ଶିକ୍ଷା କ୍ଷେତ୍ରରେ ଏକ ଅଗ୍ରଣୀ ସ୍ୱେଚ୍ଛାସେବୀ

୧୭ ନଭେମ୍ବର ୨୦୨୪ ( ଓଡ଼ିଶା ତାଜା ନ୍ୟୁଜ୍ ) ଚାନ୍ଦପୁର :-> ଶିକ୍ଷା କ୍ଷେତ୍ରରେ ଏକ ଅଗ୍ରଣୀ ସ୍ୱେଚ୍ଛାସେବୀ ସଙ୍ଗଠନ “ପ୍ରଥମ ଓଡ଼ିଶା” ତରଫରୁ ଖୋର୍ଦ୍ଧା ଜିଲ୍ଲା ଅନ୍ତର୍ଗତ ଟାଙ୍ଗୀ ବ୍ଳକ ର ୮ଟି ଗ୍ରାମ ଯଥାକ୍ରମେ ସୁନ୍ଦରପୁର କଲୋନୀ,କାଟିଲାଗୋ କଲୋନୀ,କନ୍ତଳବାଇ,ତାଳଡିହ,ରାଉଳସାହି,ନୁଆଗାଁ,ପଣସପୁର,କାରଟିଆସାହି ଠାରେ ମହାସମାରୋହ ସହ ଶିଶୁ ଦିବସ ପାଳିତ ହୋଇଯାଇଛି ।

ଏହି ଦିବସର ମହତ୍ତ୍ଵ ବିଷୟରେ ଆଲୋଚନା କରିବା ସହ ଛାତ୍ର ଛାତ୍ରୀ ମାନଙ୍କୁ ନେଇ ବିଭିନ୍ନ ପ୍ରତିଯୋଗିତା କରାଯାଇଥିଲା । ଯଥା-ନୃତ୍ୟ,ଗୀତ,ଗପ, ବକୃତା, ଚିତ୍ରାଙ୍କନ ଆଦି।ତତ୍ ସହିତ କୃତ ଛାତ୍ର ଛାତ୍ରୀ ମାନଙ୍କୁ ପୁରସ୍କାର ପ୍ରଦାନ କରାଯାଇଥିଲା । ଏହି କାର୍ଯ୍ୟକ୍ରମରେ ବିଦ୍ୟାଳୟର ସି.ଆର.ସି.ସି, ପ୍ରଧାନ ଶିକ୍ଷକ, ଶିକ୍ଷୟିତ୍ରୀ, ସରପଞ୍ଚ,

ୱାର୍ଡ ମେମ୍ବର, ଅଙ୍ଗନବାଡ଼ି ଦିଦି, ଅଭିଭାବକ, ଗ୍ରାମବାସୀ ଓ ସ୍ବେଚ୍ଛାସେବୀ ମାନେ ଯୋଗ ଦେଇଥିଲେ । ଏହି କାର୍ଯ୍ୟକ୍ରମକୁ” ପ୍ରଥମ ଓଡ଼ିଶା”ର ଜିଲ୍ଲା ସଂଯୋଜକ ରାକେଶ କୁମାର ବେହେରାଙ୍କ ସହିତ “ପ୍ରଥମ ଓଡ଼ିଶା”ର କର୍ମକର୍ତ୍ତା ଚୈତନ୍ୟ,ଅଭୟ, ସୁରେଶ, ଲୋକନାଥ, ସ୍ବର୍ଣ୍ଣଲତା , ରଶ୍ମୀତା, ବନପ୍ରିୟା, ସବିତା, ସ୍ମିତା, ନଳିନୀ, ତପସ୍ଵିନୀ,ବିନ୍ଦୁ ସୂଚାରୁରୂପେ ସଂପାଦନ କରି ସାଫଲ୍ୟ ମଣ୍ଡିତ କରିଥିଲେ ।