No Result
View All Result
୧୪ ମେ , ୨୦୨୪ (ଓଡ଼ିଶା ତାଜା ନ୍ୟୁଜ୍ ) ବୋଲଗଡ :-> ବୋଲଗଡ ଶିକ୍ଷା ବ୍ଲକ ଅନ୍ତର୍ଗତ ଟାଙ୍ଗୀସାହିସ୍ଥିତ ରଘୁନାଥ ସରକାରୀ ଉଚ୍ଚ ବିଦ୍ୟାଳୟର 1996 ମସିହା ମାଟ୍ରିକ ବ୍ୟାଚର ଛାତ୍ର ଛାତ୍ରୀମାନଙ୍କର ବନ୍ଧୁ ମିଳନ ବୋଲଗଡସ୍ଥିତ ଶକ୍ତି ପୀଠ ମା’ ଭୂଇଆଣିଙ୍କ ପରିସରରେ ଆଜି ଅନୁଷ୍ଠିତ ହୋଇଯାଇଛି l ଏହି ବନ୍ଧୁମିଳନ ପୁରାତନ ଛାତ୍ର ଦୈତାରୀ ରାଉତରାୟଙ୍କ ଆବାହକତ୍ୱରେ ଓ ପୂର୍ବତନ ପ୍ରଧାନ ଶିକ୍ଷକ ବାସୁଦେବ ବେହେରାଙ୍କ ସଭାପତିତ୍ବରେ ଅନୁଷ୍ଠିତ ହୋଇଥିଲା l ଏହି ବନ୍ଧୁମିଳନ କାର୍ଯ୍ୟକ୍ରମରେ ରଘୁନାଥ ଉଚ୍ଚ ବିଦ୍ୟାଳୟର ଶିକ୍ଷକ ଗୋପାଳ ଚରଣ ସାହୁ, ମଦନ ମୋହନ ପୃଷ୍ଟି, ଦୁର୍ଯ୍ୟୋଧନ ସୁବୁଦ୍ଧି, ଶ୍ରୀଧର ନାୟକ, ସନ୍ତୋଷ କୁମାର ସାହୁ,
![](https://odishatazanews.com/wp-content/uploads/2024/05/BAGUNIA-2-300x135.jpg)
ଜୟ ରାମ ଦାଶ, ଅବସର ପ୍ରାପ୍ତ ଗୋଷ୍ଠୀ ଶିକ୍ଷା ଅଧିକାରୀ ଲଛମନ ପରିଡା, କିରାଣୀ ବୁଦ୍ଧି ବାମନ ଭୋଳ, ଶିକ୍ଷାକର୍ମଚାରୀ ପ୍ରଫୁଲ୍ଲ କୁମାର ପାଇକରାୟ, ମାୟାଧର ରାଉଳ ଓ ଶିକ୍ଷୟିତ୍ରୀ ସେବତୀ ପରିଡା ପ୍ରମୁଖ ଯୋଗଦେଇଥିଲେ l ବନ୍ଧୁମିଳନ କାର୍ଯ୍ୟକ୍ରମ ପ୍ରାରମ୍ଭରେ ମଣିଷ ଗଢ଼ା କାରଖାନାର ବିନ୍ଧାଣି ଶିକ୍ଷକ ଓ ଶିକ୍ଷୟିତ୍ରୀମାନଙ୍କୁ ସମସ୍ତ ପୁରାତନ ଛାତ୍ର ଛାତ୍ରୀମାନେ ପାଦ ଧୂଳି ମଥାରେ ମାରି ଫୁଲ ଚନ୍ଦନ ଓ ଗଳାରେ ଫୁଲମାଳ ଦେଇ ଗୁରୁ ପୂଜନ କରିବା ସହିତ ସେମାନଙ୍କର ଶୁଭ ଆଶୀର୍ବାଦ ଲାଭ କରିଥିଲେ l
ଏହି କାର୍ଯ୍ୟକ୍ରମରେ ସମସ୍ତ ପୁରାତନ ଛାତ୍ରଛାତ୍ରୀ ଓ ସେମାନଙ୍କର ପରିବାର ସଦସ୍ୟମାନଙ୍କ ସହିତ ଭାବର ଆଦାନ ପ୍ରଦାନ ହେବା ସଙ୍ଗେ ସଙ୍ଗେ ଅତୀତ ଶିକ୍ଷା ଦାନ ସମୟର ଅଭୁଲା ସ୍ମୃତିକୁ ମନେ ପକାଇ ସାଉଁଟି ଥିଲ l ସମସ୍ତ ପୁରାତନ ଛାତ୍ରଛାତ୍ରୀମାନଙ୍କ ତରଫରୁ ଗୁଣାତ୍ମକ ଶିକ୍ଷା ଦାନ ଦେଇଥିବା ଶିକ୍ଷକ ଓ ଶିକ୍ଷୟିତ୍ରୀମାନଙ୍କୁ ମାନ ପତ୍ର, ଉତ୍ତରୀୟ ଓ ଫୁଲ ତୋଡ଼ା ଦେଇ ସମ୍ବର୍ଦ୍ଧିତ କରାଯାଇଥିଲା l ଏହି କାର୍ଯ୍ୟକ୍ରମକୁ ଧନେଶ୍ୱର ମୁଣ୍ଡେଇ, ଅନାମ ସାହୁ, ସୂର୍ଯ୍ୟ କାନ୍ତ ବଳିୟାର ସିଂହ, ଜୟନ୍ତ ମହାନ୍ତି,ବାବୁଲି ବିଶ୍ୱାଳ, ଟୁଲୁ ପ୍ରଧାନ ପ୍ରମୁଖ ସହଯୋଗ କରି ପରିଚାଳନା କରିଥିଲେ l ସମସ୍ତ ଛାତ୍ର ଛାତ୍ରୀମାନେ ଭଲ ମଣିଷ ହୋଇ ନିଜ ମା,ମାଟି ଓ ମାତୃଭାଷାକୁ ଭଲ ପାଇବାକୁ ପ୍ରଧାନ ଶିକ୍ଷକ ବାସୁଦେବ ବେହେରା ପରାମର୍ଶ ଦେଇଥିଲେ l ପରିଶେଷରେ ସୁଶାନ୍ତ କୁମାର ମୁଣ୍ଡେଇ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ l
![](https://odishatazanews.com/wp-content/uploads/2024/03/Odish-Tazanews-Ripotars-40-193x300.jpg)
No Result
View All Result