ମାଟିଆଭଟା ଗାଁ ନିକଟରେ ମୋଟର ସାଇକେଲ ଦୁର୍ଘଟଣା – ବାଇକ୍ ଚାଳକ ମୃତ

୦୭ ଡିସେମ୍ବର ୨୦୨୪ (ଓଡ଼ିଶା ତାଜା ନ୍ୟୁଜ୍ ) ଖପ୍ରାଖୋଲ :-> ବଲାଙ୍ଗିର ଜିଲ୍ଲା ଖପ୍ରାଖୋଲ ଥାନା ଅନ୍ତର୍ଗତ ମାଟିଆଭଟା ଗ୍ରାମ ନିକଟରେ ଏକ ମୋଟର ସାଇକେଲ ଦୁର୍ଘଟଣାରେରେ ବାଇକ୍ ଚାଳକ ର ମୃତ୍ୟୁ ହୋଇଥିବା ଜଣାପଡିଛି । ମୃତ ଯୁବକ ଜଣକ ଖପ୍ରାଖୋଲ ଥାନା ମାଟିଆଭଟା ପଞ୍ଚାୟତ ଅନ୍ତର୍ଗତ ଅନକାମରା ଗାଁ ର ଅଜୁ ତାଣ୍ଡି (୨୦) ବୋଳି ସୂଚନା ମିଳିଛି । ସୂଚନାନୁଯାୟୀ ଗାଡ଼ି ନମ୍ବର ଓଡି ୧୭ଏନ-୫୩୨୭ ବାଇକରେ ଅଜୁ ନିଜ ଗାଁ ରୁ ସନ୍ଧ୍ୟା ୬ଟା ସମୟରେ ଅନ୍ୟ ଗ୍ରାମକୁ ବରଯାତ୍ରୀ ଯିବା ପାଇଁ ବାହାରିଥିଲେ ।

ବାହା ଘରୁ ନିଜ ଗାଁ କୁ ଫେରିଲା ସମୟରେ ମାଟିଆଭଟା ନିକଟ ବୁଲାଣି ରେ ଭାରସାମ୍ୟ ହରାଇ ବାଇକ୍ ଟି ଗୋଟିଏ ନିମ୍ବ ଗଛରେ ପିଟି ହୋଇ ଦୁର୍ଘଟଣା ହୋଇଥିଲା । ମଧ୍ୟ ରାତ୍ରି ସମୟରେ ଦୁର୍ଘଟଣା ଘଟି ଥିବାରୁ କେହି ଜାଣି ପାରିଲେ ନାହିଁ । ସ୍ଥାନୀୟ ଲୋକେ ସକାଳୁ ଦେଖିବାକୁ ପାଇ ଘରଲୋକଙ୍କୁ ଖବର କରିଥିଲେ । ଘରଲୋକ ଘଟଣା ସ୍ଥଳରେ ପହଞ୍ଚି ପୋଲିସକୁ ଖବର କରିଥିଲେ।

ଖପ୍ରାଖୋଲ ପୋଲିସ ଏବଂ ଅଗ୍ନିଶମ ବିଭାଗ ଘଟଣାସ୍ଥଳରେ ପହଞ୍ଚି ଅଜୁ ର ଶରୀରକୁ ଉଦ୍ଧାର କରି ଖପ୍ରାଖୋଲ ଡାକ୍ତରଖାନାକୁ ନେଇଥିବା ବେଳେ ଡ଼ାକ୍ତର ତାଙ୍କୁମୃତ ଘୋଷଣା କରିଥିଲେ । ଏ ନେଇ ଖପ୍ରାଖୋଲ ପୋଲିସ ମୃତ ବ୍ୟକ୍ତିର ପଞ୍ଚନାମା କରି ଶବ ବ୍ୟବଚ୍ଛେଦ ପାଇଁ ପଠେଇଥିଲେ । ଏନେଇ ଖପ୍ରାଖୋଲ ଥାନା କେସ ନଂ ୨୮୨/୨୦୨୪ ରେ ଏକ ମାମଲା ରୁଜୁ କରି ଘଟଣାର ଅଧିକ ତଦନ୍ତ ଚାଲିଥିବା ଖପ୍ରାଖୋଲ ଥାନା ଅଧିକାରୀ ନରେନ୍ଦ୍ର ଛତ୍ର ପ୍ରକାଶ କରିଛନ୍ତି ।