No Result
View All Result
ବଜେଟକୁ ଲୋକାଭିମୂଖି ଦର୍ଶାଇଲେ ବିଭିନ୍ନ ଶିଳ୍ପ ମହାସଂଘ
୨୩ ଜୁଲାଇ ,୨୦୨୪ (ଓଡ଼ିଶା ତାଜା ନ୍ୟୁଜ୍ ) ଭୁବନେଶ୍ୱର :-> ଆଜି କେନ୍ଦ୍ର ଅର୍ଥମନ୍ତ୍ରୀ, ଶ୍ରୀମତି ନିର୍ମଳା ସୀତାରମଣ ସଂସଦରେ ଚଳିତ ଆର୍ôଥକ ବର୍ଷ ୨୦୨୪-୨୫ର କେନ୍ଦ୍ରିୟ ବଜେଟ୍ ଉପସ୍ଥାପନ କରିଛନ୍ତି । ଯାହାକୁନେଇ ବିଭିନ୍ନ ଶିଳ୍ପ ମହାସଂଘର ରାଜ୍ୟ ଶାଖା ପକ୍ଷରୁ ଅନେକ ଉତ୍ସାହଜନକ ପ୍ରତିକ୍ରିୟା ଦେଖିବାକୁ ମିଳିଛି । ଏହି ପରିପ୍ରେକ୍ଷୀରେ ଆସୋଚାମ୍ ଓଡ଼ିଶା ଅଧ୍ୟକ୍ଷ, ଶ୍ରୀ ପଙ୍କଜ ଲୋଚନ ମହାନ୍ତି କେନ୍ଦ୍ରିୟ ବଜେଟ୍ ୨୦୨୪-୨୫ ସମ୍ପର୍କରେ ମତରଖି କହିଛନ୍ତିଯେ, ଚଳିତ ବର୍ଷର ବଜେଟ୍ ବାସ୍ତବରେ ଏକ ଲୋକାଭିମୁଖି ବଜେଟ୍ ଏବଂ ଏହା ଓଡ଼ିଶାର ବିକାଶରେ ବହୁଳ ମାତ୍ରାରେ ସହାୟକ ହୋଇପାରିବ ।
![](https://odishatazanews.com/wp-content/uploads/2024/07/ASSOCHAM-ODISHA-CHAIRMAN-Mr-PANKAJ-LOCHAN-MOHANTY-300x292.jpeg)
ଯାହାଦ୍ୱାରା ଓଡ଼ିଶା ଏକ ପ୍ରମୁଖ ଭାରତୀୟ ରାଜ୍ୟ ହେବାର ସମ୍ଭାବନା ରଖିଛି । ଆସୋଚାମ୍ ରାଜ୍ୟର ଶିଳ୍ପ ବିକାଶ ଓ ବୈଷୟିକ ବିପ୍ଳବ ଦୃଷ୍ଟିକୋଣରୁ ଏହା ଆଶାବ୍ୟକ୍ତ କରୁଛିବୋଲି ଶ୍ରୀଯୁକ୍ତ ମହାନ୍ତି ନିଜର ମତବ୍ୟକ୍ତ କରିଛନ୍ତି ।ମୋନାଲିସା ପଣ୍ଡା, ଉପାଧ୍ୟକ୍ଷ, ସିଆଇଆଇ ଆଇଡବ୍ଲ୍ୟୁଏନ ଓଡ଼ିଶାଙ୍କ ମତରେ, ଶ୍ରମ ଶକ୍ତିରେ ମହିଳାଙ୍କ ଅଂଶଗ୍ରହଣ ବୃଦ୍ଧି ଉପରେ ଗୁରୁତ୍ୱ ଦିଆଯାଉଛି କର୍ମଜୀବୀ ମହିଳା ହଷ୍ଟେଲ ଏବଂ କ୍ରେଚ୍ ତିଆରି କରିବା ଭଳି ସକ୍ଷମତା ଉପରେ ଗୁରୁତ୍ୱାରୋପ । ଏହା ବ୍ୟତୀତ ଇଜ ଅଫ୍ ଡୁଇଂ ବିଜନେସ୍ ଉପରେ ମଧ୍ୟ ଗୁରୁତ୍ୱ ଦିଆଯାଉଛି । ମହିଳାଙ୍କ ଭୂମିକାକୁ ବଢ଼ାଇବା ଏବଂ ସେମାନଙ୍କ ସ୍ଥିତିକୁ ଉନ୍ନତ କରିବା ପାଇଁ ମୁଦ୍ରା ଋଣ ବୃଦ୍ଧି କରାଯାଇଛି ।
![](https://odishatazanews.com/wp-content/uploads/2024/07/Pankaj-Satija-FICCI-Odisha-300x228.jpeg)
ସେହିପରି ଫିକି ଜାତୀୟ ଅଧ୍ୟକ୍ଷ, ଡ଼ଃ ଅନିଶ୍ ଶାହା କହିଛନ୍ତିଯେ, “ଫିକି ଏହି ସୁସଂଗଠିତ, ଅଭିବୃଦ୍ଧି ଭିତ୍ତିକ ବଜେଟକୁ ସ୍ୱାଗତ କରୁଛି । ଯେଉଁଥିରେ ଭିତ୍ତିଭୂମି, କ୍ୟାପେକ୍ସ ଏବଂ ଦକ୍ଷତା ମୂଳକ ପଦକ୍ଷେପ ମାଧ୍ୟମରେ ଦୀର୍ଘମିଆଦୀ ଅଭିବୃଦ୍ଧି ଉପରେ ଗୁରୁତ୍ୱ ଦିଆଯାଇଛି । ଆମେ ବିଶେଷ ଭାବରେ ସରଳୀକରଣ ଏବଂ ବ୍ୟବସାୟ କରିବାର ସହଜତା ଉପରେ ଗୁରୁତ୍ୱଦେଇ ଉତ୍ସାହିତ ଅଛୁ, ଯାହା ଆମର ‘ମେକ୍ ଇନ୍ ଇଣ୍ଡିଆ’ ଲକ୍ଷ୍ୟକୁ ପ୍ରୋତ୍ସାହିତ କରିବ । ଚଳିତ ବର୍ଷର ବଜେଟ ଫିକିର ବିକଶିତ ଭାରତ ଦୃଷ୍ଟିକୋଣ ସହ ସମ୍ପୂର୍ଣ୍ଣଭାବେ ଯୋଡ଼ିହୋଇ ଭାରତକୁ ଏକ ଶସ୍ତା ଉତ୍ପାଦନ ସ୍ଥଳରେ ପରିଣତ କରିବା ପାଇଁ ମଞ୍ଚ ପ୍ରସ୍ତୁତ କରିଛି । ଆମର ଦୀର୍ଘମିଆଦୀ ଅଭିବୃଦ୍ଧି ଲକ୍ଷ୍ୟ ଦିଗରେ ଏହା ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ।
![](https://odishatazanews.com/wp-content/uploads/2024/07/DR-ANISH-SHAH-FICCI-PRESIDENT-239x300.jpeg)
ଜେ ବି ପାଣି, ଅଧକ୍ଷ, ଆଇସିସି ଓଡ଼ିଶା ଶାଖା କହିଛନ୍ତି ଯେ, ଏହା ଏକ ଅତ୍ୟନ୍ତ ସନ୍ତୁଳିତ ବଜେଟ୍ ଯାହା ଓଡ଼ିଶା ଭଳି ରାଜ୍ୟର ସାମଗ୍ରିକ ଅର୍ଥନୈତିକ ଅଭିବୃଦ୍ଧିକୁ ତ୍ୱରାନ୍ୱିତ କରିବ । କୃଷି କ୍ଷେତ୍ର, ଡିଜିଟାଲାଇଜେସନ୍, ସ୍ୱଚ୍ଛତା ଏବଂ କୃଷକଙ୍କ ଆୟରେ ଉନ୍ନତି ଆଣିବା ଉପରେ ସରକାର ଗୁରୁତ୍ୱ ଦେଉଛନ୍ତି । ସେମାନେ ଋଣ ଏବଂ ଭିତ୍ତିଭୂମି ସହାୟତା ମାଧ୍ୟମରେ ଏମଏସଇପାଇଁ ପ୍ଲାଟଫର୍ମ ସୃଷ୍ଟି କରି ନିଯୁକ୍ତିକୁ ପ୍ରାଥମିକତା ଦେଉଛନ୍ତି । ଏହାବ୍ୟତୀତ ଉଦାରୀକରଣ ଏବଂ ନୂତନ ଉଦ୍ୟୋଗୀଙ୍କୁ ପୋଷଣ କରିବା ଉପରେ ଗୁରୁତ୍ୱ ଦେବା ଆଶାଜନକ । ମୁଦ୍ରାସ୍ଫୀତି କୁ ନିୟନ୍ତ୍ରଣ କରିବା ଏବଂ ଉପଲବ୍ଧ ସମ୍ବଳ ଏବଂ ଭିତ୍ତିଭୂମିକୁ ଅଧିକରୁ ଅଧିକ କରିବା । ଟିକସ ଦିଗରେ ବାଇବ୍ୟାକ୍ ଟିକସ ବୃଦ୍ଧି ଏବଂ ପୁଞ୍ଜି ଲାଭ ଢାଞ୍ଚାରେ ସଂଶୋଧନ ସମେତ ଅନେକ ପରିବର୍ତ୍ତନ କରାଯାଇଛି । ବିଦେଶୀ ଟିକସ ୪୦ ପ୍ରତିଶତରୁ ୩୫ ପ୍ରତିଶତକୁ ହ୍ରାସ କରିବା ଏକ ସକାରାତ୍ମକ ପଦକ୍ଷେ, ଯାହା ଦେଶର ସ୍ୱାଗତଯୋଗ୍ୟ ଆଭିମୁଖ୍ୟକୁ ଦର୍ଶାଉଛି ।
![](https://odishatazanews.com/wp-content/uploads/2024/07/Mr-J-B-Pany-Chairman-ICC-Odisha-State-Council-300x300.jpeg)
ଶ୍ରୀ ପଙ୍କଜ କୁମାର ସତୀଜା, ଫିକି ଓଡ଼ିଶା ରାଜ୍ୟ ପରିଷଦର ଅଧ୍ୟକ୍ଷ ଓ ଇଆଇସି- ଏଫ୍ଏଏମଡି, ଟାଟା ଷ୍ଟିଲ ଲିମିଟେଡ୍ଙ୍କ ମତରେ କେନ୍ଦ୍ର ବଜେଟ ୨୦୨୪-୨୫ରେ ଅଭିବୃଦ୍ଧି ଏବଂ ସ୍ଥିରତା ଉପରେ ଗୁରୁତ୍ୱ ଦିଆଯାଇଛି, ଯେଉଁଥିରେ ଦକ୍ଷତା ଏବଂ ନିଯୁକ୍ତି ସୃଷ୍ଟି, ଗୃହ ନିର୍ମାଣ ଏବଂ କୃଷି ପାଇଁ ଗୁରୁତ୍ୱପୂର୍ଣ୍ଣ ଆବଣ୍ଟନ କରାଯାଇଛି । ଅର୍ଥନୈତିକ ଅଭିବୃଦ୍ଧିକୁ ପ୍ରୋତ୍ସାହିତ କରିବା ଏବଂ ମଧ୍ୟବିତ୍ତବର୍ଗଙ୍କୁ କିଛି ଆଶ୍ୱସ୍ତି ଦେବା ସହିତ ନିବେଶକଙ୍କ ଆତ୍ମବିଶ୍ୱାସକୁ ସୁଦୃଢ଼ କରିବା ଉଦ୍ଦେଶ୍ୟରେ ଭିତ୍ତିଭୂମି ନିର୍ମାଣ ଏବଂ ଏମଏସଏମଇଗୁଡ଼ିକୁ ସହାୟତା ଉପରେ ବଜେଟରେ ଗୁରୁତ୍ୱ ଦିଆଯାଇଛି । ମୋଟାମୋଟି ଭାବେ ଏହା ସମସ୍ତଙ୍କ ପାଇଁ ଏକ ପ୍ରଭାବଶାଳୀ ବଜେଟ୍ ।
![](https://odishatazanews.com/wp-content/uploads/2024/03/Odish-Tazanews-Ripotars-21-193x300.jpg)
No Result
View All Result