ଓଡିଶା ତାଜା ନ୍ୟୁଜ୍ (୨୩ ଅଗଷ୍ଟ ରବିବାର ) ଢେଙ୍କାନାଳ :- ଗତକାଲି ରାତିରେ ୫୫ନଂ ଜାତୀୟ ରାଜପଥ ହୋଟେଲ ନିରୁପମା ନିକଟରେ ବାଇକ୍ ସ୍କ୍ରୋପିଓ ମୁହାଁମୁହିଁ ଧକ୍କା। ଧକ୍କାରେ ଜଣେ ମୃତ ଜଣେ ଗୁରୁତର। ଆଜି ମୃତକଙ୍କ ଶବ ରଖି କ୍ଷତି ପୂରଣ ଦାବିରେ ରାସ୍ତା ଅବରୋଧ କରିଛନ୍ତି ସ୍ଥାନୀୟ ବାସୀ। ସୂଚନାଯୋଗ୍ୟ, ଢେଙ୍କାନାଳ ସହର ଉପକଣ୍ଠ ଆନନ୍ଦ ନଗର ଜେ ବି ଟ୍ରାନ୍ସଫର୍ମର ଦୁଇ କର୍ମଚାରୀ ଗତକାଲି ରାତିରେ ବାଇକରେ ୫୫ନଂ ଜାତୀୟ ରାଜପଥରେ ଯାଉଥିବା ବେଳେ ହୋଟେଲ ନିରୁପମା ନିକଟରେ ଜାତୀୟ ରାଜପଥ ସଂପ୍ରସାରଣରେ ନିୟୋଜିତ ଥିବା ଏକ ସ୍କ୍ରୋପିଓ ଗାଡ଼ି ଧକ୍କା ଲାଗିଲା ।
ଦୁର୍ଘଟଣାରେ ବାଇକ୍ ଚାଳକ ବିରଞ୍ଚି ବେହେରା ମୃତ୍ୟୁବରଣ କରିଥିବାବେଳେ ପଛରେ ବସିଥିବା ସୁବାସ ବାରିକ ଗୁରୁତର ହେବାରୁ କଟକ ବଡ଼ ଡ଼ାକ୍ତରଖାନାକୁ ସ୍ଥାନାନ୍ତର କରାଯାଇଛି। ଦୁଇ ଜଣ ଗୋଟିଏ କମ୍ପାନୀ ଓ ଗୋଟିଏ ଅଞ୍ଚଳର ଦୁଇ ପଡୋଶୀ ଥିବାରୁ ଅଞ୍ଚଳରେ ଶୋକର ଛାୟା ଖେଳିଯାଇଛି ଏବଂ ଉତ୍ତେଜନା ଦେଖାଦେଇଛି। ଆଜି ଜାତୀୟ ରାଜପଥ ସଂପ୍ରସାରଣରେ ନିୟୋଜିତ ଠିକାଦାର ଶ୍ରୀ ମଣିଶଙ୍କର ଆୟାର ଙ୍କୁ ତାଙ୍କ କାର୍ଯ୍ୟାଳୟରେ ଆବଦ୍ଧ କରାଯାଇଛି ଏବଂ ମୃତକଙ୍କ ଶବ ରଖି କ୍ଷତି ପୂରଣ ଦାବିରେ ରାସ୍ତା ଅବରୋଧ କରିଛନ୍ତି ସ୍ଥାନୀୟ ବାସୀ। ଘଟଣାସ୍ଥଳରେ ଟାଉନ୍ ପୁଲିସ୍ ପହଞ୍ଚି ସମାଧାନର ଚେଷ୍ଟା ଚଳାଇଛି । ଦୁର୍ଘଟଣା ଘଟାଇଥିବା ସ୍କ୍ରୋପିଓ ଗାଡିର ସଠିକ୍ ଇନସୁରାନ୍ସ୍ ପେପର୍ ନଥିବା ଓ ଚାଳକ ଜଣେ ନାବାଳକ ବୋଲି ସାଧାରଣରେ ଚର୍ଚ୍ଚା ହେଉଛି ।
ଗୋଟିଏ ପଟେ ନୂଆକରି ଚାରିଲେନ୍ ବିଶିଷ୍ଟ ଜାତୀୟ ରାଜପଥ ଦୃତ ଗତିରେ ଚାଲିଥିବା ବେଳେ ଅନ୍ୟପଟେ ଠିକାଦାରଙ୍କ ଦାୟିତ୍ବହୀନତାରୁ ଲୋକମାନେ ନିଇତି ଯିବା ଆସିବାରେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି। ଏଥିପ୍ରତି ଯେତେ ଅଭିଯୋଗ କଲେ ମଧ୍ୟ ସେଭଳି ପ୍ରଶାସନର ଦୃଷ୍ଟି ପଡୁନି। ବର୍ଷାରେ ଆହୁରି କଦର୍ଯ୍ୟ ହେଲାଣି। ଖାଲଖମା ରେ ଭରି ଗଲାଣି। ରାସ୍ତାର ଅବସ୍ଥା ଶୋଚନୀୟ ହୋଇପଡିଛି।ମରଣମୁହାଁ ପାଲଟିଛି ୫୫ନଂ ଜାତୀୟ ରାଜପଥ। ଯାହାକି ସାଧାରଣରେ ଜନ ଅସନ୍ତୋଷ ଦେଖା ଦେଇଛି। (ରିପୋର୍ଟ /ଅମର ରଞ୍ଜନ ଦାସ)
