୨ ଏପ୍ରିଲ, ୨୦୨୪ ( ଓଡିଶା ତାଜା ନ୍ୟୁଜ ) ବେଗୁନିଆ :-> ବେଗୁନିଆ ବ୍ଲକ ଅନ୍ତର୍ଗତ କଣ୍ଟାବାଡ ଗ୍ରାମସ୍ଥିତ ସରସ୍ୱତୀ ଶିଶୁ ମନ୍ଦିର ପକ୍ଷରୁ ବିଦ୍ୟାରମ୍ଭ ସଂସ୍କାର ଯଜ୍ଞ କାର୍ଯ୍ୟକ୍ରମ ଅନୁଷ୍ଠିତ ହୋଇଛି । ଏଥିରେ ଖୋର୍ଦ୍ଧା ଜିଲ୍ଲା ସଙ୍କୁଳ ପ୍ରମୁଖ ତଥା ସାମ୍ବାଦିକ ନଳିନୀକାନ୍ତ ପଣ୍ଡା,ଅନୁଷ୍ଠାନର ସଭାପତି ମାନସ ରଞ୍ଜନ ଦାଶ,ସମ୍ପାଦକ ଦିଲ୍ଲୀପ କୁମାର ପାଣିଗ୍ରାହୀ, କୋଷାଧ୍ୟକ୍ଷ ପ୍ରସନ୍ନ କୁମାର ମହାପାତ୍ର,ବିଦ୍ବତ ପରିଷଦ ସଭାପତି ବଂଶୀଧର ପାଣିଗ୍ରାହୀ,ସମ୍ପାଦକ ଶ୍ରୀକାନ୍ତ ବାହିନୀପତି ପ୍ରମୁଖ ଯୋଗ ଦେଇ ଶିଶୁ ବାଟିକାରେ ନୂତନ ନାମଲେଖା ହୋଇଥିବା ଛାତ୍ରଛାତ୍ରୀ ମାନଙ୍କୁ ଫୁଲ ଓ ଚନ୍ଦନ ଦେଇ ସ୍ଵାଗତ କରିଥିଲେ।
ପରେ ଖୋର୍ଦ୍ଧା ଶିଶୁ ବିକାଶ ସମିତିର ପୂର୍ବ ସମ୍ଭାଗ ସଭାପତି ଶିକ୍ଷାବିତ କୁଳମଣି ମିଶ୍ର ଅତିଥି ଭାବେ ଯୋଗ ଦେଇ ବିଦ୍ୟାରମ୍ଭ ଯଜ୍ଞରେ କର୍ତ୍ତା ଭାବେ ଉପବେଶନ କରିଥିବା ବେଳେ ପୁରୋହିତ ପ୍ରସନ୍ନ କୁମାର ଦାଶ ବିଧି ଅନୁସାରେ ମନ୍ତ୍ର ଉଚ୍ଚାରଣ କରି ଯଜ୍ଞ କାର୍ଯ୍ୟକୁ କରିଥିଲେ। କାର୍ଯ୍ୟକ୍ରମକୁ ଶିଶୁ ମନ୍ଦିର ପ୍ରଧାନ ଆଚାର୍ଯ୍ୟ ମନରଞ୍ଜନ ପଣ୍ଡା, ଆଚାର୍ଯ୍ୟ ସିଦ୍ଧେଶ୍ୱର ବେହେରା,
ଶିଶୁ ବାଟିକା ପ୍ରମୁଖ ମମତା ରାଣୀ ସାହୁ ଓ ଆଚାର୍ଯ୍ୟା ଶୁଭ ଦର୍ଶିନୀ ଦାଶ, ଦିବା ପର୍ଯ୍ୟାୟ ପ୍ରମୁଖ ଯାଜ୍ଞସେନୀ ହୋତା ଓ ପ୍ରାତଃ ପର୍ଯ୍ୟବେକ୍ଷକ ଶୁଭସ୍ମିତା ସ୍ଵାଇଁ ପ୍ରମୁଖ ସହଯୋଗ କରିଥିଲେ ।
