ସାଇକେଲ୍ ରେ ଅଯୋଧ୍ୟା ଯାତ୍ରା କଲେ ବାସୁଦେବ

୨୨  ଜୁଲାଇ ,୨୦୨୪ (ଓଡ଼ିଶା ତାଜା ନ୍ୟୁଜ୍ ) ନିମାପଡ଼ା :->  ପୁରୀ ଜିଲ୍ଲା ନିମାପଡ଼ା ବ୍ଲକ୍ ଅନ୍ତର୍ଗତ ଧନୁଆ ପଞ୍ଚାୟତ ଗରପଦା ଗ୍ରାମର ବାସୁଦେବ ପ୍ରଧାନ ଆଜି ପୁରୀ ରୁ ଅଯୋଧ୍ୟା ଯାତ୍ରା କରିଛନ୍ତି ସାଇକେଲ୍ ମାଧ୍ୟମରେ।ଆଜି ଭୋର୍ ୫ଟାରେ ପୁରୀ ଯାଇ ପ୍ରଭୁ ଜଗନ୍ନାଥଙ୍କୁ ଦର୍ଶନ କରିବା ସହିତ ପୁରୀ ରୁ ଅଯୋଧ୍ୟା ଯାତ୍ରା କରିଛନ୍ତି।ସେ ପ୍ରଭୁ ରାମଙ୍କର ଜଣେ ଭକ୍ତ ହୋଇଥିବାରୁ ସେ ଅଯୋଧ୍ୟା ଯାତ୍ରା କରି ପ୍ରଭୁ ରାମଙ୍କର ଦର୍ଶନ କରିବାକୁ ଇଚ୍ଛା କରିଥିଲେ ସେହି ଇଛା ଆଜି ପୁରଣ କରିଛନ୍ତି ପ୍ରଭୁ ରାମ ।

ସେ କହିଛନ୍ତି ମୁଁ ସାଇକେଲ୍ ରେ ଯାତ୍ରା କରୁଛି ଏଥିପାଇଁ କି, କଷ୍ଟ କରି ଗଲେ ମୋ ପ୍ରଭୁ ମୋତେ ଦର୍ଶନ ଦେବେ ସେଥିପାଇଁ ମୁଁ କୈାଣସି ସହଜ ପନ୍ଥା ନ ଆପଣାଇ ଏଭଳି ସାଇକେଲ୍ ରେ ଯାତ୍ରା କରିବାପାଇଁ ଚାହିଁଲି ଏବଂ ସେ କହିଛନ୍ତି ମୁଁ ପ୍ରଥମେ ଦର୍ଶନ କରି ବୀଶ୍ବକଲ୍ୟାଣ ନିମନ୍ତେ ପ୍ରାର୍ଥନା କରିବି। ଏଭଳି ନିଆରା ପ୍ରୟାସ କରିବାରେ ଏବଂ ଅଯୋଧ୍ୟା ଯିବାରେ ଏ ଅଞ୍ଚଳର ପ୍ରଥମ ଯୁବକ ହେଉଛନ୍ତି ବାସୁଦେବ, ତେଣୁ ସମସ୍ତ ସାଙ୍ଗସାଥୀ, ପରିଜନ ଓ ଗ୍ରାମବାସୀ ବେଶ୍ ଆନନ୍ଦିତ ଏବଂ ଗର୍ବିତ ବାସୁଦେବଙ୍କର ଏଭଳି ପ୍ରୟାସ କୁ ଦେଖି l