କବୀ ନଳିନୀ ଦାଶ ପାଇଲେ ସାହିତ୍ୟ ସୌରଭ ସମ୍ମାନ

୧୮ ଜୁନ୍,୨୦୨୪ (ଓଡ଼ିଶା ତାଜା ନ୍ୟୁଜ୍ ) ଓଡଗାଁ :-> ଶରଣକୁଳ ସଦାନନ୍ଦ ସାହିତ୍ୟ ପରିଷଦର ସଦସ୍ୟା ଶିଶୁ କବୀ ନଳିନୀ ଦାଶଙ୍କୁ ଖୋର୍ଦ୍ଧା ଜିଲ୍ଲା ଟାଙ୍ଗୀ ବ୍ଲକ ସମ୍ବାଦ ସାହିତ୍ୟ ଘର ପକ୍ଷରୁ ସାହିତ୍ୟ ସୌରଭ ସମ୍ମାନରେ ସମ୍ମାନୀତ କରାଯାଇଛି l ଟାଙ୍ଗୀ ବଳରାମ ଦେବ ପୀଠ ପରିସରରେ ସମ୍ବାଦ ଘର ପକ୍ଷରୁ ତିନି ଦିନ ଧରି ଚାଲୁ ରହିଥିବା ବାର୍ଷିକ ଉତ୍ସବ ଓ ରଜ ଉତ୍ସବର ରବିବାର ଉଦଯାପନୀ ଦିବସରେ ଏକ ରାଜ୍ୟ ସ୍ତରୀୟ ସାରସ୍ୱତ ସମାରୋହ ଅନୁଷ୍ଠିତ ହୋଇଥିଲା l ଏଥିରେ ବିଭିନ୍ନ ଜିଲ୍ଲାର ସାରସ୍ୱତ ସାଧକ ମାନେ ଯୋଗଦେଇ ସ୍ୱରଚିତ କବିତା ପାଠ କରିବା ସହିତ ଓଡ଼ିଆ ସାହିତ୍ୟର ଭବିଷ୍ୟତ ଉପରେ ଆଲୋଚନା କରିଥିଲେ l

ଏହି ଅବସରରେ ସାହିତ୍ୟ କ୍ଷେତ୍ରରେ ସୁନାମ ଅର୍ଜନ କରିଥିବା ଆଠ ଜଣ ସାହିତ୍ୟିକଙ୍କୁ ମାନପତ୍ର, ଉପଢୌକନ ଓ ପୁଷ୍ପଗୁଚ୍ଛ ପ୍ରଦାନ ପୂର୍ବକ ସମ୍ବର୍ଦ୍ଧିତ କରା ଯାଇଥିଲା l ସାହିତ୍ୟ ଘର ସଭାପତି ବିଜୟ କୁମାର ରାଉତଙ୍କ ପୌରୋହିତ୍ୟରେ ଅନୁଷ୍ଠିତ ଏହି ସମାରୋହରେ ସାହିତ୍ୟ ଘର ରାଜ୍ୟ ସଂଯୋଜିକା ଶୁଭଶ୍ରୀ ଲେଙ୍କା, ପ୍ରତିଷ୍ଠିତ ସାହିତ୍ୟିକ ତଥା ଜଗନ୍ନାଥ ସଂସ୍କୃତି ଗବେଷକ ଡ. ଚନ୍ଦ୍ରଶେଖର ଦାଶ, ପ୍ରାକ୍ତନ ବିଚାରପତି ନାରାୟଣ ମହାପାତ୍ର ଓ ସମ୍ପାଦକ ରବୀନ୍ଦ୍ର କୁମାର ନାୟକ ପ୍ରମୁଖ ଯୋଗ ଦେଇଥିଲେ l