ରାସ୍ତା ଉପରେ ଜମୁଛି ବର୍ଷ ପାଣି, ନାହିଁ ଡ୍ରେନେଜ ସୁବିଧା , ଯାତାୟତରେ ବ୍ୟାହତ 

୧୭ ଅଗଷ୍ଟ,୨୦୨୪ (ଓଡ଼ିଶା ତାଜା ନ୍ୟୁଜ୍ ) ବେଗୁନିଆ  :-> ବେଗୁନିଆ ବ୍ଲକ ଅନ୍ତର୍ଗତ ସିକୋ ମୟୂରଝାଲିଆ ରାସ୍ତାର ଚନ୍ଦ୍ରଶେଖରଙ୍କର ମନ୍ଦିର ନିକଟରେ ଥିବା ରାସ୍ତାରେ ଜଳ ନିଷ୍କାସନ ପାଇଁ ବ୍ୟବସ୍ଥା ନ ଥିବାରୁ ବର୍ଷା ପାଣି ଜମି ରହିବା  ଫଳରେ ଜନସାଧାରଣ ଯାତାୟାତ କ୍ଷେତ୍ରରେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି । ପତିତପାବନଙ୍କ ମନ୍ଦିର ଠାରୁ ହନୁମାନଙ୍କ ମନ୍ଦିର ମଧ୍ୟରେ ଥିବା ସ୍ୱାସ୍ଥ୍ୟକେନ୍ଦ୍ର ,ଛାତ୍ରଛାତ୍ରୀ ମାନେ ବିଦ୍ୟାଳୟକୁ ଯିବା ଆସିବା ,ମନ୍ଦିର,ମସଜିଦ ,ପଞ୍ଚାୟତ କାର୍ଯ୍ୟାଳୟ ,ସେବା ସମବାୟ ସମିତି ଓ ରାଜସ୍ୱ ନିରୀକ୍ଷକ ଙ୍କ କାର୍ଯ୍ୟାଳୟକୁ ପ୍ରତିଦିନ ଲୋକମାନେ ଯିବା ଆସିବା କରୁଛନ୍ତି ।

ଏପରିକି ଦୈନନ୍ଦିନ ହଜାର ହଜାର ଲୋକ ଗାଡି ମଟର ନେଇ ଯିବା ଆସିବା କରୁଥିବା ବେଳେ ଜଳ ନିଷ୍କାସନ ପାଇଁ କୌଣସି ସୁବିଧା ନଥିବା ଯୋଗୁ ଓ ରାସ୍ତା ଉଚ୍ଚା ହୋଇନଥିବା ଯୋଗୁଁ ଅସରାଏ ବର୍ଷା ହେଲେ ପାଣି ଜମି ରହୁଛି । ଏ ସଂକ୍ରାନ୍ତରେ ଗ୍ରାମ୍ୟ ଉନ୍ନୟନ ବିଭାଗ ଯନ୍ତ୍ରୀ ଅବଗତ ଥିଲେ ମଧ୍ୟ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଉନାହିଁ । ଏହାର ସ୍ଥାୟୀ ସମାଧାନ କରିବା ପାଇଁ ମୁସଲିମ ସାହିର ସଭାପତି ମୁକ୍ତାର ଖାଁ ,ଶେଖ ସମୀର ,ଶେଖ ଫଇଜଲ ,ମୀର ଜମିର ,

ରଘୁନାଥ ସାହୁ ଓ ପଞ୍ଚୁଚରଣ ସାହୁ ପ୍ରମୁଖ ପ୍ରଶାସନ ନିକଟରେ ଦାବି କରିଛନ୍ତି ।ସେହିପରି କଣ୍ଟାବାଡ଼ ପଞ୍ଚାୟତ ଅନ୍ତର୍ଗତ ମୁକୁନ୍ଦପୁର ଶାସନ ସାହି ରାସ୍ତାରେ ପାଣି ଜମି ରହୁଥିବା ଯୋଗୁଁ ଉକ୍ତ ରାସ୍ତା ଉପରେ ନିର୍ଭର କରୁଥିବା ଲୋକମାନେ ଅସୁବିଧାର ସମ୍ମୁଖୀନ ହେଉଥିବାରୁ ସ୍ଥାନୀୟ ଲୋକମାନେ ମଣ୍ଡଳ ଉନ୍ନୟନ ଅଧିକାରୀ ଲକ୍ଷ୍ମୀଧର ସାହୁଙ୍କୁ ଭେଟି ଜଣାଇ ଥିଲେ ମଧ୍ୟ ତାହା ଆଜି ପର୍ଯ୍ୟନ୍ତ ସମାଧାନ ହୋଇପାରି ନ ଥିବାରୁ ସାଧାରଣରେ ଅସନ୍ତୋଷ ଦେଖା ଦେଇଛି । ଏଥିରେ ମଣ୍ଡଳ ଉନ୍ନୟନ ଅଧିକାରୀ ଶ୍ରୀ ସାହୁଙ୍କୁ ପଚାରିବାରୁ ଘଟଣା ସମ୍ପର୍କରେ ଅବଗତ ନାହାନ୍ତି ବୋଲି କହିଛନ୍ତି ।