କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଦ୍ଵାରା ମହୋଦଧି ଦିବସ ପୋଷ୍ଟର ଉନ୍ମୋଚିତ

୨୬ ନଭେମ୍ବର ୨୦୨୪ ( ଓଡ଼ିଶା ତାଜା ନ୍ୟୁଜ୍ ) ପୁରୀ :-> କେନ୍ଦ୍ରଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ ନୂଆଦିଲ୍ଲୀସ୍ଥ ତାଙ୍କ ବାସଭବନ ଠାରେ ମହୋଦଧି ଦିବସ ର ଅଫିସିଆଲ୍ ପୋଷ୍ଟର ଉନ୍ମୋଚିତ କରିଛନ୍ତି l ପୁରୀ ସ୍ୱର୍ଣ୍ଣାଭ ବେଳାଭୂମି ଠାରେ ଡିସେମ୍ବର ୧୦ ରୁ ୧୨ ତାରିଖ ପର୍ଯ୍ୟନ୍ତ ମହୋଦଧି ଦିବସ ପାଳିତ ହେବ l ପୁରୀ ଜିଲ୍ଲା ସ୍ବେଛାସେବୀ ସଙ୍ଗଠନ ସାମୁଖ୍ୟ ଦି ବେଲ୍ ତରଫରୁ ଏହି ଦିବସ ଆୟୋଜିତ ହେଉଛି l

ଏହି ଦିବସକୁ ଲୋକାଭିମୁଖି କରିବା ପାଇଁ ଆନ୍ତଃରାଷ୍ଟ୍ରୀୟ ବିଚ୍ ସ୍ପୋର୍ଟସ କାର୍ଣିଭାଲ ୨୦୨୪ ଆୟୋଜିତ ହେବ l ଏଥିପାଇଁ ଏହି ଦିବସ ର ଅଫିସିଆଲ୍ ପୋଷ୍ଟରକୁ କେନ୍ଦ୍ରୀୟ ଉଚ୍ଚଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଓ ତାଙ୍କ ଧର୍ମପତ୍ନୀ ମୃଦୁଲା ପ୍ରଧାନ ତାଙ୍କ ତ୍ରିମୂର୍ତ୍ତି ମାର୍ଗର ଦିଲ୍ଲୀସ୍ଥିତ ସରକାରୀ ବାସଭବନରେ ଠାରେ ଉନ୍ମୋଚନ କରିଛନ୍ତି । ଏହି ଉନ୍ମୋଚନ ପର୍ବରରେ ମହୋଦଧି ଉତ୍ସବ ର ଅଭ୍ୟର୍ଥନା କମିଟି ଅଧ୍ୟକ୍ଷ ଜିତେନ୍ଦ୍ର ମହାପାତ୍ର, ପଣ୍ଡିତ ମହେଶ ସାହୁ,

କୃଷ୍ଣଚନ୍ଦ୍ର ଦାଶ,ସତ୍ୟ ରଞ୍ଜନ ଦାଶ ଉପସ୍ଥିତି ଥିଲେ । ସୂଚନା ଯୋଗ୍ୟ ଯେ ଏହି କାର୍ଯ୍ୟକ୍ରମରେ ୧୦ ଟି ରାଷ୍ଟ୍ର ର ପ୍ରତିନିଧି ଯୋଗ ଦେବେ l ଇଣ୍ଡୋ ଶ୍ରୀଲଙ୍କା ଲଇଫ୍ ସେଭିଂ ସ୍ପୋର୍ଟସ ଚମ୍ପିୟନସିପ ମୁଖ୍ୟ ଆକର୍ଷଣ ହେବ ବୋଲି ଅନୁଷ୍ଠାନ ର ଅଧ୍ୟକ୍ଷ ସିଦ୍ଧାର୍ଥ ରାୟ ପୁରୀ ଠାରେ ସୂଚନା ଦେଇଛନ୍ତି l