ଭୁବନେଶ୍ୱର (ଓଡିଶା ତାଜା ନ୍ୟୁଜ ) ନି.ପ୍ର :- ରାଜ୍ୟର ଜନ ସାଧାରଣ, ଅଭିଭାବକ ମାନେ ଭାବିଥିଲେ ଡବଲ ଇଞ୍ଜିନ ସରକାର ଶିକ୍ଷାରେ ବ୍ୟାପକ ପରିବର୍ତ୍ତନ କରିବେ ହେଲେ ଫଳ ଓଲଟା । ଶିକ୍ଷା ବିକାଶ ଦିଗରେ ଯିବ କଣ ବିନାଶ ଦିଗରେ ଯାଉଛି । ଯେଉଁ ରାଜ୍ୟର ଶିକ୍ଷା ଯେତେ ସମୃଦ୍ଧ ସେହି ରାଜ୍ୟ ସେତେ ଉନ୍ନତ । ଶିକ୍ଷାର ବିକାଶ,ଗୁଣାତ୍ମକ ଶିକ୍ଷା ଯେଉଁ ରାଜ୍ୟରେ ହେବା ପାଇଁ ସରକାର ଆନ୍ତରିକତା ଅଭାବ ରହିଛି ସେହି ରାଜ୍ୟ ବିକାଶ ର ତାଲିକାରେ ଦେଶରେ ତଳ ସ୍ତରରୁ ଏକ ନଂ ହେଉଛି ।
ଏଠି ପ୍ରଶ୍ନ ଉଠୁଛି ଗୁଣାତ୍ମକ ଶିକ୍ଷା ଚାଲିଛି କହିଲେ ହେବ ନାହିଁ ସେଥିପାଇଁ ଶତପ୍ରତିଶତ କାର୍ଯ୍ୟ ହେବା ମଧ୍ୟ ନିହାତି ଆବଶ୍ୟକ । ରାଜ୍ୟରେ ଚାଲିଛି ଡବଲ ଇଞ୍ଜିନ ସରକାର । ସରକାର ଗୁଣାତ୍ମକ ଶିକ୍ଷା ଦେଉଛନ୍ତି ବୋଲି ଡିଣ୍ଡିମ ପିଟୁଥିବା ବେଳେ କିନ୍ତୁ କାର୍ଯ୍ୟ ପୁରା ଓଲଟା।ଯାହାକି ନୟାଗଡ ଜିଲ୍ଲା ରେ ଦେଖିବାକୁ ମିଳିଛି ।
ନୟାଗଡ ଜିଲ୍ଲା ରେ Level-iv ରେ ପୋଷ୍ଟ ଖାଲିପଡ଼ିଛି ୯୨,କିନ୍ତୁ ବିଚିତ୍ର କଥା ଶିକ୍ଷକ ପଦୋନ୍ନତି ୪୫ ଜଣ ପାଇଥିବା ଜଣା ପଡ଼ିଛି । ତେବେ କାହିଁକି ଏଭଳି ବିଚିତ୍ର ବ୍ୟବସ୍ଥା । ଏହା ଶିକ୍ଷକ ମାନଙ୍କୁ ନିରୁତ୍ସାହିତ କରିବନି କି..? ପ୍ରଶ୍ନ ଉଠୁଛି ୯୨ ଜଣ ପଦୋନ୍ନତି ପାଇବାକୁ ଥିବା ବେଳେ ୪୫ ଜଣଙ୍କୁ କାହିଁକି..? ଏହା କଣ ଡବଲ ଇଞ୍ଜିନ ସରକାର ର ସଫଳତା ।
ପାଠ୍ୟ ପୁସ୍ତକ ,ଶିକ୍ଷକ ,ଶ୍ରେଣୀଗୃହ ,ପଦୋନ୍ନତି ସ୍ପଷ୍ଟ ଜଣାପଡୁଛି ସରକାରଙ୍କ ଗୁଣାତ୍ମକ ଶିକ୍ଷା ପ୍ରତି କେତେ ଆନ୍ତରିକତା ରହିଛି । ଏଭଳି ଅବ୍ୟବସ୍ଥା ଚାଲୁ ରହିଲେ ଛାତ୍ର ଛାତ୍ରୀ ଙ୍କ ବିକାଶ ତ ଦୂରର କଥା ଭବିଷ୍ୟତ ଅନ୍ଧକାର ମୟ ହେବା ସୁନିଶ୍ଚିତ ବୋଲି ବୁଦ୍ଧିଜୀବୀ ମହଲରେ ମତ ପ୍ରକାଶ ପାଇଛି । ଶିକ୍ଷକ ପଦୋନ୍ନତି ରେ ଏହି ଟାଳଟୁଳ ନୀତି କାହିଁକି।୯୨ ପୋଷ୍ଟ ଖାଲି ଥିବାବେଳେ ୪୫ ଜଣଙ୍କୁ କାହିଁକି ,ଏଭଳି ପ୍ରଶ୍ନ କରିଛନ୍ତି ବୁଦ୍ଧିଜୀବୀ । ଏଥିପାଇଁ କଣ ଡବଲ ଇଞ୍ଜିନ ସରକାର ।
