ପାଚେର ଗାଁ ରେ ମହାତ୍ମା ଗାନ୍ଧୀ ଜାତୀୟ ଗ୍ରାମୀଣ ନିଶ୍ଚିତ କର୍ମ ନିଯୁକ୍ତି ଯୋଜନା କାମରେ ଅନିୟମିତତା ଅଭିଯୋଗ

୨୦ ଜୁନ୍,୨୦୨୪ (ଓଡ଼ିଶା ତାଜା ନ୍ୟୁଜ୍ ) ଖପ୍ରାଖୋଲ :-> ଖପ୍ରାଖୋଲ ବ୍ଲକ୍ ପଡ଼ିଆବାହାଲ୍ ପଞ୍ଚାୟତ ପାଚେର ଗାଁ ରେ ମହାତ୍ମା ଗାନ୍ଧୀ ଜାତୀୟ ଗ୍ରାମୀଣ ନିଶ୍ଚିତ କର୍ମ ନିଯୁକ୍ତି ଯୋଜନା କାମରେ ଅନିୟମିତତା ହୋଇଛି। ଏନେଇ ଗ୍ରାମର ଅଣକୁଶଳୀ ଶ୍ରମିକ ତଥା ଗ୍ରାମ ବାସୀ ବ୍ଲକ୍ କାର୍ଯ୍ୟାଳୟ ଆସି ଅଭିଯୋଗ କରିଥିବା ଜଣାଯାଇଛି। ଗାଁ ର ଦୁଇଟି ପୋଖରୀ ର ମାଟି ଉନ୍ନତି କାମରେ କମ୍ ଶ୍ରମିକ ସ୍ଥାନ ରେ ଅଧିକ ଶ୍ରମିକ କାମ କରୁଥିବା ଦେଖେଇ ଥିବା ଅଭିଯୋଗ କରିଛନ୍ତି।

ତୁରନ୍ତ ଏହି ଘଟଣାର ତଦନ୍ତ ସହ ଗାଁ ସାଥି କୁ ନିଲମ୍ବନ କରିବାକୁ ତୁଲ ରଣା,ବାଲ ଗୋବିନ୍ଦ ସେଠ, ଦିନେଶ ଠାକୁର, ଭବାନୀ ସେଠ, ଶିବ ସାହୁ ପ୍ରମୁଖ ୩୦ ରୁ ଉର୍ଦ୍ଧ ଗ୍ରାମ ବାସୀ ତଥା ଶ୍ରମିକ ଲିଖିତ ଅଭିଯୋଗ କରିଥିବା ଜଣାଯାଇଛି। ଏନେଇ ଖପ୍ରାଖୋଲ ବ୍ଲକ୍ ମହାତ୍ମା ଗାନ୍ଧୀ ଜାତୀୟ ଗ୍ରାମୀଣ ନିଶ୍ଚିତ କର୍ମ ନିଯୁକ୍ତି ଯୋଜନା ଏ ପି ଓ ପ୍ରଶାନ୍ତ କୁମାର ସାହୁ ଙ୍କୁ ପଚାରିବାରୁ ଅଭିଯୋଗ ପାଇଛୁ, ଚାରି ଦିନ ମଧ୍ୟରେ ତଦନ୍ତ କରି କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ପ୍ରକାଶ କରିଛନ୍ତି।