁ ଏକ ନିଆରା ଖାଦ୍ୟ ପାନୀୟର ଅଭିଜ୍ଞତା ଯୋଗାଇବା ପାଇଁ ଏକ ଅଭିନବ ପ୍ରୟାସରେ,ଖୋର୍ଦ୍ଧା ରୋଡ ରେଳ ଷ୍ଟେସନରେ ଏକ “ମଲ୍ଟି ବ୍ରାଣ୍ଡେଡ୍ ରେଳ କୋଚ୍ ରେଷ୍ଟୁରାଣ୍ଟ” ଖୋଲା ଯାଇଛି ।

ଯାତ୍ରୀମାନେ ବର୍ତ୍ତମାନ ଏହି ସୋନ୍ଦର୍ଯ୍ୟମୟ ଭାବରେ ପରିକଳ୍ପିତ ରେଳ କୋଚ୍ ଭିତରେ ଭୋଜନ କରିପାରିବେ କିମ୍ବା ଖୋର୍ଦ୍ଧା ରୋଡ ରେଳ ଷ୍ଟେସନରୁ ଯାତ୍ରା କରିବା ପୁର୍ବରୁ ଖାଇବା ଅର୍ଡର୍ କରିକି ନେଇପାରିବେ।ଏହି ରେଳ କୋଚ୍ ରେଷ୍ଟୁରାଣ୍ଟରେ ଚାରୋଟି ପ୍ରସିଦ୍ଧ ବ୍ରାଣ୍ଡର ସୁସ୍ବାଦୁ ଶାକାହାରୀ ଏବଂ ଅଣ-ଶାକାହାରୀ ଖାଦ୍ୟ ଯଥା ପିଜା ହାଟ,ୱାଓ ମୋମୋସ୍, ନେସ୍କାଫେ ଏବଂ ନାରୁଲା ମିଠା ଓ କୁଲ୍ଫି ଉପଲବ୍ଧ।

ଶ୍ରୀମତୀ ଗୁର୍ ସିମ୍ରନ୍ କୌର୍,ପୂର୍ବତଟ ରେଲୱେ ମହିଳା କଲ୍ୟାଣ ସଂଗଠନ (ଇକ୍ରୋ) ର ସଭାନେତ୍ରୀ,ପୂର୍ବତଟ ରେଳ ମହିଳା କଲ୍ୟାଣ ସଂଗଠନ, ଖୋର୍ଦ୍ଧାରୋଡ,ଉପ ସଭାନେତ୍ର,ଏବଂ ପୂର୍ବତଟ ରେଳବାଇ ମହିଳା କଲ୍ୟାଣ ସଂଗଠନର ଅନ୍ୟ ସଦସ୍ୟଙ୍କ ଉପସ୍ଥିତିରେ ରେଳ କୋଚ୍ ରେଷ୍ଟୁରାଣ୍ଟ ଉଦଘାଟନ ହୋଇଥିଲା।

ପୁରୁଣା ରେଳ କୋଚରେ ତିଆରି ହେଇଥିବା ଏହି ଅନନ୍ୟ ରେଷ୍ଟୁରାଣ୍ଟ ରେଳ ଷ୍ଟେସନର ସୌନ୍ଦର୍ଯ୍ୟମୟ ବର୍ଦ୍ଧନ କରୁଛି।ରେଳ କୋଚ ରେଷ୍ଟୁରାଣ୍ଟର,ଭିତର ଅଂଶକୁ ଏୟାରକଣ୍ଡିଶନ୍,ଉଷ୍ମ ଆଲୋକ ଏବଂ ସଜବାଜ ସହିତ ଆରାମଦାୟକ ବସିବା ବ୍ୟବସ୍ଥା କରାଯାଇଛି ଯାହା ପ୍ରତ୍ୟେକ ଖାଦ୍ୟକୁ ସ୍ୱତନ୍ତ୍ର ଅନୁଭବ କରାଇଥାଏ ।

ଏହି କୋଚ୍ ରେଷ୍ଟୁରାଣ୍ଟ ଭିତରେ ୫୬ ଜଣ ଏକା ସାଙ୍ଗରେ ବସିକି ଖାଇପରିବେ ଏବଂ କୋଚ୍ ବାହାରେ ଥିବା କିଓସ୍କ ଗୁଡିକରୁ ମଧ୍ୟ ଖାଦ୍ୟର ମଜା ନେଇ ପାରିବେ।ଏହି କୋଚ୍ ରେଷ୍ଟୁରାଣ୍ଟ ସକାଳ ୬ ଟାରୁ ରାତି ୧୧ ଟା ପର୍ଯ୍ୟନ୍ତ ଖୋଲା ରହିବ ଏବଂ ଯାତ୍ରୀ ଏବଂ ସ୍ଥାନୀୟ ଜନସାଧାରଣଙ୍କ ଆବଶ୍ୟକତା ଅନୁଯାୟୀ ଏହାର ଖୋଲିବାର ସମୟ ବୃଦ୍ଧି କରାଯିବ ।

ପୂର୍ବତଟ ରେଲୱେ ଖୋର୍ଦ୍ଧାରୋଡ ମଣ୍ଡଳ ବାଣୀଜ୍ୟ ବିଭାଗ ଦ୍ୱାରା ପରିଚାଳିତ ଏହି ପଦକ୍ଷେପ କେବଳ ଯାତ୍ରୀଙ୍କ ଅଭିଜ୍ଞତାକୁ ବଢ଼ାଇବ ନାହିଁ ବରଂ ଅତିରିକ୍ତ ରାଜସ୍ୱ ପାଇବା ପାଇଁ ରେଳ ଭିତ୍ତିଭୂମିକୁ ସୃଜନଶୀଳ ଭାବରେ ବ୍ୟବହାର କରିଥାଏ।ଆଗାମୀ ଦିନରେ ଡିଭିଜନରେ କେତେକ ଗୁରୁତ୍ୱପୂର୍ଣ୍ଣ ରେଳ ଷ୍ଟେସନରେ ଏଭଳି ରେଳ କୋଚ୍ ରେଷ୍ଟୁରାଣ୍ଟ ଖୋଲିବାକୁ ଖୋର୍ଦ୍ଧାରୋଡ ମଣ୍ଡଳ ଯୋଜନା କରୁଛି ।