ପୁରୀ (ଓଡିଶା ତାଜା ନ୍ୟୁଜ ) ନି. ପ୍ର :- ଶ୍ରୀଜଗନ୍ନାଥ ମନ୍ଦିର ଜମି ପରିଚାଳନା ନିୟମାବଳୀ ୨୦୨୬ କୁ କ୍ଯାବିନେଟ ମଞ୍ଜୁରୀ ମିଳିଛି । ମୁଖ୍ଯମନ୍ତ୍ରୀ ମୋହନ ଚରଣ ମାଝୀଙ୍କ ଅଧ୍ୟକ୍ଷତାରେ ଏହି ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନିଆଯାଇଛି । ଏହି ନୂଆ ନିୟମକୁ ପୁରୀ ବିଜେପି ପକ୍ଷରୁ ପୂର୍ବତନ ବିଧାୟକ ଜୟନ୍ତ କୁମାର ଷଡଙ୍ଗୀ ସ୍ବାଗତ କରିଛନ୍ତି । ଏ ସମ୍ପର୍କରେ ବୁଧବାର ମଧ୍ୟାହ୍ନରେ ଚକ୍ରତୀର୍ଥ ରୋଡ ସ୍ଥିତ ହଲିଡେ ରିସର୍ଟ ଠାରେ ଏକ ସାମ୍ବାଦିକ ସମ୍ମିଳନୀରେ ଶ୍ରୀଷଡଙ୍ଗୀ କହିଲେ ବହୁଦିନର ଶ୍ରୀମନ୍ଦିର ଓ ମଠର ଜମିଜମା ସମସ୍ଯା କୁ ଆମ ପ୍ରିୟ ମୁଖ୍ଯମନ୍ତ୍ରୀ ମୋହନ ଚରଣ ମାଝୀ ସମାଧାନ କରିଥିବାରୁ ହଜାର ହଜାର ପରିବାର ଏହା ଦ୍ବାରା ଉପକୃତ ହେବେ ।
୨୦୦୩ ଓ ୨୦୧୯ ୟୁନିଫର୍ମ ପଲିସକୁ ଉଛେଦ କରାଯାଇ ନୂଆ ନିୟମ ଲାଗୁ କରାଯିବ । ବୈଠକରେ ଯୁବନେତା ମନୋଜ କୁମାର ରଥ ଯୋଗଦେଇ କହିଲେ ଶ୍ରୀମନ୍ଦିର ଜମିଜମା ସମସ୍ଯା ସମାଧାନ ପାଇଁ ଅନଲାଇନ ବ୍ଯବସ୍ଥା କରାଯାଇ ଥିବାରୁ ଆବେଦନ, ଯାଞ୍ଚ ଓ ସମାଧାନ ଏକ ପୋର୍ଟାଲ ମାଧ୍ୟମରେ ଡିଜିଟାଲ ଉପାୟରେ କରାଯିବ ।
ଶ୍ରୀମନ୍ଦିର ସେବକ, ମଠ, ଅଣସେବକ ଓ ଶ୍ରୀମନ୍ଦିର ବିଭିନ୍ନ ନିଯୋଗ ଏହା ଦ୍ବାରା ଉପକୃତ ହୋଇପାରିବେ । ଜମିର ଯାଞ୍ଚ ପାଇଁ ଜିଲ୍ଲାପାଳଙ୍କ ଅଧ୍ୟକ୍ଷତାରେ ସ୍ବତନ୍ତ୍ର କମିଟି ଗଠନ କରାଯିବ । ଏହି ସମ୍ମିଳନୀରେ ଯୁବନେତା ଭବାନି ଦାସମହାପାତ୍ର,ସୋମନାଥ ଖୁଣ୍ଟିଆ, ରଞ୍ଜିତା ପାଢୀ,ଅକ୍ଷୟ ମହାନ୍ତି, ସଞ୍ଜୀବ କୁମାର ମୁଖାର୍ଜୀ,ଜିଲ୍ଲା ସମ୍ପାଦକ ଅନିଲ ସାହୁ, ବିଜେପିର କର୍ମକର୍ତ୍ତା ପ୍ରମୁଖ ଉପସ୍ଥିତ ଥିଲେ ।
