ପୁରୁଣା ବିଜେଡି ସକ୍ରିୟ କର୍ମୀ ଓ ନେତାଙ୍କୁ ବିଧାୟକ ଙ୍କ ଅଣଦେଖା ନେଇ ସାମ୍ବାଦିକ ସମ୍ମିଳନୀ

୩୦ ଜାନୁଆରୀ ୨୦୨୪ (ଓଡିଶା ତାଜା ନ୍ୟୁଜ) ପାଟଣାଗଡ :- ବଲାଙ୍ଗୀର ଜିଲ୍ଲା ପାଟଣଗଡ ନିର୍ବାଚନ ମଣ୍ଡଳୀର ପୁରୁଣା ବିଜେଡି ସକ୍ରିୟ କର୍ମୀ ଓ ନେତାଙ୍କୁ ପାଟଣାଗଡ ବିଧାୟକ ସରୋଜ ମେହେର ଅଣଦେଖା କରୁଥିବାନେଇ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ସେମାନେ ଅଭିଯୋଗ କରିଛନ୍ତି । ସାରା ରାଜ୍ୟରେ ପାଟଣାଗଡ ନିର୍ବାଚନ ମଣ୍ଡଳୀ ଏକ ଚର୍ଚ୍ଚିତ ଚେହେରା ଭାବରେ ପରିଗଣିତ ହୋଇଥାଏ ‌। ତେବେ ଏହି ନିର୍ବାଚନ ମଣ୍ଡଳୀରେ ଥିବା ବିଜେଡି ଦଳର ସକ୍ରିୟ କର୍ମୀ ଓ ନେତାମାନେ ବିଧାୟକ ଙ୍କ କାର୍ଯ୍ୟକଲାପକୁନେଇ ଏବେ ଅସନ୍ତୋଷ ବ୍ୟକ୍ତ କରିଛନ୍ତି । ଦଳର ପ୍ରଦୀପ ପୁରୋହିତ,ଗୁଲାପ ମେହେର,ତନ୍ନୟ ପାଣିଗ୍ରାହୀ,ଆଲୋକ ପାଣିଗ୍ରାହୀ ଓ ଅନ୍ୟାନ୍ୟ କର୍ମୀ ଙ୍କ କହିବା ମୁତାବକ ଗତ ୨୦୧୯ ମସିହା ସାଧାରଣ ନିର୍ବାଚନ ପୁର୍ବରୁ ସରୋଜ ଉପଖଣ୍ଡରେ ଜଣେ ଚାଷୀ ସହ ସଫଲ ବ୍ୟବସାୟୀ ଭାବରେ ଜଣାଶୁଣା ଥିଲେ । ତେବେ ୩ ଗୋଟି ବ୍ଲକରେ ବିଜେଡି ଦଲର ବିଭିନ୍ନ ପଦପଦବିରେ ଥିବା ପୁରୁଣା ସକ୍ରିୟ କର୍ମୀ ଓ ନେତାମାନେ ସରୋଜ କୁ ରାଜନୀତି କୁ ଆଣିବା ସ଼ହ ଦଲୀୟ ନିର୍ଦ୍ଦେଶ ମୁତାବକ ପରିଚାଲିତ ହୋଇ ତାଙ୍କ ନେତୃତ୍ବରେ ୨୫ ବର୍ଷର ବିଜେପି ଗଡକୁ ଭାଙ୍ଗିବାରେ ସଫଲ ହୋଇଥିଲେ । ସରୋଜ ପାଟଣାଗଡ ନିର୍ବାଚନ ମଣ୍ଡଳୀର ବିଧାୟକ ହେବାର କିଛିମାସ ସବୁତକ ଠିକଠାକ ଥିଲା । ପରେ କିନ୍ତୁ ସେ ପୁରୁଣା ସକ୍ରିୟ କର୍ମୀ ଓ ନେତାଙ୍କୁ ଅଣଦେଖାକରି କିଛି ଅନଭିଜ୍ଞ ଦଲୀୟ କର୍ମୀ ଓ ନେତାଙ୍କ ଦ୍ଵାରା ପରିଚାଳିତ ହୋଇ ବେଲପଡା ବ୍ଲକ ଘାଗୁଲ୍ଲି ଗାଁରେ ଦିନ ଦୀଇପହରରେ ସର୍ବ ସମ୍ଭୁଖରେ ଜଣେ ଆଦିବାସୀ ଯନ୍ତ୍ରୀଙ୍କୁ କାନ ଧରି ଉଠବସ କରାଇଥିଲେ । ପରେ ପରିଣାମ ସ୍ବରୂପ ତାଙ୍କୁ ଜେଲ ଜିବାକୁ ମଧ୍ୟ ପଡ଼ିଥିଲା ।ବିବାଦୀୟ ସ୍ଥାନରେ ବିଜୁପଟ୍ଟନାୟକ ଙ୍କ ପ୍ରତିମୂର୍ତ୍ତିକୁ ସ୍ଥାପନ କରି ଭଗବାନ ପର୍ଶୁରାମଙ୍କ ପ୍ରତିଛବିକୁ ଅପସରଣ କରିବାରୁ ଲୋକଙ୍କ ଭାବନା ସହ ଖେଲିଥିବାରୁ ହିନ୍ଦୁ ସମାଜ ସହ ନିର୍ବାଚନ ମଣ୍ଡଳୀର ଳୋକେ ତାଙ୍କୁ ପ୍ରବଲ ବିରୋଧ କରିଥିଲେ । ଜାହା ଫଲରେ ବିଜୁଜନତାଦଳ ଏବେ ନିର୍ବାଚନ ମଣ୍ଡଳୀରେ ବଦନାମ ହେବାରେ ଲାଗିଛି । ଏପରିକି ବିଧାୟକ ଶ୍ରୀ ମେହେର ବିଜୟ ହେବାପରେ ସେତାଙ୍କ ଦରମାକୁ ଖଟିଖିଆ ଓ ଗରିବ ଳୋକଙ୍କୁ ଭର୍ତ୍ତା ଦେବାପାଇଁ ଘୋଷଣା କରି ଏବେ ସେଥିରୁ ମଧ୍ୟ ମୁଁହ ଫେରେଇ ନେଇଥିବାନେଇ ସେ ବର୍ତ୍ତମାନ ସମାଲୋଚନାରପାତ୍ର ହୋଇଛନ୍ତି । ଠିକା ବଣ୍ଟନ କାମକୁ ନେଇ ପ୍ରାରମ୍ଭରୁ ହିଁ ବିବାଦ ଘେରରେ ଥିବା ବିଧାୟକଙ୍କ ଏସବୁ କାର୍ଯ୍ୟକଲାପକୁନେଇ ଏବେ ତିନୋଟି ବ୍ଲକର ପୁରୁଣା ସକ୍ରିୟ ଦଲିୟ କର୍ମୀ ଓ ନେତା ଦଲୀୟ ଫର୍ମରେ ରାଜ୍ୟର ଦଲୀୟ ସାଙ୍ଗଠନିକ ସମ୍ପାଦକ ପ୍ରଣପ୍ରକାଶ ଦାସ (ବବି) ସୁସାନ୍ତ ସିଂ ଓ କଲିକେଶ ନାରାୟଣ ସିଂଦେଓ ଙ୍କୁ ମୋୖଖିକ ଭାବରେ ଅଭିଯୋଗ ମଧ୍ୟ କରିଥିଲେ । ବାରମ୍ବାର ଅଭିଯୋଗ ସ୍ଵତ୍ବେ ସେମାନ କୋୖଣସି ସୁଫଳ ପାଇନଥିବାରୁ ଆଜି ସାମ୍ବାଦିକ ସମ୍ମିଳନୀ ମାଧ୍ୟମରେ ବିଧାୟକ ଙ୍କ ଏହିସବୁ ମନମୁଖୀ କାଯ୍ୟକଲାପକୁ ଲୋକଲୋଚନକୁ ଆଣିବାସହ ମୁଖ୍ୟ ମନ୍ତ୍ରୀଙ୍କ ଦୃଷ୍ଟି ଆକର୍ଷଣ କରିବେ ବୋଲି ମତବ୍ୟକ୍ତ କରିଛନ୍ତି । ଆଜିର ଏହି ସାମ୍ବାଦିକ ସମ୍ମିଳନୀରେ ଅନ୍ୟମାନଙ୍କ ମଧ୍ୟରେ ଶିବାନନ୍ଦ ପରିଛା, ଲିଙ୍ଗରାଜ ନାଗ, ଯୁବରାଜ ମେହେର, ରିଙ୍କୁ ପୁରୋହିତ,ଶିବ ଛତର, ମଣ୍ଟୁ ପଧାନ,ପ୍ରତାପ ମେହେର ପ୍ରମୁଖ ଉପସ୍ଥିତ ଥିଲେ ।