ନାଚୁଣୀ ମହାବିଦ୍ୟାଳୟ ରେ ପ୍ରବେଶ ଉତ୍ସବ

0୧ ଅଗଷ୍ଟ,୨୦୨୪ (ଓଡ଼ିଶା ତାଜା ନ୍ୟୁଜ୍ ) ଚିଲିକା :-> ଚଳିତ ଶିକ୍ଷା ଵର୍ଷ ପ୍ରାରମ୍ଭରେ ନାଚୁଣୀ ମହାବିଦ୍ୟାଳୟ ର ଯୁକ୍ତ ଦୁଇ କଳା ଓ ବିଜ୍ଞାନ ପ୍ରଥମ ବାର୍ଷିକ ଛାତ୍ରଛାତ୍ରୀମାନଙ୍କ ପାଇଁ ମହାବିଦ୍ୟାଳୟ ପରିସରରେ ପ୍ରବେଶ ଉତ୍ସବ ଅନୁଷ୍ଠିତ ହୋଇଯାଇଛି ।  ମହାବିଦ୍ୟାଳୟ ର ଅଧ୍ୟକ୍ଷ ପ୍ରଫେସର ରାଜକିଶୋର ସାହୁଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ଉତ୍ସବରେ ବିଶିଷ୍ଟ ଅତିଥି ଭାବେ ଉକ୍ତ ମହାବିଦ୍ୟାଳୟ ର ପ୍ରତିଷ୍ଠାତା ତଥା ପ୍ରାକ୍ତନ ବିଧାୟକ ଡାକ୍ତର ବିଭୂତି ଭୂଷଣ ହରିଚନ୍ଦନ, ପରିଚାଳନା ସଭାପତି ଅରୁଣ କୁମାର ଦାଶ ଯୋଗ ଦେଇ ନବାଗତ ଛାତ୍ରଛାତ୍ରୀଙ୍କୁ ମହାବିଦ୍ୟାଳୟ ର ମହାନ୍ ପରମ୍ପରା କୁ ବଜାୟ ରଖିବା ସହ ଅଧ୍ୟୟନଶୀଳ ହେବାକୁ ଉଦ୍ ଵୋଧନ ଦେଇଥିଲେ ।

ଏକାଡେମୀକ୍ ଅଧିକାରୀ ଅଧ୍ୟାପକ ବାଙ୍କନିଧି କହଲ ସିଂହ ଓ ଅଧ୍ୟାପକ ସନ୍ତୋଷ ଶତପଥୀ କାର୍ଯ୍ୟକ୍ରମ କୁ ସନ୍ ଯୋଜନା କରିଥିବା ବେଳେ ବରିଷ୍ଠ ଅଧ୍ୟାପିକା ସଂଘମିତ୍ରା ପଟ୍ଟନାୟକ, ଡଃ କବିତା ଦେବୀ, ଅଧ୍ୟାପକ ଗୋଲୋକ ବିହାରୀ ବାରିକ୍ ,ରୁଦ୍ରପ୍ରସାଦ ନରେନ୍ଦ୍ର ସିଂହ ବର୍ମା ପ୍ରବେଶ ଉତ୍ସବ ର ଲକ୍ଷ୍ୟ ଓ ଆଭିମୁଖ୍ୟ ସମ୍ପର୍କରେ ଛାତ୍ର ଛାତ୍ରୀ ମାନଙ୍କୁ ବକ୍ତବ୍ୟ ମାଧ୍ୟମରେ ଅବଗତ କରାଇଥିଲେ । ବରିଷ୍ଠ ଅଧ୍ୟାପିକା ଲୀଳା ନଦିଜା ଓ ଅଧ୍ୟାପିକା ମଞ୍ଜୁ ଲତା ଧନ୍ୟବାଦ ପ୍ରଦାନ କରିଥିଲେ ।