ବାଙ୍କୀ କଲେଜ ଏନ୍‌.ଏସ୍‌.ଏସ୍ ତରଫରୁ କଲେଜ ପରିସରରେ ବୃକ୍ଷରୋପଣ

୦୩ ଅକ୍ଟୋବର ୨୦୨୪ (ଓଡ଼ିଶା ତାଜା ନ୍ୟୁଜ୍ ) ବାଙ୍କୀ :-> ବାଙ୍କୀ ସ୍ୱୟଂଶାସିତ ମହାବିଦ୍ୟାଳୟର ଏନ୍‌.ଏସ୍‌.ଏସ୍ ସଂସ୍ଥା ଆନୁକୁଲ୍ୟରେ କଲେଜ ପରିସରରେ ସଫେଇ କରିବା ସହିତ ବିଭିନ୍ନ ପ୍ରକାରର ବୃକ୍ଷରୋପଣ କରାଯାଇଛି । ଏହି କାର୍ଯ୍ୟକ୍ରମକୁ ଅଧ୍ୟକ୍ଷ ଡକ୍ଟର ନିରଞ୍ଜନ ମହାନ୍ତି ଶୁଭାରମ୍ଭ କରିବା ସହିତ ବୃକ୍ଷ ହିଁ ଜୀବନ ବୋଲି କହିଥିଲେ । ଅତିଥି ଭାବେ ପୂର୍ବତନ ଉପାଧ୍ୟକ୍ଷ ପ୍ରାଧ୍ୟାପକ ମନୋଜ କୁମାର ମହାପାତ୍ର,ଡକ୍ଟର ଶୈଳେନ୍ଦ୍ର ଚନ୍ଦ୍ର ଦେଓ ଓ ବୃନ୍ଦାବନ ପ୍ରଧାନ ପ୍ରମୁଖ ଯୋଗଦାନ କରି ସ୍ୱେଚ୍ଛାସେବୀମାନଙ୍କର ଏତାଦୃଶ କାର୍ଯ୍ୟପାଇଁ ପ୍ରଶଂସା କରିବା ସହିତ ବୃକ୍ଷରୋପଣ କାର୍ଯ୍ୟରେ ସାମିଲ୍ ହୋଇଥିଲେ । ଏନ୍‌.ଏସ୍‌.ଏସ୍ କାର୍ଯ୍ୟକ୍ରମ ଅଧିକାରୀ ଅଧ୍ୟାପକ ଯୋଗୀନାଥ ମଲ୍ଲିକଙ୍କ ତତ୍ତ୍ୱାବଧାନରେ ଆୟୋଜିତ କାର୍ଯ୍ୟକ୍ରମରେ ଆଲୋକ ମହାପାତ୍ର, ପ୍ରିତମ୍ ପ୍ରିୟଦର୍ଶି ମଲ୍ଲିକ ଓ ସୋନାଲି ସେନାପତି ପ୍ରମୁଖ ସହାୟତା କରିଥିଲେ ।