<h4><img class="alignnone wp-image-146267" src="https://odishatazanews.com/wp-content/uploads/2024/06/odisha-tazanews-i-1-log-300x54.jpg" alt="" width="800" height="144" /><span style="color: #ff0000;"><em><strong>୨୩ </strong><strong>ଜୁଲାଇ ,୨୦୨୪ (ଓଡ଼ିଶା ତାଜା ନ୍ୟୁଜ୍ ) </strong></em></span><strong><span style="color: #ff0000;"><em>ପୁରୀ :-></em></span> ଗାଁ ପରିମଳ ଧୋବା ତୁଠରୁ । ଜିଲ୍ଲା ପରିମଳ ଜିଲ୍ଲାପାଳଙ୍କ କାର୍ଯ୍ଯାଳୟ ପରିସରରୁ ଜଣାପଡୁଛି । ସୋମବାର ଓ ମଙ୍ଗଳବାର ଦୁଇଦିନ ଲାଗି ରହିଛି । କଚେରି ବିଦ୍ୟୁତ କାର୍ଯ୍ଯାଳୟ ଠାରୁ ଓକିଲ ସଂଘ କାର୍ଯ୍ଯାଳୟ ପର୍ଯ୍ୟନ୍ତ ପ୍ରାୟ ପାଞ୍ଚ ଶହ ଫୁଟ ରାସ୍ତା ଜଳମଗ୍ନ ହୋଇଯାଉଛି । ଡ୍ରେନରେ ପାଣି ନିଷ୍କାସନ ସୁବିଧା ନଥିବାରୁ ପାଣି ଲହଡି ଉପଜିଲ୍ଲାପାଳଙ୍କ କାର୍ଯ୍ୟାଳୟ ନିକଟରେ ଥିବା ଡ୍ରେନରେ ପଡୁଛି । ସେହିପରି ହତା ମଧ୍ଯରେ ଥିବା ଦୁଇଟି ଜଳ ସଂରକ୍ଷଣ ଟାଙ୍କି ନିର୍ମାଣ ହୋଇଥିଲେ ମଧ୍ଯ ଜାଲିରେ ପଲିଥିନ ଲାଗିବା ଯୋଗୁ ପାଣି ଯାଉନାହିଁ ।</strong></h4> <img class="alignnone wp-image-149418" src="https://odishatazanews.com/wp-content/uploads/2024/07/PURI1-2-300x135.jpg" alt="" width="782" height="352" /> <h4><strong>ଚଟଣି ଭୋଜନାଳୟ ନିକଟକୁ ଯାଉଥିବା ଭିନ୍ନକ୍ଷମ ମହିଳା ମାନେ ଘୋର ଅସୁବିଧାର ସମ୍ମୁଖୀନ ହେଉଛନ୍ତି । ଜଳ ସଂରକ୍ଷଣ ଟାଙ୍କି ନିକଟରେ ଅନାବନା ଗଛ ଓ ଘାସ ଥିବାରୁ ଦିନରେ ମାଛି ଓ ରାତିରେ ମଶା ହେଉଛନ୍ତି । ଏନଆଇସି କାର୍ଯ୍ୟାଳୟ ଗେଟ ନିକଟରେ ୨୦ଟି ଓସ୍ତଗଛ ଓ ୩ଫୁଟିଆ ଘାସ ବୁଦା ଆକାରରେ ରହିଛି । ଅନ୍ଯପଟେ ବେଲ ଗଛ ଉଠିଥିବାରୁ ବେଲଗଛ କଣ୍ଟା ଲାଗି ମହିଳାମାନଙ୍କ ଶାଢୀ ଚିରି ଯାଉଥିବା ଅଭିଯୋଗ ହେଉଛି ।</strong></h4> <img class="alignnone wp-image-149419" src="https://odishatazanews.com/wp-content/uploads/2024/07/PURI2-2-300x135.jpg" alt="" width="780" height="351" /> <h4><strong>ପରିମଳ କର୍ମଚାରୀ ଅଳ୍ପ ଟିକିଏ ସଫା କରି ପଳାଉଥିବା ଅଭିଯୋଗ ହେଉଛି । ସେହିପରି ପୁରୁଣା ଲଜିଂହାଉସ ଫଣ୍ଡ କାନ୍ଥକୁ ଲାଗି ଅଳିଆ ଆବର୍ଜନା ଗଦା ହୋଇ ସରୀସୃପଙ୍କ ବାସସ୍ଥଳୀ ପାଲଟିଛି । କିଛି ମାସ ତଳେ ଗୋଟିଏ ଢାମଣା ସାପ ମୋହରିର ଖାନା ଭିତରେ ପସି ଯାଇଥିଲା । ପ୍ରତିଦିନ ଜିଲ୍ଲାପାଳଙ୍କ କର୍ମଚାରୀ, ଶହ ଶହ ଆଇନଜୀବୀ, ମୋହରିର ଓ ଦୈନିକ କାର୍ଯ୍ଯାଳୟକୁ ଆସୁଥିବା ଲୋକମାନେ ପ୍ଯାଣ୍ଟ ଓ ଲୁଗା ଉପରକୁ ଧରି ଯାଆସ କରୁଥିବା ଦେଖିବାକୁ ମିଳୁଛି । ତୁରନ୍ତ ଏହି ସବୁ ସମସ୍ଯାର ସମାଧାନ କରିବାକୁ ବୁଦ୍ଧିଜୀବୀ ମହଲରେ ଦାବି ହେଉଛି ।</strong><img class="alignnone wp-image-140435" src="https://odishatazanews.com/wp-content/uploads/2024/04/Odisha-Tazanews-puribijay-ku-mishra-1-194x300.jpg" alt="" width="789" height="1220" /><img class="alignnone wp-image-149018" src="https://odishatazanews.com/wp-content/uploads/2024/07/odishatazanews-bbsr-4-300x187-300x187.jpg" alt="" width="773" height="482" /></h4>