ମା ବାରଭୂଜାଙ୍କ ଶକ୍ତିପୀଠ ସମେତ ନିଆଳି ଓ ଅଡଶପୁର ଅଞ୍ଚଳରେ ଶାରଦୀୟ ଦୁର୍ଗାପୂଜା ଉତ୍ସବମୁଖର

୧୨ ଅକ୍ଟୋବର ୨୦୨୪ (ଓଡ଼ିଶା ତାଜା ନ୍ୟୁଜ୍ ) ନିଆଳି  :-> ଧରାପୃଷ୍ଠକୁ ଜଗତଜନନୀ ମା’ଦୁର୍ଗାଙ୍କର ଅବତରଣକୁ ପବିତ୍ର ଆଶ୍ଵିନ ମାସ ଅନେଇ ବସିଥିଲା ବେଳେ ନଦୀପଠାରେ କାଶତଣ୍ଡି ର ଖୂଲିଖୂଲି ହସର ସମ୍ଭାର ମା’ ଙ୍କ ଆଗମନର ସୂଚନା ଦେଇଥାଏ । ଚଳଚଞ୍ଚଳ ହୋଇ ପଡେ ଏହି ଧରାପୃଷ୍ଠ । ସବୁଆଡେ ସାଜସଜ୍ଜା , ମା’ଙ୍କର ପୂଜା ପାଠ ସମେତ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ସାଙ୍ଗକୁ ଅପୂର୍ବ ଆଲୋକର ସମ୍ବାର ସୃଷ୍ଟି କରିଛି । ପ୍ରାଚୀ ନଦୀ ତଟସ୍ଥ ଆମଣ ।

କୁଦର କୁଦପାଟଣାସ୍ଥିତ ବହୁ ଯୁଗର ପୁରାଣ ପ୍ରସିଦ୍ଧ ମା’ ବାରଭୂଜାଙ୍କ ଶକ୍ତିପୀଠ ସମେତ ବହୁ ବର୍ଷରୁ ଅନୁଷ୍ଠିତ ହୋଇ ଆସୁଥିବା ନିଆଳି ବଙ୍ଗାଳୀସାହିର ମା’ଙ୍କ ଦୁର୍ଗାପୂଜା ଏବଂ ନିଆଳି ହାଟର ହରପାର୍ବତୀ ଓ ପହଙ୍ଗା, ଅଡସପୁର , କଣ୍ଟାପଡ଼ା ଅଞ୍ଚଳ ସମେତ ବାଲିପାଟଣା,ବନମାଳୀପୁରର ମା’ଦୁର୍ଗା, ଓ ହରପାର୍ବତୀ ପୂଜା ମଣ୍ଡପ ଗୁଡିକ ଆଲୋକମାଳାର ତୋରଣ ବେଶ ଆକର୍ଷଣୀୟ ହୋଇ ପଡ଼ିଛି। ଅଷ୍ଟମୀ ତିଥି ଆରମ୍ଭ ଠାରୁ ଦଶମୀ ପର୍ଯ୍ୟନ୍ତ ମା’ ବାରଭୂଜା ,

ଏବଂ ହରପାର୍ବତୀ ଓ ମା’ ଦୁର୍ଗାଙ୍କୁ ଦର୍ଶନ କରିବା ପାଇଁ ପୂଜା ମଣ୍ଡପମାନଙ୍କରେ ଶ୍ରଦ୍ଧାଳୁ ଭକ୍ତମାନଙ୍କ ପ୍ରବଳ ଭିଡ଼ ଲାଗିଥିବାର ଦେଖିବାକୁ ମିଳିଛି । ଆଉ ମଧ୍ୟ ମା’ ଙ୍କ ପୂଜା ଉପଲକ୍ଷେ ବିଭିନ୍ନ ପୂଜା ମଣ୍ଡପରେ ଷଷ୍ଠୀ ଦିବସ ଠାରୁ ଦଶମୀ ପର୍ଯ୍ୟନ୍ତ ଧୁମଧାମରେ ମା’ ଙ୍କର ଚଣ୍ଡୀ ପୂଜାପାଠ ବିଶିଷ୍ଟ ଚଣ୍ଡୀ ପୁରୋହିତଙ୍କ ଦ୍ଵାରା କରାଯିବା ସହ ଆଧ୍ୟାତ୍ମିକ ଭଜନ, ଜଣାଣ, ମେଲୋଡି, ପାଲା ଏବଂ ପ୍ରବଚନ ଆଦି ବିଭିନ୍ନ ପାରମ୍ପାରିକ ସାଂସ୍କୃତିକ କାର୍ଯ୍ୟକ୍ରମମାନ ଆୟୋଜନ କରାଯାଇଥିଲା ।

ପୂଜା ମଣ୍ଡପରେ ଶାନ୍ତି ଶୃଙ୍ଖଳା ରକ୍ଷା ଲାଗି ସ୍ଥାନୀୟ ପୋଲିସ ପକ୍ଷରୁ ବ୍ୟାପକ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି । ହରପାର୍ବତୀ ଓ ଦୁର୍ଗା ପୂଜା କମିଟି ଗୁଡିକ ପକ୍ଷରୁ ଏହି ପୂଜା ଉତ୍ସଵ ପ୍ରତି ବର୍ଷ ପରି ଚଳିତ ବର୍ଷ ଶାରଦୀୟ ଦୁର୍ଗାପୂଜା ମହାସମାରୋହରେ ପାଳନ କରାଯାଇ ଆସୁଅଛି । ପୂଜା ମଣ୍ଡପର ମା’ ଦୁର୍ଗାଙ୍କୁ ଏବଂ ହରପାର୍ବତୀଙ୍କ ମୃଣୟ ମୂର୍ତ୍ତୀ ଗୁଡିକୁ ଦଶହରା ପୂଜା ପରେ ଭସାଣୀ ଉତ୍ସବ ଶାନ୍ତି ଶୃଙ୍ଖଳା ସହ ସ୍ଥାନୀୟ ନଦୀ ଏବଂ ପୋଖରୀରେ ବିସର୍ଜନ କରାଯିବ ବୋଲି ପୂଜା କମିଟି ପକ୍ଷରୁ କୁହାଯାଇଛି ,।