ଗୟଳବାଙ୍କ ଆଶ୍ରମ ବିଦ୍ୟାଳୟରେ ନିଶାନିବାରଣ ଶପଥ ପାଠ  

୦୭ ଅକ୍ଟୋବର ୨୦୨୪ (ଓଡ଼ିଶା ତାଜା ନ୍ୟୁଜ୍ ) ବାଙ୍କୀ  :-> ଡମପଡ଼ା ବ୍ଲକ ଅନ୍ତର୍ଗତ ଗୟଳବାଙ୍କ ଆଶ୍ରମ ବିଦ୍ୟାଳୟ ପରିସରରେ ସ୍ୱେଚ୍ଛାସେବୀ ଅନୁଷ୍ଠାନ ଅସ୍ତିତ୍ୱ ଆନୁକୁଲ୍ୟରେ ନିଶାନିବାରଣ ଓ ନିଶା ଦ୍ରବ୍ୟକୁ ବର୍ଜନ କରିବା ପାଇଁ ଏକ ଶପଥପାଠ ଉତ୍ସବ ଅନୁଷ୍ଠିତ ହୋଇଯାଇଛି । ବିଶେଷ କରି ଛାତ୍ରଛାତ୍ରୀମାନଙ୍କ ମଧ୍ୟରେ ନିଶା ଦ୍ରବ୍ୟ ବର୍ଜନ ସହିତ ସେମାନଙ୍କ ପରିବାର ବର୍ଗଙ୍କୁ ନିଶାରୁ ମୁକ୍ତି ନିମନ୍ତେ ପରାମର୍ଶ ଦିଆଯିବା ସହିତ ଶପଥପାଠ କରାଯାଇଥିଲା ।

ଏହି କାର୍ଯ୍ୟକ୍ରମରେ ବିଦ୍ୟାଳୟର ପ୍ରଧାନ ଶିକ୍ଷକ ଜିତେନ୍ଦ୍ର ନାଥ ସିଂହ, ଶିକ୍ଷାବିତ୍ ପ୍ରାଧ୍ୟାପକ ମନୋଜ କୁମାର ମହାପାତ୍ର, ପରିବେଶବିତ୍ ଅମୀତ୍ କୁମାର ସାହୁ, ଶିକ୍ଷୟିତ୍ରୀ ସୁକାନ୍ତଲତା ପତି ଓ ଅଞ୍ଜନା ପ୍ରଧାନ ପ୍ରମୁଖ ଉପସ୍ଥିତ ରହି ଛାତ୍ରଛାତ୍ରୀମାନଙ୍କୁ ଉପଦେଶ ପ୍ରଦାନ କରିଥିଲେ । କାର୍ଯ୍ୟକ୍ରମକୁ ଅସ୍ତିତ୍ୱ ଅନୁଷ୍ଠାନର ସଂପାଦକ ଗୌତମ ମିଶ୍ର ପରିଚାଳନା କରିଥିଲେ ।