ଜାତୀୟ ପ୍ରେସ ଦିବସ ଉପଲକ୍ଷେ ପ୍ରତିଯୋଗିତା ଆୟୋଜିତ

୦୮ ନଭେମ୍ବର ୨୦୨୪ (ଓଡ଼ିଶା ତାଜା ନ୍ୟୁଜ୍ ) ଭୁବନେଶ୍ବର  :-> ଆସନ୍ତା ନଭେମ୍ବର ୧୬ ତାରିଖ ଦିନ ୫୭ତମ ଜାତୀୟ ପ୍ରେସ ଦିବସ ପାଳନ ଉପଲକ୍ଷେ ଉତ୍କଳ ବିଶ୍ବ ବିଦ୍ୟାଳୟ, କିଟ୍ ବିଶ୍ବ ବିଦ୍ୟାଳୟ , ସମ୍ବାଦ ସ୍କୁଲ ଅଫ ମାସ୍ କମ୍ୟୁନିକେଶନ, ଆଇ.ଏମ.ଏସ୍ ଏବଂ ଅମିତ କଲେଜର ସାମ୍ବାଦିକତା ବିଭାଗ ଛାତ୍ରଛାତ୍ରୀ ମାନଙ୍କ ମଧ୍ୟରେ ବିଭିନ୍ନ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି। ଜାତୀୟ ସାିମ୍ବାଦିକ କଲ୍ୟାଣ ବୋର୍ଡର ଉଦ୍ୟମକ୍ରମେ ଖୋର୍ଧା ବରୁଣେଇ ଶିଳ୍ପାଞ୍ଚଳରେ ଅମିତ କଲେଜର ସାମ୍ବାଦିକତା ଓ ଗଣ ଯୋଗାଯୋଗ ବିଭାଗରେ l

ଗଣମାଧ୍ୟମ ଦୁନିଆରେ କୃତ୍ରିମବୁଦ୍ଧିମତା’ ଶୀର୍ଷକ ପ୍ରବନ୍ଧ ଓ ବକ୍ତୃତା ଓ ସାଧାରଣଜ୍ଞାନ ପରୀକ୍ଷା ହୋଇଥିଲା। ଏଥିରେ ଅମିତ କଲେଜର ନିର୍ଦ୍ଦେଶକ ତ୍ରିଦେବ ମହାନ୍ତି , କିଟ୍ ବିଶ୍ବ ବିଦ୍ୟାଳୟର ବିଭାଗୀୟ ମୁଖ୍ୟ ଡଃ. ରାଜୀବ ପଣ୍ଡା, ଦୈନିକ ସମାଜର ବରିଷ୍ଠ ସହ-ସମ୍ପାଦକ ଡଃ. ସୁଜିତ ମିଶ୍ର , ଅମିତ କଲେଜର ଅଧ୍ୟକ୍ଷ ପ୍ରଫେସର ଲିଙ୍ଗରାଜ ପାତ୍ର, ଅଧ୍ୟାପକ ସୁଧାଂଶୁ ଶେଖର ଧଡା , ଚିନ୍ତନ ବ୍ରହ୍ମା, ମଧୁସ୍ମିତା ବିଧାରଙ୍କ ସମେତ ବହୁ ସଂଖ୍ୟାରେ ଛାତ୍ରଛାତ୍ରୀ ଅଂଶ ଗ୍ରହଣ କରିଥିଲେ । ନଭେମ୍ବର ୧୬ ତାରିଖ ରାଜ୍ୟ ସ୍ତରୀୟ ପ୍ରେସ ଦିବସ ଉତ୍ସବରେ କୃତି ପ୍ରତିଯୋଗି ମାନଙ୍କୁ ପୁରସ୍କୃତ କରାଯିବ ।