ଆର.ସି. କଲେଜ ରେ ରାଷ୍ଟ୍ରୀୟ ଏକତା ଦିବସ ପାଳନ

୩୧ ଅକ୍ଟୋବର ୨୦୨୪ (ଓଡ଼ିଶା ତାଜା ନ୍ୟୁଜ୍ )  ଖଣ୍ଡପଡ଼ା  :-> ସର୍ଦ୍ଦାର ବଲ୍ଲଭ ଭାଇ ପଟେଲ ଙ୍କ ଜନ୍ମ ଜୟନ୍ତୀ ଅବସରରେ କେନ୍ଦ୍ର ସରକାରଙ୍କ ମୋ ଭାରତ ସଂସ୍ଥା ତରଫରୁ ଡଃ. ଆର୍. ସି. ସାମନ୍ତରାୟ ବିଜ୍ଞାନ ଓ ପ୍ରଯୁକ୍ତିବିଦ୍ୟା ମହାବିଦ୍ୟାଳୟ ଠାରେ ରାଷ୍ଟ୍ରୀୟ ଏକତା ଦିବସ ପାଳନ କରାଯାଇଥିଲା । ଏହି କାର୍ଯ୍ୟକ୍ରମ ରେ ମହାବିଦ୍ୟାଳୟ ର ୧୦୦ ରୁ ଉର୍ଦ୍ଧ୍ବ ଛାତ୍ର ଛାତ୍ରୀ ଉପସ୍ଥିତ ଥିଲେ ।

ଏହି କାର୍ଯ୍ୟକ୍ରମ ରେ ମୁଖ୍ୟ ଅତିଥି ଭାବେ ଡଃ. ବିଜୟ କୁମାର ଦାସ, ସମ୍ମାନନୀୟ ଅତିଥି ଡଃ. ଶ୍ରୀକାନ୍ତ କୁମାର ସେଠୀ, ମୁଖ୍ୟ ବକ୍ତା ଶ୍ରୀମନ୍ ଦେବାଶିଷ ନାୟକ ଓ ଅତିଥି ଓଡ଼ିଆ ଅଧ୍ୟାପକ ଶ୍ରୀ ଜିତେନ୍ କୁମାର ପାଣିଗ୍ରାହୀ ଯୋଗ ଦେଇ ଛାତ୍ର ଛାତ୍ରୀ ମାନଙ୍କୁ ଅନେକ ପ୍ରେରଣାଦାୟୀ ତଥ୍ୟ ପ୍ରଦାନ କରିଥିଲେ । ଏବଂ ପରବର୍ତ୍ତୀ ସର୍ତ୍ର ରେ ଛାତ୍ର ଛାତ୍ରୀ ମାନଙ୍କ ମଧ୍ୟରେ ପ୍ରଶ୍ନ ଉତ୍ତର ପ୍ରତିଯୋଗିତା କରାଯାଇଥିଲା ।

ଏହା ପରେ ଛାତ୍ର ଛାତ୍ରୀ ମାନଙ୍କ ନିମନ୍ତେ ମୁଖ୍ୟ ଅତିଥିଙ୍କ ଦ୍ଵାରା ପ୍ରସ୍ତୁତ କରାଯାଇଥିବା ପାୱାର ପଏଣ୍ଟ ପ୍ରେଜେଣ୍ଟେଶନ ଓ ତଥ୍ୟ ପୂର୍ଣ୍ଣ ଏକ ଭିଡିଓ ପରିବେଷଣ କରାଯାଇ ଛାତ୍ର ଛାତ୍ରୀ ମାନଙ୍କୁ ଦେଶ ସେବା ନିମିତ୍ତ ଉତ୍ସାହିତ କରାଯାଇଥିଲା । ପରିଶେଷ ରେ ଅଂଶଗ୍ରହଣକାରୀ ମାନଙ୍କୁ ମିଷ୍ଠାନ ଓ ସୂକ୍ଷ୍ମ ପାନୀୟ ବିତରଣ କରାଯାଇ କାର୍ଯ୍ୟକ୍ରମ କୁ ସମାପନ କରାଯାଇଥିଲା ।