ରାଜ୍ୟର ଚାଞ୍ଚଲ୍ୟକର ପିଲା ବିକ୍ରୀ ଘଟଣାର ୪ଦିନ ପରେ ନିଆଳିରୁ ଶିଶୁ ପୁତ୍ର ଉଦ୍ଧାର

୦୩ ଅଗଷ୍ଟ,୨୦୨୪ (ଓଡ଼ିଶା ତାଜା ନ୍ୟୁଜ୍ )  ନିଆଳି  :->  ସମଗ୍ର ରାଜ୍ୟରେ ନିଆଳିର ଅଢେଇ ବର୍ଷର ଶିଶୁ ପୁତ୍ରକୁ ତାର ନିଷ୍ଟୁର ବାପା ୫ହଜାର ଟଙ୍କାରେ ବିକ୍ରୀ କରିଥିବା ଚାଞ୍ଚଲ୍ୟକର ଘଟଣା, ଘଟିବାର ୪ଦିନ ପରେ ଆଜି ଶିଶୁ ପୁତ୍ରକୁ ଉଦ୍ଧାର କରାଯାଇଛି । ଆଜି ନିଆଳି ପୋଲିସ, ଜୀବନ ଜ୍ୟୋତି ଶିଶୁ ବିକାଶ ସଙ୍ଗଠନର ସଂପାଦକ ସୁଦାମ ସାମଲ ଏବଂ କଟକ ଜିଲ୍ଲା ଶିଶୁ ମଙ୍ଗଳ କମିଟିର ଅଧ୍ୟକ୍ଷ ପ୍ରମୋଦ କୁମାର ଆଚାର୍ଯ୍ୟ ପ୍ରମୁଖ ଦଳ ଆଜି ଖବର ପାଇ ଖୋର୍ଦ୍ଧା ଜିଲ୍ଲା ଅନ୍ତର୍ଗତ ବାଲିପାଟଣା ଥାନା ଅଞ୍ଚଳର ମଉକାସାହି ସ୍ଥିତ ବୁଧିକେଶ୍ୱର୍ ମନ୍ଦିର ଠାରୁ ଶିଶୁ ପୁତ୍ରକୁ ଉଦ୍ଧାର କରିଛନ୍ତି । ମନ୍ଦିର ଠାରେ ୨ଜଣ ଦଲାଲ ଶିଶୁ ପୁତ୍ରକୁ ଛାଡ଼ି କେଉଁ ଆଡେ ପଳାଇ ଥିଲେ । ଏହି ପିଲା ବିକ୍ରୀ ଘଟଣାରେ ମୁଖ୍ୟ ଦଲାଲ ସାଜିଥିବା ଖୋର୍ଦ୍ଧା ଜିଲ୍ଲା ମାଉକାସାହି ଗ୍ରାମର ଅନୁ ଭୋଇ ବୋଲି କୁହାଯାଉଛି ।

ତାଙ୍କୁ ତୁରନ୍ତ ଗିରଫ କରାଯିବ ବୋଲି ପୁଲିସ କହିଛି । ସୂଚନା ଅନୁସାରେ କଟକ ଜିଲ୍ଲା ନିଆଳି ଥାନା ଅନ୍ତର୍ଗତ ବଗିଚା ବସ୍ତି ମୁଣ୍ଡା ସାହି ବସ୍ତିର ସୁକାନ୍ତ ସିଂ ନିଜର ଅଢେ଼ଇ ବର୍ଷର ଶିଶୁ ପୁତ୍ରକୁ ୫ହଜାର ଟଙ୍କାର ବିକ୍ରୀ କରିଦେବା ବିଷୟ ନେ଼ଇ ଗଣ ମାଧ୍ୟମରେ ସୁକାନ୍ତ ସିଂ ସ୍ବୀକାର କରିବା ପରେ ଏ ନେଇ ବିଭିନ୍ନ ଗଣମାଧ୍ୟମରେ ଖବର ପ୍ରକାଶ ପାଇଥିଲା। ଏହି ଘଟଣା ସମ୍ପର୍କରେ କଟକ ଜିଲ୍ଲା ଶିଶୁ ମଙ୍ଗଳ କମିଟିର ଅଧ୍ୟକ୍ଷ ସମେତ ତଦନ୍ତକାରି ଦଳ ଶିଶୁ ପୁତ୍ର ବିକ୍ରୀ ହେବା ଘଟଣା ସତ୍ୟ ବୋଲି ଜାଣିବାକୁ ପାଇଥିଲେ । ସୁକାନ୍ତ ସିଂ ଘର ମୟୁରଭଂଜ ଜିଲ୍ଲାର ଦୁର୍ଗା ଦେବୀ ଅଞ୍ଚଳରେ , ସେ ଦୀର୍ଘ ବର୍ଷ ଧରି ନିଆଳି ବ୍ଲକର ମୁଣ୍ଡା ସାହି ବସ୍ତିରେ ରହିଆସୁଛନ୍ତି , ଗତ ୨ବର୍ଷ ତଳେ ସୁକାନ୍ତର ସ୍ତୀ ମୃତ୍ୟୁ ଘଟିଛି ।

ସୁକାନ୍ତର ୭ଟି ପିଲା ଅଛନ୍ତି ଏବଂ ଗତ କିଛି ଦିନ ତଳେ ନିଜର ମାଆଙ୍କର ମୃତ୍ୟୁ ଘଟିଥିଲା । ସୁକାନ୍ତ ସିଂ ନିଜର ଅଢେ଼ଇ ବର୍ଷର ଶିଶୁ ପୁତ୍ରକୁ ୫ହଜାର ଟଙ୍କାରେ ନିକଟବର୍ତ୍ତୀ ଅଞ୍ଚଳର ଏକ ଦଲାଲକୁ ବିକ୍ରୀ କରିଛି ବୋଲି ଗଣ ମାଧ୍ୟମ ଆଗରେ କହିଥିଲା । ଏହି ପିଲା ବିକ୍ରୀ ଘଟଣା ନିଆଳି ଅଞ୍ଚଳର ପ୍ରଥମ ବୋଲି କୁହାଯାଏ । ଏହାର ଉଚ୍ଚ ସ୍ତରୀୟ ତଦନ୍ତ କରାଗଲେ ଏହି ପିଲା ବିକ୍ରୀ ଘଟଣାର ରାକେଟରେ ଆଉ କେଉଁମାନେ ସଂପୃକ୍ତ ରହିଛନ୍ତି, ଏହି ପିଲା ବିକ୍ରୀ ଘଟଣାର ଏହା କଣ ରାଜ୍ୟ ବାହାରକୁ ଲମ୍ବି ନାହିଁତ ? ବୋଲି ଏବେ ବିଭିନ୍ନ ମହଲରେ ପ୍ରସନ୍ନବାଚୀ ସୃଷ୍ଟି କରିଛି ।ଏହି ଦଲାଲମାନେ କେତେ ନିରୀହ ଶିଶୁଙ୍କୁ ଚୋରାଇ ନେଇ ବାହାରେ ବିକ୍ରୀ କରିଛନ୍ତି ରାଜ୍ୟ ମୁଖ୍ୟ ମନ୍ତ୍ରୀ ଏଥି ପ୍ରତି ଦୃଷ୍ଟି ଦେଇ ଏହାର ଉଚ୍ଚ ସ୍ତରୀୟ ତଦନ୍ତ କରାଇଲେ,ଏହି ଘଟଣାର ସମସ୍ତ ତଥ୍ୟ ଜଣା ପଡ଼ିବା ସହ ବିଦେଶକୁ ଚୋରା ଚାଲାଣ କରାଯାଉଥିବା ନିରୀହ ଶିଶୁମାନଙ୍କର ଜୀବନ ରକ୍ଷା ପାଇବ ବୋଲି ବୁଦ୍ଧିଜିବୀ ତଥା ଅଞ୍ଚଳବାସୀ ଆଶା ବେକ୍ତ କରିଛନ୍ତି।