ରଣପୁର ରଥଯାତ୍ରା କମିଟି ବୈଠକରେ ଜିଲ୍ଲାପାଳ ସାମ୍ବାଦିକଙ୍କୁ ତଡ଼ିଲା ବେଳେ : କାହିଁକି ଚୁପ୍ ରହିଲେ – ସମ୍ବିଦ୍ ପାତ୍ର ଓ ସୁରମା..?

ଜିଲ୍ଲାପାଳଙ୍କ ବିରୋଧରେ ରଣପୁର ସାମ୍ବାଦିକଙ୍କ ନିନ୍ଦା ପ୍ରସ୍ତାବ ଆଗତ

୧୬ ଜୁନ୍,୨୦୨୪ (ଓଡ଼ିଶା ତାଜା ନ୍ୟୁଜ୍ ) ରଣପୁର :-> ନୂତନ କରି ରାଜ୍ୟରେ ବିଜେପି ସରକାର ଗଠନ ହୋଇଥିବା ବେଳେ ଦୀର୍ଘ ଦିନ ଧରି ଲୋକସଭା ଭବନରେ ସାମ୍ବାଦିକଙ୍କୁ ପ୍ରବେଶ ବାରଣ ହୋଇଥିବା ବେଳେ ମୋହନ ସରକାରଙ୍କ ପ୍ରଥମ ଦିବସରେ ସାମ୍ବାଦିକଙ୍କୁ ସାଙ୍ଗରେ ନେଇ ଲୋକସଭାକୁ ଯାଇଥିଲେ | ଏହାକୁ ନେଇ ସାରା ଓଡ଼ିଶାରେ ସାମ୍ବାଦିକମାନଙ୍କ ମଧ୍ୟରେ ଖୁସିର ମାହୋଲ ଦେଖା ଯାଇଥିଲା | କିନ୍ତୁ ଦୁର୍ଭାଗ୍ୟର ବିଷୟ ଏହିକି ଯେ, ଚଳିତ ବର୍ଷ ନୟାଗଡ଼ ଜିଲ୍ଲା ରଣପୁରର ଦ୍ଵିତୀୟ ଶ୍ରୀକ୍ଷେତ୍ର ରଥଯାତ୍ରା ପରିଚାଳନା ବୈଠକରୁ ଜିଲ୍ଲାପାଳ ସାମ୍ବାଦିକମାନଙ୍କୁ ତଡ଼ିଦେବାକୁ ନେଇ ରଣପୁର ସାମ୍ବାଦିକଙ୍କ ମଧ୍ୟରେ ଅସନ୍ତୋଷ ଦେଖାଯିବା ସହିତ ଏହାକୁ ନେଇ ଏକ ନିନ୍ଦା ପ୍ରସ୍ତାବ ଆଗତ ହେବା ସହିତ ଜିଲ୍ଲାପାଳଙ୍କ ବିରୋଧରେ କାର୍ଯ୍ୟାନୁଷ୍ଠାନ ପାଇଁ ମୁଖ୍ୟମନ୍ତ୍ରୀଙ୍କୁ ଦାବିପତ୍ର ପ୍ରଦାନ କରାଯାଇଛି |ସୂଚନା ଅନୁସାରେ ପ୍ରତ୍ୟେକ ବର୍ଷ ଦ୍ଵିତୀୟ ଶ୍ରୀକ୍ଷେତ୍ର ରଣପୁର ରଥଯାତ୍ରା ପରିଚାଳନା କମିଟି ବୈଠକ ଅନୁଷ୍ଠିତ ହୋଇଥାଏ | ଏହି ବୈଠକକୁ ସାମ୍ବାଦିକ ମାନଙ୍କୁ ଯୋଗ ଦେବା ପାଇଁ ଡକା ଯିବା ସହିତ ପ୍ରଚାର ପ୍ରସାର ଦାୟିତ୍ୱ ସହିତ ଅନ୍ୟାନ୍ୟ ଦାୟିତ୍ୱ ମଧ୍ୟ ପ୍ରଦାନ କରାଯାଇଥାଏ | ସେହିପରି ଭାବେ ଚଳିତ ବର୍ଷ ରଥଯାତ୍ରା ପରିଚାଳନା ବୈଠକ ରବିବାର ଅପରାହ୍ନ ସାଢେ ୩ ଘଟିକା ସମୟରେ ରଣପୁର ବ୍ଲକ ସଭାଗୃହରେ ଅନୁଷ୍ଠିତ ହେବାକୁ ଥିବା ବୈଠକକୁ ରଣପୁର ଦେବୋତ୍ତର ବିଭାଗ ତରଫରୁ ସାମ୍ବାଦିକଙ୍କୁ ଡକା ଯିବା ସହିତ ନୟାଗଡ ଲୋକ ସୂଚନା ଅଧିକାରୀଙ୍କ ତରଫରୁ ମଧ୍ୟ ବୈଠକରେ ଯୋଗ ଦେବା ପାଇଁ ଖବର ପ୍ରଦାନ କରାଯାଇଥିଲା |ତେବେ ଏହି ବୈଠକରେ ପୁରୀ ଲୋକସଭା ସାଂସଦ ଡ଼. ସମ୍ବିତ ପାତ୍ର, ରଣପୁର ବିଧାୟିକା ସୁରମା ପାଢ଼ୀ, ନୟାଗଡ ଜିଲ୍ଲାପାଳ ସ୍ବେଧାଦେବ ସିଂ, ରଣପୁର ବ୍ଲକ ଚେୟାରମ୍ୟାନ ନିର୍ମଳା ବେହେରା, ରଣପୁର ବିଡ଼ିଓ ସୁଧୀର ନାୟକ, ତହସିଲଦାର ରବୀନ ଚର୍ଚ୍ଚିଲ ମିଶ୍ର, ଦେବୋତ୍ତର ମ୍ୟାନେଜର ରମେଶ ଚନ୍ଦ୍ର ପ୍ରଧାନ, ରଣପୁର ରାଜା ଦିଲ୍ଲୀପ ଚନ୍ଦ୍ର ସିଂଦେଓ ପ୍ରମୁଖ ଯୋଗ ଦେଇଥିବା ସହ ମନ୍ଦିର ପରିଚାଳନା କମିଟି ସଦସ୍ୟ, ସମସ୍ତ ସେବାୟତ, ବୁଦ୍ଧିଜୀବୀ, ସମାଜସେବୀଙ୍କ ସହିତ ସାମ୍ବାଦିକମାନେ ମଧ୍ୟ ରଣପୁର ବ୍ଲକ ସଭା ଗୃହ ମଧ୍ୟରେ ଉପସ୍ଥିତ ଥିଲେ | ତେବେ ଜିଲ୍ଲାପାଳ ସଭା ଆରମ୍ଭରୁ ବୈଠକରେ ଉପସ୍ଥିତ ଥିବା ସମସ୍ତଙ୍କର ପରିଚୟ ମାଗି ସାରିଲା ପରେ ସଭାଗୃହରୁ ସାମ୍ବାଦିକଙ୍କୁ ଛାଡି ଚାଲିଯିବା ପାଇଁ କହିଥିଲେ |ଓଡିଶାର ମୁଖ୍ୟମନ୍ତ୍ରୀ ଶ୍ରୀ ମୋହନ ମାଝୀ ସାମ୍ବାଦିକ ମାନଙ୍କୁ ସମ୍ମାନ ଦେଉଥିବା ବେଳେ ରଣପୁରର ପ୍ରତିନିଧି ସୁରମା ପାଢ଼ୀ ଓ ସାଂସଦ ସମ୍ବିଦ୍ ପାତ୍ର ଙ୍କ ସାମ୍ନାରେ ଜିଲ୍ଲାପାଳ ସାମ୍ବାଦିକ ମାନଙ୍କୁ ଅସମ୍ମାନ କରୁଥିବାର ଦେଖି ଚୁପ୍ ରହିଲେ ବିଧାୟିକା ଓ ସାଂସଦ । ଏହାକୁ ନେଇ ସାମ୍ବାଦିକମାନଙ୍କ ମଧ୍ୟରେ ଘୋର ଅସନ୍ତୋଷ ଦେଖାଯିବା ସହିତ ସାମ୍ବାଦିକ ମାନେ ମଣିନାଗ ପୀଠରେ ବରିଷ୍ଠ ସାମ୍ବାଦିକ ଆଚାର୍ଯ୍ୟ ବିଶ୍ୱରଂଜନଙ୍କ ଅଧ୍ୟକ୍ଷତାରେ ଏକ ଜରୁରୀ ବୈଠକ କରି ଜିଲ୍ଲାପାଳଙ୍କ ନାମରେ ଏକ ନିନ୍ଦା ପ୍ରସ୍ତାବ ଆଗତ କରିବା ସହିତ ଆଗାମୀ ଦିନରେ ରଥଯାତ୍ରା ସମ୍ବନ୍ଧୀୟ ସମସ୍ତ ଖବର ସହିତ ଜିଲ୍ଲା ପ୍ରଶାସନର କୌଣସି ଖବର ପ୍ରସାରଣ କରିବେ ନାହିଁ ବୋଲି ଏକ ପ୍ରସ୍ତାବ ଆଗତ ହୋଇଥିଲା |

କାହିଁକି ଚୁପ୍ ରହିଲେ – ସମ୍ବିଦ୍ ପାତ୍ର ଓ ସୁରମା…?

ଏ ନେଇ ଜିଲ୍ଲାପାଳଙ୍କ ବିରୋଧରେ କାର୍ଯ୍ୟାନୁଷ୍ଠାନ ପାଇଁ ଲୋକ ସୂଚନା ବିଭାଗ ଦାୟିତ୍ୱରେ ଥିବା ମୁଖ୍ୟମନ୍ତ୍ରୀଙ୍କୁ ଦାବିପତ୍ର ପ୍ରଦାନ କରାଯାଇଛି | ଏହାକୁ ରାଜ୍ୟ ଓୟୁଜେ ସାମ୍ବାଦିକ ସଙ୍ଘ ସଭାପତି ପ୍ରସନ୍ନ କୁମାର ମହାନ୍ତି ନିନ୍ଦା କରିବା ସହିତ ତୁରନ୍ତ କାର୍ଯ୍ୟାନୁଷ୍ଠାନ ଦାବି କରି ମୁଖ୍ୟମନ୍ତ୍ରୀଙ୍କୁ ଟୁଇଟ କରିଥିବା ଜଣାପଡିଛି | ଏହି ନିନ୍ଦା ପ୍ରସ୍ତାବ ବୈଠକରେ ରଣପୁର ଅଞ୍ଚଳର ସମସ୍ତ ବୈଦ୍ୟୁତିକ ଓ ଛାପା ଗଣମାଧ୍ୟମ ପ୍ରତିନିଧିମାନେ ଯୋଗ ଦେଇଥିଲେ | ଆଗାମୀ ଦିନରେ ଏହି ଆନ୍ଦୋଳନକୁ ଜିଲ୍ଲା ଓ ରାଜ୍ୟ ସ୍ତରରେ ତୀବ୍ରତର କରିବା ପାଇଁ ସ୍ଥିର କରାଯାଇଛି |