ବାଙ୍କୀ କୋର୍ଟ ପରିସରରେ ୪ର୍ଥ ରାଷ୍ଟ୍ରୀୟ ଲୋକଅଦାଲତ ୧୫ଗୋଟି ମୋକଦ୍ଦମା ଫଇସଲା – ୩ଲକ୍ଷ ୬୯ହଜାର ଟଙ୍କା ଆଦାୟ

୧୪ ଡିସେମ୍ବର ୨୦୨୪ (ଓଡ଼ିଶା ତାଜା ନ୍ୟୁଜ୍ ) ବାଙ୍କୀ :- ବାଙ୍କୀ କୋର୍ଟ ପରିସରରେ ୪ର୍ଥ ରାଷ୍ଟ୍ରୀୟ ଲୋକଅଦାଲତ ଅନୁଷ୍ଠିତ ହୋଇଥିଲା । ସିନିୟର ଡିଭିଜନ ସିଭିଲଜଜ୍ ସୁଧୀର କୁମାର ମିଶ୍ର ଓ ଉପଖଣ୍ଡ ବିଚାରବିଭାଗୀୟ ମାଜିଷ୍ଟ୍ରେଟ୍ ସାଧନଜିତ୍ ପଣ୍ଡା ସମୁଦାୟ ୧୫ଗୋଟି ମୋକଦ୍ଦମା ଫଇସଲା କରି ୩ଲକ୍ଷ ୬୯ହଜାର ଟଙ୍କା ଆଦାୟ କରାଯାଇଥିଲା । ଏଥିରେ ବାଙ୍କୀ ଓକିଲ ସଂଘ ସଭାପତି କୈଳାସ ଚନ୍ଦ୍ର ମହାପାତ୍ର, ସଂପାଦକ ସୁବାସିନୀ ମହାପାତ୍ର, ସରକାରୀ ଓକିଲ ପ୍ରଦୀପ ପୃଷ୍ଟି ,

ସନ୍ତୋଷ କୁମାର ମିଶ୍ର, ଆଇନଜୀବୀ ଭାଗ୍ୟଧର ନାୟକ, ପ୍ରଦୀପ ମହାପାତ୍ରଙ୍କ ସମେତ ବହୁ ଆଇନଜୀବୀ ଉପସ୍ଥିତ ରହି ମୋକଦ୍ଦମା ଫଇସଲାରେ ସହଯୋଗ କରିଥିଲେ । ଏଥିରେ ନାଜର ପ୍ରଶାନ୍ତ କୁମାର ବେହେରା, ଲିଗାଲ୍ ହେଡ୍ କର୍ମଚାରୀ ହରେକୃଷ୍ଣ ମୁର୍ମୁ, ଧୋଇନ ବେହେରା, ଅଦୈତ୍ୟ ପ୍ରସାଦ ଦାସ ପ୍ରମୁଖ କର୍ମଚାରୀ ସହଯୋଗ କରିଥିଲେ ।