ଦୁଇଟି ସ୍ଥାନରେ ଚଢ଼ାଉ ୪୫୦୦ଲିଟର ପୋଚ ନଷ୍ଟ କରିବା ସହ ୫୮0 ଲିଟର ଦେଶୀ ମଦ ଜବତ

୧୩ ନଭେମ୍ବର ୨୦୨୪ ( ଓଡ଼ିଶା ତାଜା ନ୍ୟୁଜ୍  ) ଖୋର୍ଦ୍ଧା ଜିଲ୍ଲା :-> ବେଗୁନିଆ ବେଗୁନିଆ ଓ ଜଂକିଆ ଥାନା ଅଞ୍ଚଳରେ ଦେଶୀ ମଦ ତିଆରି ଓ ବିକ୍ରୀବଟା ଦିନକୁ ଦିନ ବଢ଼ି ଚାଲିଛି । ବେଗୁନିଆ ଥାନା ଅନ୍ତର୍ଗତ ଅସରଳା,ବଡ଼ନୟାପଲ୍ଲୀ ,ଚଟୁଆ ,ରାସୋଳ, କଣ୍ଟାବାଡ, ଭୋଗଡା, ବରପଦା ପ୍ରମୁଖ ଗାଁ ଘଞ୍ଚ ଜଙ୍ଗଲ, ନଈ ପଠା ଆଦି ନିଛାଟିଆ ସ୍ଥାନରେ ଓ ଜଂକିଆ ଥାନା କଲରାଝର ନିକଟସ୍ଥ ଜଂଗଲରେ ମଦମାଫିଆ ମାନେ ନିରାପଦ ମଣି ଦେଶୀ ମଦ ତିଆରି କରି ବିଭିନ୍ନ ଅଞ୍ଚଳରେ ଚୋରାଚାଲାଣ କରି ବେଶ ଭଲ ମୁନଫା କମାଉଛନ୍ତି।ବେଗୁନିଆ ଓ ଜଂକିଆ ଥାନା ଅଞ୍ଚଳ ମାଫିଆଙ୍କ ଭୁସ୍ୱର୍ଗ ।

ଦେଶୀ ମଦ ସେବନ କରି ଯୁବଗୋଷ୍ଠୀ ବିଭିନ୍ନ ପ୍ରକାର ରୋଗରେ ଆକ୍ରାନ୍ତ ହେଉଛନ୍ତି। ଦେଶୀ ମଦ ତିଆରିରେ ରୋକ ଲଗାଇବା ପାଇଁ ପ୍ରଶାସନ ପକ୍ଷରୁ ଆଖି ଦୃଶିଆ ଚଢାଉ ହେଉଛି ହେଲେ ବନ୍ଦ ପରିଵର୍ତ୍ତେ ଦେଶୀ ମଦ ଏବେ କୁଟୀର ଶିଳ୍ପରେ ପରିଣତ ହେଲାଣି। ଦେଶୀ ମଦ ତିଆରି ବନ୍ଦକୁ ନେଇ ବୁଦ୍ଧିଜୀବୀ ମହଲରେ ଚିନ୍ତାରେ।ଅସାଧୁ ପୁଲିସ କୁ ହାତ ବାରିସି କରି ମଦ ବେପାରୀ ମାନେ କରୁଛନ୍ତି ଖୋଲମଖୁଲା ବେପାର ।

ଜିଲ୍ଲା ଅବକାରୀ ଅଧିକ୍ଷକଙ୍କ ନିର୍ଦ୍ଦେଶ କ୍ରମେ ସୂଚନା ପାଇବା ମାତ୍ରେ ଚଢ଼ାଉ ନିର୍ଦେଶ ଅବକାରୀ ବିଭାଗ ଭିନ୍ନ ଭିନ୍ନ ଯାଗାରେ ଚଢ଼ାଉ କରି ୪୫୦୦ଲିଟର ପୋଚକୁ ନଷ୍ଟ କରିଥିବା ବେଳେ ୫୦୦ଲିଟର ଦେଶୀ ମଦ ସହିତ ମଦ ତିଆରି ସାମଗ୍ରୀ ଜବତ କରିଛି । ହେଲେ ମାଫିଆ ମାନେ ଆଗରୁ ସୂଚନା ପାଇ ଘଟଣାସ୍ଥଳରୁ ଖସିଯାଇଛନ୍ତି । ସେହିପରି ଜଂକିଆ ଥାନା ଅନ୍ତର୍ଗତ ହଜ ପଞ୍ଚାୟତ କଲରାଝର ଗାଁରେ ଚଢ଼ାଉ କରି ୮୦ଲିଟର ଦେଶୀ ମଦ ଜବତ କରିଥିବା ବେଳେ ମଦ ବେପାରୀ ବିକ୍ରମ ଜୟସିଂହ ଘଟଣାସ୍ଥଳରୁ ଚମ୍ପଟ।ଅବକାରୀ ବିଭାଗ ବିପୁଳ ପରିମାଣର ପୋଚ, ଦେଶୀ ମଦ ଜବତ ଜବତ କରିଥିବା ଵେଳେ ଘଟଣାରେ ମାଫିଆଙ୍କୁ ଧରିବାରେ ବିଫଳକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି ।