ବିଳାସୁଣୀ ପୁରୁଣା କାଚରାମାଳ ଶନିଶ୍ଚର ଫୁଟବଲ ଟୁର୍ଣ୍ଣାମେଣ୍ଟ ଚମ୍ପିୟାନ

୧୪ ଫେବୃଆରୀ ୨୦୨୪ (ଓଡିଶା ତାଜ଼ା ନ୍ୟୁଜ) କଟକ :-> କଟକ ସଦରଥାନା ଫୁଲନଖରା ନିକଟସ୍ଥ ପୁରୁଣା କାଚରାମାଳ ଗ୍ରାମର ଶନିଶ୍ଚର ଯୁବକ ସଂଘ ପକ୍ଷରୁ ଆୟୋଜିତ ଦୁଇ ଦିନିଆ ୧୮ ତମ ବାର୍ଷିକ ଫୁଟବଲ ଟୁର୍ଣ୍ଣାମେଣ୍ଟ ବୁଧବାର ସନ୍ଧ୍ୟାରେ ଉଦଯାପିତ ହୋଇଯାଇଛି । ଆୟୋଜିତ ଟୁର୍ଣ୍ଣାମେଣ୍ଟର ଫାଇନାଲ ମ୍ୟାଚ ନିଆଳୀର ବିଳାସୁଣୀ ଫୁଟବଲ ଟିମ ବନାମ ବାରଙ୍ଗ ନିକଟସ୍ଥ ଗଣ୍ଡରପୁର ଫୁଟବଲ ଟିମ ମଧ୍ୟରେ ଅନୁଷ୍ଠିତ ହୋଇଥିଲା । ଏହି ଟୁର୍ଣ୍ଣାମେଣ୍ଟରେ ଗଣ୍ଡରପୁର ଟିମକୁ ହରାଇ ବିଳାସୁଣୀ ଫୁଟବଲ ଟିମ ଚଳିତ ବର୍ଷ ପୁରୁଣା କାଚରାମାଳ ଶନିଶ୍ଚର ଫୁଟବଲ ଟ୍ରଫି ଚମ୍ପିୟାନ ହୋଇଥିଲା ।

ଏହି ଟୁର୍ଣ୍ଣାମେଣ୍ଟର ଫାଇନାଲ ମ୍ୟାଚ ପୁରଷ୍କାର ବିତରଣ ଉତ୍ସବରେ ପୂର୍ବତନ କର୍ପୋରେଟର ସୁକାନ୍ତ କୁମାର ଭୋଇ ଅଧ୍ୟକ୍ଷତା କରିଥିଲେ । ଏଥିରେ କଟକର ଅତିରିକ୍ତ ଡିସିପି ଦେବଦତ୍ତ କର ମୁଖ୍ୟ ଅତିଥି, ପାହାଳ ଥାନାର ଆଇ ଆଇ ସି ବିୟୁଟି ମହାନ୍ତି, ପୁରୁଣା କାଚରାମାଳ ଗ୍ରାମ୍ୟ କମିଟିର ସଭାପତି ଭକ୍ତବନ୍ଧୁ ବରାଳ,ପୂର୍ବତନ କର୍ପୋରେଟର କୌଶିକ ଜେନା , ଗ୍ରାମ୍ୟ କମିଟିର ବରିଷ୍ଠ କର୍ମକର୍ତ୍ତା ପ୍ରଶାନ୍ତ କୁମାର ମହାନ୍ତି, ବସନ୍ତ କୁମାର ସାହୁ, ଏ ଏସ ଆଇ ନିଳାମ୍ବର ସାହୁ, ସାମ୍ବାଦିକ କାନନ ବିହାରୀ ନାୟକ, ଆଦିତ୍ୟ ଛୋଟରାୟ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ ।

ମୁଖ୍ୟ ଅତିଥି ଅତିରିକ୍ତ ଡିସିପି ଶ୍ରୁ କର ଚମ୍ପିୟାନ ହୋଇଥିବା ବିଳାସୁଣୀ ଫୁଟବଲ ଟିମକୁ ଅନୁଷ୍ଠାନ ପକ୍ଷରୁ ଦିଆ ଯାଇଥିବା ନଗଦ ୧୨ ହଜାର ଟଙ୍କା ସହ ଚମ୍ପିୟାନ ଟ୍ରଫି ପ୍ରଦାନ କରିଥିଲେ । ସେହିପରି ପାହାଳ ଥାନା ଅଧିକାରୀ ବିୟୁଟି ମହାନ୍ତି ରନର୍ସ ହୋଇଥିବା ଗଣ୍ଡରପୁର ଟିମକୁ ନଗଦ ୮ ହଜାର ଟଙ୍କା ସହ ରନର୍ସ ଟ୍ରଫି ପ୍ରଦାନ କରିଥିଲେ । ଏହି ମ୍ୟାଚରେ ସହଯୋଗ କରିଥିଲେ ଭାଗିରଥି ଜେନା, ବିଶ୍ୱଜିତ୍ ଭୋଇ, ରବିନ୍ଦ୍ର ଭୋଇ,କାଳନ୍ଦି ଭୋଇ, ଭାଗିରଥି ଭୋଇ, ଦିବ୍ୟଜୋତି ଦାସ, ବ୍ରହ୍ମ।ନନ୍ଦ ଭୋଇ , ଲକି ସାହୁଙ୍କ ସମେତ ଶନିଶ୍ଚର ଯୁବକ ସଂଘର ସମସ୍ତ ସଦସ୍ୟ, ଗ୍ରାମର ଯୁବକ ମାନେ । ଏହି ଟୁର୍ଣ୍ଣାମେଣ୍ଟ ଦେଖିବା ପାଇଁ ଆଖପାଖ ଅଞ୍ଚଳର ବହୁ ଲୋକଙ୍କର ସମାଗମ ହୋଇଥିଲା ।