ଭାରତୀୟ ଜନତା ପାର୍ଟି ପକ୍ଷରୁ ସଦସ୍ୟତା ଅଭିଯାନ-୨୦୨୪

୨୭ ଅକ୍ଟୋବର ୨୦୨୪ (ଓଡ଼ିଶା ତାଜା ନ୍ୟୁଜ୍ ) ବୋଲଗଡ଼  :-> ଭାରତୀୟ ଜନତା ପାର୍ଟି ବେଗୁନିଆ ନିର୍ବାଚନ ମଣ୍ଡଳୀ ପକ୍ଷରୁ ସଦସ୍ୟତା ଅଭିଯାନ-୨୦୨୪ ରବିବାର ନନ୍ଦିଘୋଷ ଭବନଠାରେ ଅନୁଷ୍ଠିତ ହୋଇଯାଇଛି।ଆୟୋଜିତ ସଦସ୍ୟତା ସଭାରେ ସାଂସଦ ଅପରାଜିତା ଷଡଙ୍ଗୀଙ୍କ ବୋଲଗଡ଼ ବ୍ଲକ ପ୍ରତିନିଧି ତଥା ବିଜେପି ଯୁବ ନେତା ରବୀନ୍ଦ୍ର ନାଥ ସୁବୁଦ୍ଧି ସଭାପତିତ୍ୱ କରିଥିଲେ । ଏଥିରେ ମୁଖ୍ୟ ଅତିଥି ଭାବେ ସାଂସଦ ଶ୍ରୀମତୀ ଅପରାଜିତା ଷଡଙ୍ଗୀ ଯୋଗଦେଇ ଭାଜପା ପକ୍ଷରୁ ଦେଶରେ ଚାଲୁ ରହିଥିବା ସଦସ୍ୟତା ସମ୍ପର୍କରେ ଆଲୋକପାତ କରିଥିଲେ ।

ଜସ୍ବସୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଦେଶରେ ଜାରି ରହିଥିବା ଜନ ହିତକର କାର୍ଯ୍ୟର ଭୁଇଅଶୀ ପ୍ରସଂଶାକୁ ସାଧାରଣରେ ବାଣ୍ଟିଥିଲେ । ଦେଶର ଜନହିତକର କାର୍ଯ୍ୟରେ ପ୍ରତିବନ୍ଧକ ସୃଷ୍ଟି କରୁଥିବା ବିରୋଧୀଙ୍କୁ ସାଂସଦ ଶ୍ରୀମତୀ ଷଡଙ୍ଗୀ କଟୁ ସମାଲୋଚନା କରିଥିଲେ । ସେହିପରି ମୁଖ୍ୟବକ୍ତା ଭାବେ ଖୋର୍ଦ୍ଧା ବିଧାୟକ ପ୍ରଶାନ୍ତ ଜଗଦେଵ ଯୋଗେଦେଇ ଦେଶ ଓ ରାଜ୍ୟରେ ଡବଲ ଇଞ୍ଜିନ ସରକାର ଓ ଭାଜପାର ସଦସ୍ୟତା ସମ୍ପର୍କରେ ସୂଚନା ଦେଇଥିଲେ ।

ସଂମ୍ମାନୀତ ଅତିଥି ଭାବେ ଖୋର୍ଦ୍ଧା ଜିଲ୍ଲା ସଦସ୍ୟତାସଂଯୋଜକ ସରୋଜ କୁମାର କର, ଜିଲ୍ଲା ଭାଜପା ସଭାପତି ରଶ୍ମି ରଞ୍ଜନ ମହାପାତ୍ର,ବିଜେପି ବିଧାୟକ ପ୍ରାର୍ଥୀ ପ୍ରକାଶ ବିଜୁଳି,ଜିଲ୍ଲା ପରିଷଦ ସଭ୍ୟ ଅନାଦି ସାହୁ, ଅଶୋକ ରାଉତ,ଜିଲ୍ଲା ପରିଷଦ ପ୍ରାର୍ଥୀ ମିଥୁନ ପାଇକରାୟ ଓ ସୁଦର୍ଶନ ଜେନା ପ୍ରମୁଖ ଯୋଗଦେଇ ସଦସ୍ୟତା ସମ୍ପର୍କରେ ବିଶଦ ବିବରଣୀ ବୁଥ ସ୍ତରୀୟ କର୍ମୀ ମାନଙ୍କୁ ସଦସ୍ୟତା ସମ୍ପର୍କରେ ସାଧାରଣ ରେ ଉପସ୍ଥାପନ କରିଥିଲେ ।ଜସ୍ବସୀ ମୋଦିଜୀଙ୍କ ନୀତି ଓ ଆଦର୍ଶରେ ଅନୁପ୍ରାଣିତ ହୋଇ ବିଜେଡି ଛାମୁଆ ନେତା ତଥା ପୂର୍ବତନ ବ୍ଲକ ଉପାଧକ୍ଷ ଦୁର୍ଯ୍ୟୋଧନ ସ୍ୱାଇଁ ମଞ୍ଚରେ ଉତ୍ତରୀୟ ଓ ଟୋପି ପରିଧାନ କରି ବିଜେପିରେ ସାମିଲ ହୋଇଥିଲେ ।