ଓଡିଶା ଜନ କଲ୍ୟାଣ ସଙ୍ଗଠନ ପକ୍ଷରୁ କର୍କଟ ରୋଗୀ ଙ୍କୁ ସହାୟତା ପ୍ରଦାନ 

ମାନବ ସେବା ହିଁ ମାଧବ ସେବା  

୦୯ ଅଗଷ୍ଟ,୨୦୨୪ (ଓଡ଼ିଶା ତାଜା ନ୍ୟୁଜ୍ )  ଗୋପ :-> ପୁରୀ ଜିଲ୍ଲାର ଗୋପ ବ୍ଲକ ଅନ୍ତର୍ଗତ ଗଣେଶ୍ୱରପୁର ପଞ୍ଚାୟତ ର ସୁବର୍ଣ୍ଣପୁର ନିକଟବର୍ତ୍ତୀ କୋଶିଙ୍ଗା ଗ୍ରାମର ୫୬ ବର୍ଷୀୟ ଭଗବାନ ଦହଡ଼ ଦୀର୍ଘ ଦିନ ହେବ କର୍କଟ ରୋଗରେ ପୀଡ଼ିତ ହେଇ ଚିକିତ୍ସିତ ହେଉଛନ୍ତି I ସରକାରୀ ସହାୟତା ତାଙ୍କ ପାଇଁ ସତସପନ ହେତୁ ଚିକିତ୍ସା ପାଇଁ ଅର୍ଥ ବାଧକ ସାଜିଥିଲା l ତାଙ୍କ ପତ୍ନୀ ରୀନା ଦହଡ଼ କୌଣସି ସୂତ୍ରରୁ ଖବର ପାଇଁ ଓଡିଶା ଜନ କଲ୍ୟାଣ ସଙ୍ଗଠନ ସହିତ ଯୋଗାଯୋଗ କରିଥିଲେ I ସଙ୍ଗଠନ ତରଫରୁ ସଭାପତି ସୁଶାନ୍ତ ବେହେରା ଏବଂ ସମ୍ପାଦକ ପ୍ରତ୍ୟୁଷ ବିଶ୍ୱାଳ ଭଗବାନ ଙ୍କ ଘରକୁ ଯାଇ ସମ୍ପୂର୍ଣ ତଥ୍ୟ ବୁଝିଥିଲେ l

ଆଜି ଭଗବାନ ଦହଡ଼ ଙ୍କ ପତ୍ନୀ ରୀନା ଦହଡ଼ ଙ୍କୁ ଓଡିଶା ଜନ କଲ୍ୟାଣ ସଙ୍ଗଠନ ର ଗୋପ କଲେଜ ପାଖରେ ଥିବା ଜିଲ୍ଲା କାର୍ଯ୍ୟାଳୟ ଠାରେ ଆର୍ଥିକ ସହାୟତା ରାଶି ପ୍ରଦାନ କରାଯାଇଥିଲା I ସଙ୍ଗଠନର ସଦସ୍ୟ ରଞ୍ଜନ କୁମାର ସାହୁ ସଙ୍ଗଠନ ଏକ ଚେକ ମାଧ୍ୟମରେ ପାଞ୍ଚ ହଜାର ଟଙ୍କା ର ସହଯୋଗ କରିଥିଲେ I ସଙ୍ଗଠନର ସହ ସମ୍ପାଦକ ମୃତ୍ୟୁଞ୍ଜୟ ପାଢ଼ୀ, ସଦସ୍ୟ ଭୀମସେନ ବାରିକ ଏବଂ ମହିଳା ଶାଖା ର ସଦସ୍ୟା ସସ୍ମିତା ପଶ୍ଚିମକବାଟ ଜିଲ୍ଲା କାର୍ଯ୍ୟଳୟ ରେ ଉପସ୍ଥିତ ରହି ଏହି ସହାୟତା ତାଙ୍କ ସ୍ତ୍ରୀ ଙ୍କୁ ପ୍ରଦାନ କରିଥିଲେ I ଏହିଭଳି ଅନେକ ଗରିବ ଓ ନିରାଶ୍ରୟ ଏବଂ ଆର୍ଥିକ ଅନାଟନ ଶ୍ରେଣୀର ବ୍ୟକ୍ତି ବିଶେଷ ଙ୍କୁ ଉକ୍ତ ସଂଗଠନ ସହାୟତା ର ହାତ ବଡଇଥାଏ l ମାନବ ସେବା ହିଁ ମାଧବ ସେବା ବୋଲି ସଂଗଠନ ର କର୍ମକର୍ତ୍ତା ଭୀମସେନ ବାରିକ କହିଥିଲେ l ଆଗାମୀ ଦିନରେ ଭଗବାନ ଦହଡ଼ ଙ୍କ ଉତ୍ତମ ଚିକିତ୍ସା ପାଇଁ ସବୁ ପ୍ରକାର ସହଯୋଗ କରାଯିବ ବୋଲି ସଙ୍ଗଠନ ର ମୁଖ୍ୟ ପରାମର୍ଶଦାତ୍ତା ସମୀର କୁମାର ସ୍ୱାଇଁ କହିଛନ୍ତି I