ତେଲଙ୍ଗାପେଣ୍ଠରେ ଜିଲ୍ଲାପାଳଙ୍କ ଦ୍ୱାରା ଆରମ୍ଭ ହେଲା ପଲ୍ଲୀଶ୍ରୀ ମେଳା

୩୧ ଜାନୁଆରୀ ୨୦୨୪ (ଓଡିଶା ତାଜା ନ୍ୟୁଜ) କଟକ :-> କଟକ ସଦରଥାନା ଅନ୍ତର୍ଗତ ତେଲଙ୍ଗାପେଣ୍ଠ ସ୍ଥିତ ଗାନ୍ଧୀ ସ୍ମୃତି ପୀଠରେ ବୁଧବାର ସନ୍ଧ୍ୟାରେ ଆରମ୍ଭ ହୋଇଛି ପଲ୍ଲୀଶ୍ରୀ ମେଳା । ଏହି ମେଳାକୁ ନୂତନ ଜିଲ୍ଲାପାଳ ଭିନିତ ଭରଦ୍ୱ।ଜ ମୁଖ୍ୟ ଅତିଥି ଭାବେ ଯୋଗ ଦେଇ ପଲ୍ଲୀଶ୍ରୀ ମେଳାକୁ ଉଦଘାଟନ କରିଥିଲେ । ୬୦ରୁ ଉର୍ଦ୍ଧ୍ବ ବିଭିନ୍ନ ପ୍ରକାର ଷ୍ଟଲ ପ୍ରଦର୍ଶନୀ ସ୍ଥାନ ପାଇଛି । ଆୟୋଜିତ ସଭାରେ କଟକ ସଦର ଉପଜିଲ୍ଲାପାଳ କମଲ ଜିତ୍ ଦାସ, କଟକ ସଦର ବିଧାୟକ ଚନ୍ଦ୍ର ସାରଥି ବେହେରା,

କଟକ ଜିଲ୍ଲା ପରିଷଦ ଉପାଧ୍ୟକ୍ଷା ଶୁଭଦ୍ରା ଦାସ, ୪ନମ୍ବର ଜିଲ୍ଲା ପରିଷଦ ଯୋନର ସଭ୍ୟା ଆଶାଲତା ବେହେରା ,କର୍ପୋରେଟର ପୂର୍ଣ୍ଣିମା ସ୍ୱାଇଁ, ପୂର୍ବତନ ସରପଞ୍ଚ ପିତବାସ ମହାପାତ୍ର , ବନମାଳୀ ଦାସ ପ୍ରମୁଖ ଯୋଗ ଦେଇ ଉଦବୋଧନ ଦେଇଥିଲେ । ମିଶନ ଶକ୍ତି ଜରିଆରେ ମହିଳା ସ୍ୱୟଂ ସହାୟକ ଗୋଷ୍ଠୀର ସଦସ୍ୟ ମାନେ ସେମାନଙ୍କର ହାତ ତିଆରି ଜନିଷ ମେଳାରେ ପ୍ରଦର୍ଶନ କରିଛନ୍ତି ।

ସେହିପରି ଏମ ଏସ ଏମ ଇ ମାଧ୍ୟମରେ ବିଭିନ୍ନ ଷ୍ଟଲ ଖୋଲାଯାଇଛି । ସେହିପରି ସରକାରଙ୍କ ପକ୍ଷରୁ କେତେକ ଷ୍ଟଲ ଖୋଲାଯାଇଛି । ଉକ୍ତ ମେଳାରେ ଚଟପଟି ଖାଦ୍ୟର ପସରା ସାଙ୍ଗକୁ ପିଲାମାନେ ମେଳା ବୁଲିବା ସହିତ ପାର୍କରେ ଲାଗାଯାଇଥିବା ଦୋଳୀରେ ବସିବା ସହିତ ଖସଡ଼ାରେ ଚଢ଼ି ମଜା ନେଉଥିବା ଦେଖିବାକୁ ମିଳୁଛି ।

ସନ୍ଧ୍ୟାରେ ସୁନ୍ଦର ଆଲୋକ ସାଜସଜ୍ଜା ମେଳାକୁ ଆକର୍ଷିତ କରିପାରୁଛି । ମେଳାକୁ ଆସୁଥିବା ଲୋକମାନଙ୍କ ମନୋରଞ୍ଜନ ପାଇଁ ବିଭିନ୍ନ ଅନୁଷ୍ଠାନ ପକ୍ଷରୁ ସାସ୍କୃତିକ କାର୍ଯ୍ୟ ପରିବେଷଣ କରାଯାଉଛି । ଏହି କାର୍ଯ୍ୟ ଜିଲ୍ଲା ପ୍ରଶାସନ ଏବଂ ସଂସ୍କୃତି ବିଭାଗ ପକ୍ଷରୁ କରାଯିବାକୁ ଥିଲେ ମଧ୍ୟ ଜିଲ୍ଲା ପ୍ରଶାସନ , ସିଏମସି ଏବଂ ସଂସ୍କୃତି ବିଭାଗ ନିରବଦ୍ରଷ୍ଟା ସାଜିଛି ।

ଏହାକୁ ଆଖିଆଗରେ ରଖି କଟକ ସଦର ବିଧାୟକ ତଥା ପୂର୍ବତନ କ୍ରୀଡା ମନ୍ତ୍ରୀ ଚନ୍ଦ୍ର ସାରଥୀ ବେହେରା ଏବଂ ତାଙ୍କର ଦଳୀୟ କର୍ମୀ ଦିନରାତି ମେଳା ଗ୍ରାଉଣ୍ଡରେ ଉପସ୍ଥିତ ରହି କାର୍ଯ୍ୟକୁ ପରିଚାଳନା କରୁଥିବା ଦେଖିବାକୁ ମିଳିଥିଲା । ଏହି ମେଳା ଶନିବାର ରାତି ୧୦ଟା ପର୍ଯ୍ୟନ୍ତ ଚାଲିବ । ମେଳାରେ ପ୍ରବଳ ଜନସମାଗମ ହେଉଥିବାରୁ ଶାନ୍ତି ଶୃଙ୍ଖଳା ରକ୍ଷା ପାଇଁ କଟକ ସଦର ପୋଲିସ ପକ୍ଷରୁ ପୋଲିସ ଫୋର୍ସ ମୁତୟନ କରାଯାଇଥିଲା ।