୦୪ ଜୁଲାଇ ,୨୦୨୪ (ଓଡ଼ିଶା ତାଜା ନ୍ୟୁଜ୍ ) ହିଞ୍ଜିଳିକାଟୁ :-> ଗତ କିଛି ବର୍ଷ ଧରି ଓଡ଼ିଶା ବହୁ ପ୍ରାକୃତିକ ବିପର୍ଯ୍ୟୟର ସମ୍ମୁଖୀନ ହୋଇଥିବା ଦେଖାଯାଇଛି।ସମ୍ଭାବ୍ୟ ବାତ୍ୟା ଓ ବନ୍ୟା ଆଦି ପ୍ରାକୃତିକ ବିପର୍ଯ୍ୟୟ ପରିଚାଳନା ସକାଶେ ଗୁରୁବାର ହିଞ୍ଜିଳିକାଟୁ ବ୍ଲକ ରାଳବ ପଞ୍ଚାୟତର ଆଲପୁର ସ୍ଥିତ ଋଷିକୁଲ୍ୟା ନଦୀ ପଠାରେ ବନ୍ୟାଜଳରୁ ପୀଡ଼ିତଙ୍କୁ ଉଦ୍ଧାର କରିବା ପାଇଁ ଏକ ସାମୁହିକ ଅଭ୍ୟାସ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଆଲପୂର ସ୍ଥିତ ବହୁମୁଖୀ ବନ୍ୟା ଆଶ୍ରୟସ୍ଥଳୀ ପରିସରରେ ସରପଞ୍ଚ ରଶ୍ମିତା ପ୍ରଧାନ ଅଧ୍ୟକ୍ଷତାରେ ଆୟୋଜିତ ବୈଠକରେ ମୂଖ୍ୟ ଅତିଥି ଭାବେ ଅତିରିକ୍ତ ଜିଲ୍ଲାପାଳ (ଜରୁରୀ) ସୁଧାଂଶୁ ଶେଖର ଭୋଇ ଏଵଂ ସମ୍ମାନିତ ଅତିଥି ଭାବେ ସଭ୍ୟା ରୀନା ପୋଲେଇ,
ଡେପୁଟି କଲେକ୍ଟର ଆୟୁଶି ପତି, କଟକ ମୁଣ୍ଡୁଳି ସ୍ଥିତ ଜାତୀୟ ବିପର୍ଯ୍ୟୟ ଉଦ୍ଧାରକାରୀ ବଳର ଡେପୁଟି କମାଣ୍ଡାଣ୍ଟ କହ୍ନେୟା ଯୋଗୀ ଓ ସହକାରୀ କମାଣ୍ଡାଣ୍ଟ କୌଶଳ ଯାଦବ,ଜିଲ୍ଲା କାର୍ଯ୍ୟକ୍ରମ ଅଧିକାରୀ ଦେବେନ୍ଦ୍ର ନାୟକ, ତହସିଲଦାର ଭିକାରୀ ସାହୁ,ଗୋଷ୍ଠୀ ଉନ୍ନୟନ ଅଧିକାରୀ ଦିବ୍ୟଜ୍ୟୋତି ସ୍ମୁତି ରଞ୍ଜନ ଦେଓ, ଵେଲଗାଁ ଭାରପ୍ରାପ୍ତ ଥାନା ଅଧିକାରୀ ସ୍ମିତାଞ୍ଜଳୀ ପ୍ରଧାନ, ହିଞ୍ଜିଳି ଅତିରିକ୍ତ ଥାନା ଅଧିକାରୀ ପଦ୍ମ ଲୋଚନ ଭଟ୍ଟ, ଅତିରିକ୍ତ ଗୋଷ୍ଠୀ ଉନ୍ନୟନ ଅଧିକାରୀ ଅରୁଣ କୁମାର ପ୍ରଧାନ, ଅଗ୍ନିଶମ ବିଭାଗ କେନ୍ଦ୍ରୀୟ ଅଧିକାରୀ ବାଗାରାଇ ମୂର୍ମୂ ଓ ଶିଶୁ ବିକାଶ ପ୍ରକଳ୍ପ ଅଧିକାରୀ ଗାଙ୍ଗୀ ସୁବୁଦ୍ଧି ପ୍ରମୁଖ ଉପସ୍ଥିତ ଥିଲେ ।
ଏହି ଅବସରରେ ଅତିଥି ମାନେ ସମ୍ଭାବ୍ୟ ବାତ୍ୟା ଓ ବନ୍ୟା ଆଦି ପ୍ରାକୃତିକ ବିପର୍ଯ୍ୟୟ ସୂଚନା ପୁର୍ବରୁ ବିଭିନ୍ନ ଯନ୍ତ୍ରାଂଶ ଓ ଉପକରଣ ବ୍ଯବହାର କରି ତତ୍କାଳ କିପରି ଧନ ଜୀବନ ସୁରକ୍ଷିତ ହୋଇ ପାରିବ ସେ ସଂପର୍କରେ ପରାମର୍ଶ ଦେଇଥିଲେ । ପରେ ଜାତୀୟ ବିପର୍ଯ୍ୟୟ ଉଦ୍ଧାରକାରୀ ବଳର ୩୦ଜଣିଆ ଟିମ ଋଷିକୁଲ୍ୟା ନଦୀ ଜଳ ମଧ୍ୟରେ ରହି ବନ୍ୟା ସମୟରେ ପୀଡ଼ିତଙ୍କୁ କିପରି ସୁରକ୍ଷିତ ଭାବେ ଉଦ୍ଧାର କରିହେବ ସେ ସଂପର୍କରେ ସେମାନେ ବିଭିନ୍ନ ଉପକରଣ ମାଧ୍ୟମରେ ସାମୁହିକ ଅଭ୍ୟାସ କୌଶଳ ପ୍ରଦର୍ଶନ କରିଥିଲେ । କାର୍ଯ୍ୟକ୍ରମରେ ବିପିଏମ୍ କଳ୍ପତରୁ ବେହେରା, ପଞ୍ଚାୟତ ନିର୍ବାହୀ ଅଧିକାରୀ ସୁଶାନ୍ତ କୁମାର ପାତ୍ର, ସମ୍ପର୍କ ସ୍ବେଛାସେବୀ ସଂସ୍ଥାର ସମ୍ପାଦକ ଅରୁଣ କୁମାର ପଟ୍ଟନାୟକ,ଶକ୍ତି,କୃଷି,ପଶୁ ସମ୍ପଦ ଆଦି ବିଭାଗୀୟ ଅଧିକାରୀଙ୍କ ସମେତ ଏମବିକେ, ସିଆରପି, ଅଙ୍ଗନବାଡ଼ି କର୍ମୀ, ସ୍ବେଛାସେବୀ ଓ ଗ୍ରାମବାସୀ ମାନେ ଉପସ୍ଥିତ ଥିଲେ ।
