0୨ ଜୁଲାଇ ,୨୦୨୪ (ଓଡ଼ିଶା ତାଜା ନ୍ୟୁଜ୍ ) ଖପ୍ରାଖୋଲ :-> ବଲାଙ୍ଗିର ଜିଲ୍ଲା ଖପ୍ରାଖୋଲ ଥାନା ହରିଶଙ୍କର ଫାଣ୍ଡି ଦୁଡ଼ୁମଦର୍ହା ଗାଁ ର ଜଣେ ଯୁବକ କୁ ମୋଟର ସାଇକେଲ ଚୋରି ଅଭିଯୋଗ ରେ ଖପ୍ରାଖୋଲ ପୋଲିସ ଗିରଫ କରି ସୋମବାର ସନ୍ଧ୍ୟାରେ କୋର୍ଟ ଚାଲାଣ କରିଥିବା ଜଣାଯାଇଛି। ଗିରଫ ଅଭିଯୁକ୍ତ ଜଣକ ହେଲେ ଦୁଡୁମ ଦର୍ହା ଗାଁ ର ସୁରେନ୍ଦ୍ର ବିନ୍ଧାନି (୨୬) ବୋଲି ପୋଲିସ ସୂଚନା ଦେଇଛି । ଅଭିଯୁକ୍ତ ଠାରୁ ଏକ ହିରୋ ସିଡି ଡିଲକ୍ସ ଗାଡି ଉଦ୍ଧାର ହୋଇଛି।
ସୂଚନା ଅନୁସାରେ ଗତ ୨୯ ତାରିଖ କନ୍ଦରାଭଟା ମନ୍ଦିର ନିକଟରେ ପାଟଣାଗଡ଼ ଥାନା ବିଲେଇସାଥି ଗାଁ ର ପ୍ରତାପ ସିଂହ ବରିହା ନିଜର ମୋଟର ସାଇକେଲ କୁ ରଖି ମନ୍ଦିର ଦର୍ଶନ କରି ଗଲା ବେଳେ କେହି ଚୋରି କରି ନେଇଥିବା ଖପ୍ରାଖୋଲ ଥାନାରେ ଅଭିଯୋଗ କରିଥିଲେ। ଏନେଇ ଖପ୍ରଖୋଲ ଥାନା କେସ ନମ୍ବର ୧୫୪/୨୪ରେ ଏକ ମାମଲା ରୁଜୁ କରି ଘଟଣା ର ତଦନ୍ତ କରି ଅଭିଯୁକ୍ତ କୁ ଗିରଫ କରିବା ସହ କୋର୍ଟ ଚାଲାଣ କରାଯାଇ ଥିବା ବେଳେ ଚୋରୀ ମୋଟର ସାଇକେଲ ଉଦ୍ଧାର ହୋଇଥିବା ଖପ୍ରଖୋଲ୍ ଥାନା ଅଧିକାରୀ ନରେନ୍ଦ୍ର ଛତର ପ୍ରକାଶ କରିଛନ୍ତି।
