ରଥଯାତ୍ରା ରେ ସ୍ୱଛତାକୁ ଗୁରୁତର ସହ ନେବ ନଗର ଉନ୍ନୟନ ବିଭାଗ:ମନ୍ତ୍ରୀ ଡା ମହାପାତ୍ର

୨୭ ଜୁନ୍,୨୦୨୪ (ଓଡ଼ିଶା ତାଜା ନ୍ୟୁଜ୍ ) ପୁରୀ  :-> ମହାପ୍ରଭୁଙ୍କ ରଥଯାତ୍ରା କୁ ଶୃଙ୍ଖଳିତ ପରିଚାଳନାରେ ନଗର ଉନ୍ନୟନ ବିଭାଗ ଗୁରୁତ୍ୱ ପୂର୍ଣ୍ଣ ଭୂମିକା ରହିଛି।ସ୍ୱଛତାକୁ ସେବା ଭାବେ ଆମେ ଗ୍ରହଣ କରିଛୁ।ଯାହା ଚଳିତ ରଥଯାତ୍ରା ରେ ପ୍ରତିଫଳିତ ହେବ ବୋଲି ସୂଚନା ଦେଇଛନ୍ତି ଗୃହ ନିର୍ମାଣ ଓ ନଗର ଉନ୍ନୟନ ମନ୍ତ୍ରୀ ଡାକ୍ତର କୃଷ୍ଣ ଚନ୍ଦ୍ର ମହାପାତ୍ର । ରଥଯାତ୍ରା ପରିଚାଳନା ସମ୍ପର୍କରେ ଆଜି ଅପରାହ୍ନ ରେ ପୁରୀ ସର୍କିଟ ହାଉସ ଠାରେ ମନ୍ତ୍ରୀ ଡା ମହାପାତ୍ର ଏକ ସମୀକ୍ଷା ବୈଠକରେ ଅଧ୍ୟକ୍ଷତା କରି ରଥଯାତ୍ରା ପୂର୍ବରୁ ପୁରୀ ସହରର ସମସ୍ତ ନାଳ ନର୍ଦମା ସଫା ସହ ସମସ୍ତ ମୁକୁଳା ଡ୍ରେନ ଉପରେ ସ୍ଲାବ ର ବ୍ୟବସ୍ଥା କରାଯିବ ବୋଲି କହିଥିଲେ।

ସମସ୍ତ ଷ୍ଟ୍ରିଟ ଲାଇଟ ଗୁଡିକ ମରାମତି କରାଯାଇ ଚଳନକ୍ଷମ କରାଯିବ।ଡ୍ରିଙ୍କ ଫ୍ରମ ଟ୍ୟାପର ସମସ୍ତ ବ୍ୟବସ୍ଥା କୁ ଅନୁଧ୍ୟାନ କରି ଚଳନ ଉପଯୋଗୀ କରାଯିବା ସହ ଯଦି କେଉଁଠାରେ ଅବରୋଧ ହୋଇଥାଏ ତାହାକୁ ଉଛେଦ କରାଯିବ।ସମସ୍ତ ଜଳ ଉତ୍ସର ଚତୁର୍ପାଶ୍ୱ କୁ ପରିଷ୍କାର ପରିଛନ୍ନ ରଖାଯିବ।ସମସ୍ତ ଜଳ ଉତ୍ସକୁ ବିଶୋଧନ କରାଯିବ।ଜଳ ଜମୁଥିବା ସ୍ଥାନ ମାନ ଚିହ୍ନଟ କରାଯାଇ ତାହାର ଅପସାରଣ କରାଯିବ।

ଜଳ ନିଷ୍କାସନ ପାଇଁ ପମ୍ପ ଉପଲବ୍ଧ ରଖାଯିବ।ବୁଲା ଗୋରୁଗାଈ ଙ୍କୁ ରାସ୍ତା ରୁ ହଟେଇ କାଞ୍ଜିଆ ହୁଦା କୁ ନିଆଯିବ। ଡ୍ରେନ ମାନଙ୍କ ରେ ମଶା ମରା ତେଲ ସିଞ୍ଚନ ସହ ରଥଯାତ୍ରା ସମୟରେ ଖରା ହେଲେ ଭକ୍ତଙ୍କ ସୁବିଧା ପାଇଁ ଜଳ ସିଞ୍ଚନ ବ୍ୟବସ୍ଥା କରାଯିବ ବୋଲି ମନ୍ତ୍ରୀ ଡା ମହାପାତ୍ର ସୂଚନା ଦେଇଥିଲେ।

ସହରକୁ ପରିଷ୍କାର ପରିଛନ୍ନ ରଖିବା ଆମ ସମସ୍ତଙ୍କ ଦାୟିତ୍ୱ।ତେଣୁ ସମସ୍ତେ ସ୍ୱଛତା ପ୍ରତି ଉତ୍ତରଦାୟୀ ହୋଇ କାର୍ଯ୍ୟ କରିବାକୁ ସେ ଅନୁରୋଧ କରିଥିଲେ।ପରେ ମନ୍ତ୍ରୀ ବଡଦାଣ୍ଡ ରେ ଚାଲି ଚାଲି ବିଭିନ୍ନ ସ୍ଥିତି ଅନୁଧ୍ୟାନ କରି ଥିଲେ।ଡ୍ରିଙ୍କ ଫ୍ରମ ଟ୍ୟାପରୁ ମଧ୍ୟ ପାଣି ପିଇଥିଲେ।ସମୀକ୍ଷା ବୈଠକରେ ଜିଲ୍ଲାପାଳ ସିଦ୍ଧାର୍ଥ ଶଙ୍କର ସ୍ୱାଇଁ,

ନଗର ଉନ୍ନୟନ ବିଭାଗ ର ଅତିରିକ୍ତ ସଚିବ ବିନୟ କୁମାର ଦାଶ,ଅତିରିକ୍ତ ସଚିବ ଶାରଦା ପ୍ରସାଦ ପଣ୍ଡା ଅତିରିକ୍ତ ଜିଲ୍ଲାପାଳ ପ୍ରୋଟୋକଲ ନିଳମାଧବ ଭୋଇ,ପର୍ଯ୍ୟଟନ ବିଭାଗ ର ଯୁଗ୍ମ ସଚିବ ସରୋଜ କୁମାର ସ୍ୱାଇଁ, ପୁରୀ ପୌରପାଳିକା ର ନିର୍ବାହୀ ଅଧିକାରୀ ପ୍ରଜ୍ଞାଶ୍ରୀ ପ୍ରିୟମ୍ବଦା ,ୱାଟକୋ ର ଜିଏମ ବିକ୍ରମ ରାଉତ ପ୍ରମୁଖ ଯୋଗ ଦେଇଥିଲେ।