ବିଶ୍ୱ ଯୁବ ଦକ୍ଷତା ଦିବସ ଉପଲକ୍ଷେ ଜିଲ୍ଲା ଦକ୍ଷତା ବିକାଶ କେନ୍ଦ୍ର ଲୋକାର୍ପିତ

୧୬ ଜୁଲାଇ ,୨୦୨୪ (ଓଡ଼ିଶା ତାଜା ନ୍ୟୁଜ୍ ) କଳାହାଣ୍ଡି :-> ଜିଲ୍ଲା ଦକ୍ଷତା ବିକାଶ କେନ୍ଦ୍ର, କଳାହାଣ୍ଡିର ଲୋକାର୍ପଣ ମାନ୍ୟବର ମୁଖ୍ୟମନ୍ତ୍ରୀ ଶ୍ରୀଯୁକ୍ତ ମୋହନ ଚରଣ ମାଝୀଙ୍କ କର କମଳରେ ଆଭାସୀ ମାଧ୍ୟମରେ ଉଦଘାଟିତ ହୋଇ ଯାଇଛି।ଉକ୍ତ କେନ୍ଦ୍ରରେ ଚଳିତ ଆର୍ଥିକ ବର୍ଷ ରେ ୫୦୦ ପିଲାଙ୍କୁ ତାଲିମ ପ୍ରଦାନ ସହ ନିଯୁକ୍ତି ପ୍ରଦାନ କରାଯିବା ପାଇଁ ଲକ୍ଷ ଧାର୍ଯ୍ୟ କରାଯାଇଛି । ଭୁବନେଶ୍ୱରର ବିଶ୍ୱ ଦକ୍ଷତା କେନ୍ଦ୍ର ଠାରେ ମାନ୍ୟବର ମୁଖ୍ୟମନ୍ତ୍ରୀଙ୍କ ଦ୍ୱାରା କୌଶଳ ଭବନ, ମୁଖ୍ୟମନ୍ତ୍ରୀ ଦକ୍ଷତା ଫେଲୋସିପ, ମୁଖ୍ୟମନ୍ତ୍ରୀ ଆସପାଇରେ ଆଦି କାର୍ଯ୍ୟକ୍ରମର ଲୋକାର୍ପଣ କରାଯାଇଛି।ଉକ୍ତ କାର୍ଯ୍ୟକ୍ରମ ରେ ମାନ୍ୟବର ମନ୍ତ୍ରୀ ଦକ୍ଷତା ବିକାଶ ଏବଂ ବୈଷୟିକ ଶିକ୍ଷା ବିଭାଗ ଶ୍ରୀଯୁକ୍ତ ସମ୍ପଦ ଚରଣ ସ୍ୱାଇଁ, ଦକ୍ଷତା ବିକାଶ ଏବଂ ବୈଷୟିକ ଶିକ୍ଷା ବିଭାଗର ପ୍ରମୁଖ ଶାସନ ସଚିବ ଶ୍ରୀମତୀ ଉଷା ପାଢୀ, ଦକ୍ଷତା ବିକାଶ ଏବଂ ନିୟୋଜନ ନିର୍ଦେଶିକା ଶ୍ରୀମତୀ ରଶ୍ମିତା ପଣ୍ଡା ଆଦି ଯୋଗଦାନ କରି ଶିକ୍ଷାର୍ଥୀ ମାନଙ୍କୁ ଉତ୍ସାହିତ କରିଥିଲେ ।

କଳାହାଣ୍ଡିରେ ଏହି କାର୍ଯ୍ୟକ୍ରମ ରେ ମାନ୍ୟବର ସାଂସଦ କଳାହାଣ୍ଡି ଶ୍ରୀମତୀ ମାଳବିକା ଦେବୀ ଯୋଗ ଦେଇ ଜିଲ୍ଲା ତରଫରୁ ମାନ୍ୟବର ମୁଖ୍ୟମନ୍ତ୍ରୀ ଙ୍କୁ ଧନ୍ୟବାଦ ଏବଂ କୃତଜ୍ଞତା ଜ୍ଞାପନ କରିଥିଲେ। ଉକ୍ତ କାର୍ଯ୍ୟକ୍ରମରେ ଜିଲ୍ଲାପାଳ ପି ଅନ୍ଵେଷା ରେଡ୍ଡି, ଜିଲ୍ଲା ଦକ୍ଷତା ବିକାଶ ତଥା ନିୟୋଜନ ଅଧିକାରୀ ଅଜିତ କୁମାର ଉତ୍ତରାୟ ଯୋଗଦାନ କରିଥିଲେ। ଉଦ୍ଘାଟନ ପରେ ବିଭିନ୍ନ ଦକ୍ଷତା ତାଲିମ କେନ୍ଦ୍ରର ଶିକ୍ଷାର୍ଥୀ ମାନଙ୍କ ସହ ମାନ୍ୟବର ସାଂସଦ ଓ ଜିଲ୍ଲାପାଳ ମତ ବିନିମୟ କରିଥିଲେ ଓ ବିଭିନ୍ନ ଦକ୍ଷତା ପ୍ରତିଯୋଗିତାରେ ଉତ୍କର୍ଷ ପ୍ରତିପାଦନ କରିଥିବା ଶିକ୍ଷାର୍ଥୀ ମାନଙ୍କୁ ପୁରସ୍କାର ପ୍ରଦାନ କରିଥିଲେ।ଏହି କାର୍ଯ୍ୟକ୍ରମରେ ଜିଲ୍ଲାରେ ଥିବା ଶାହୀ ଏକ୍ସପୋର୍ଟ, ସିଟିଟିସି
,ବେଦାନ୍ତ ସ୍କିଲ କେନ୍ଦ୍ର , ଜନ ଶିକ୍ଷଣ ସଂସ୍ଥାନ, ଡିଏଟିଏପିଆରଓ ଆଦି ତାଲିମ ପ୍ରଦାନକାରୀ ସଂସ୍ଥା ଯୋଗ ଦେଇଥିଲେ।

ସରକାରୀ ପଲିଟେକ୍ନିକର ଅଧ୍ୟକ୍ଷ ଶ୍ରୀ ଅମୁଲ୍ୟ ପଣ୍ଡା, ଶ୍ରୀ ଜ୍ଞାନ ରଞ୍ଜନ ମିଶ୍ର, ସରକାରୀ ଆଇ ଟି ଆଇ ଭବାନୀପାଟଣା ର ଅଧ୍ୟକ୍ଷ ଶିବ ପ୍ରସାଦ ସାମନ୍ତରାୟ , ସିଟିଟିସିରୁ ଶ୍ରୀ ଜୀବନ ଜ୍ୟୋତି ଓଝା, ଶାହୀ ଏକ୍ସପୋର୍ଟରୁ ଶ୍ରୀ ପ୍ରଶାନ୍ତ ପାଣିଗ୍ରାହୀ, ଶ୍ରୀ ସୁବାସ ନାୟକ , ବେଦାନ୍ତ ତାଲିମ କେନ୍ଦ୍ର ରୁ ତ୍ରୈଲୋକ୍ୟ ମହାପାତ୍ର , ଜନ ଶିକ୍ଷଣ ସଂସ୍ଥାନର ନିର୍ଦେଶକ ଶ୍ରୀ ସୁବ୍ରତ ତ୍ରିପାଠୀ, ଡିଏଟିଏପିଆରଓ ରୁ ଶ୍ରୀ ପ୍ରଭାତ ଚନ୍ଦ୍ର ଗୁପ୍ତା, ଗୁଣନିଧି ଦୁର୍ଗା ଆଦି ଯୋଗ ଦେଇଥିଲେ।ଅତିରିକ୍ତ ଜିଲ୍ଲା ମଙ୍ଗଳ ଅଧିକାରୀ ଶ୍ରୀ ମହାପ୍ରସାଦ ଦାସ, ଦକ୍ଷତା ବିକାଶ ଅଧିକାରୀ ଶ୍ରୀ ସୁବିଦିତ ସାମନ୍ତରାୟ, ଜିଲ୍ଲା ଦକ୍ଷତା ବିକାଶ କାର୍ଯ୍ୟାଳୟର ଶ୍ରୀ ଲୋକନାଥ ପଟେଲ, ସୁବ୍ରତ ମେହେର, ବିପ୍ଳବ ମାଝୀ , ଜଗବନ୍ଧୁ ରଣା, ଧନେଶ୍ୱର ଶବର, ମନୋଜ କୁମାର ବଗର୍ତି ଆଦି କାର୍ଯ୍ୟକ୍ରମ ପରିଚାଳନା ରେ ସହାୟତା କରିଥିଲେ।ଏହି ସମାରୋହରେ ୨୫୦ ରୁ ଉର୍ଦ୍ଧ ଶିକ୍ଷାର୍ଥୀ ଯୋଗଦାନ କରିଥିଲେ ।